କନକ ବ୍ୟୁରୋ: ମହାରାଷ୍ଟ୍ରରେ ଅଜିତ ପାୱାର ଗୋଷ୍ଠୀ ନେତା ଛଗନ ଭୁଜବଳ ଏବଂ ଶରଦ ପାୱାରଙ୍କ ସାକ୍ଷାତ ରାଜନୈତିକ ପାରା ବଢ଼ାଇଛି। ଉଭୟଙ୍କ ଭେଟଘାଟର ରାଜନୈତିକ ଅର୍ଥ ବାହାର କରାଯାଉଛି। ଏ ହେଉଛନ୍ତି ସେହି ଭୁଜବଳ ଯିଏ ଅଜିତ ପାୱାରଙ୍କ ଦାଦା ତଥା ଏନସିପି ମୁଖ୍ୟ ଶରଦ ପାୱାରଙ୍କ ବିରୋଧରେ ବିଦ୍ରୋହ କରି ଏନଡିଏରେ ଯୋଗ ଦେଇଥିଲେ । ଲୋକସଭା ନିର୍ବାଚନରେ ଶରଦଙ୍କ ଦଳ ଇଣ୍ଡିଆ ଆଲାଏନ୍ସ ଭଲ ପ୍ରଦର୍ଶନ କରିଛି, ଏଭଳି ପରିସ୍ଥିତିରେ ଭୁଜବଳ ପୁଣି ଥରେ ଶରଦଙ୍କ ଗୋଷ୍ଠୀକୁ ଆସିବାକୁ ଯୋଜନା କରୁଛନ୍ତି କି ବୋଲି ପ୍ରଶ୍ନ ଉଠୁଛି।