ପଶ୍ଚିମବଙ୍ଗ ବିଧାନସଭା ନିର୍ବାଚନ: ଟିଏମସିକୁ ସମର୍ଥନ ଦେଲେ ଅଖିଳେଶ ଯାଦବ । କହିଲେ ‘ଟିଏମସିର ବିଜୟ ହିଁ ସମାଜବାଦୀ ପାର୍ଟିର ବିଜୟ’
କନକ ବ୍ୟୁରୋ : ସମାଜବାଦୀ ପାର୍ଟିର ମୁଖ୍ୟ ତଥା ଉତ୍ତରପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଅଖିଳେଶ ଯାଦବ ଆଜି ରାହାଜିଙ୍ଗ ଠାରେ ଆୟୋଜିତ ଏକ ସଭାରେ ମମତାଙ୍କ ପ୍ରତି ସମର୍ଥନ ଘୋଷଣା କରିଛନ୍ତି । ସେ କହିଛନ୍ତି କି ପଶ୍ଚିମବଙ୍ଗରେ ଥିବା ତାଙ୍କର ସମର୍ଥକ ଓ ଦଳର ନେତା ମାନେ ବିଧାନସଭା ନିର୍ବାଚନରେ ତୃଣମୂଳ କଂଗ୍ରେସ ପାଇଁ କାମ କରିବେ ଓ ଦଳର ରାଷ୍ଟ୍ରୀୟ ଉପାଧ୍ୟକ୍ଷା କିରଣମୟ ନନ୍ଦ ଟିଏମସି ସମର୍ଥନରେ ନିର୍ବାଚନ ପ୍ରଚାର କରିବେ ।
Kanak News is now on WhatsApp
Join and get latest news updates delivered to you via WhatsApp
ମମତାଙ୍କୁ ସମର୍ଥନ ଜଣାଇ ଅଖିଳେଶ କହିଥିଲେ କି ସେ କିଛିଦିନ ପୂର୍ବରୁ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ସହ କଥା ହୋଇଛନ୍ତି । ଏହି କଥାବାର୍ତ୍ତା ବେଳେ ଟିଏମସିର ବିଜୟ ସମାଜବାଦୀ ପାର୍ଟିର ବିଜୟ ବୋଲି ସେ କହିଥିଲେ । ଏହାସହ ସେ କହିଛନ୍ତି କି ଏବେ ପଶ୍ଚିମବଙ୍ଗରେ ବିଜେପିର ସମର୍ଥକ ଦଳମାନେ ଲୁଚି ରହିଛନ୍ତି । ନିର୍ବାଚନ ସରିଗଲେ ସେମାନେ ପୁଣି ଉତ୍ତରପ୍ରଦେଶ ଆସିବେ ହେଲେ ଉତ୍ତରପ୍ରଦେଶର ଜନତା ସେମାନଙ୍କୁ ଗ୍ରହଣ କରିବେ ନାହିଁ ।
ସେପଟେ ଉତ୍ତରପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ପଶ୍ଚିମବଙ୍ଗର ମାଳଦାରେ କରିଥିବା ନିର୍ବାଚନ ରାଲିକୁ ନେଇ ଅଖିଳେଶ କହିଛନ୍ତି କି ଯୋଗୀ ସେଠାକୁ ଯାଉଛନ୍ତି ଯେଉଁ ଅଞ୍ଚଳର ଭାଷା ସେ ଜାଣି ନାହାନ୍ତି । ସେଠାରେ ଯେତେବେଳେ ସେ ଲଭ୍ ଜିହାଦକୁ ନେଇ ଭାଷଣ ଦେଉଥିଲେ ସେତେବେଳେ ସେ ଲୋକମାନଙ୍କୁ ସୂଚନା ଦେବା ଦରକାର ଥିଲା କି ଉତ୍ତରପ୍ରଦେଶରେ କେତେ ଯୁବକ ବେରୋଜଗାର .ଅଛନ୍ତି ।
ପଶ୍ଚିମବଙ୍ଗ ନିର୍ବାଚନକୁ ଆଉମାତ୍ର କିଛି ଦିନ ବାକି ଥିବା ବେଳେ ଗୋଟିଏପଟେ ଆରଜେଡି ମମତାଙ୍କୁ ସମର୍ଥନ କରୁଛି ତ ଅନ୍ୟପଟେ ସମାଜବାଦୀ ପାର୍ଟି ମମତାଙ୍କୁ ସମର୍ଥନ ଜଣାଇଛି । ଏମାନଙ୍କ ସମର୍ଥନକୁ ବ୍ୟବହାର କରି ମମତା କଭଳି ବିଜେପିକୁ ମାତ୍ ଦେବେ ତାହା କେବଳ ଦେଖିବାକୁ ବାକି ରହିଲା ।