କରୋନା କାଳରେ ମହଙ୍ଗା ହେବାକୁ ଯାଉଛି ବିମାନ ଯାତ୍ରା । ବିମାନ ଟିକେଟ୍ ଉପରେ ୧୬ ପ୍ରତିଶତ ଦାମ ବଢାଇଲେ କେନ୍ଦ୍ର ସରକାର । ଜୁନ୍ ପହିଲାରୁ ଲାଗୁହେବ ନୂଆଦର
କନକ ବ୍ୟୁରୋ : ବିମାନ ଯାତ୍ରା କରୁଥିବା ଯାତ୍ରୀ ମାନଙ୍କ ପକେଟ ଉପରେ ଏବେ ମହଙ୍ଗା ମାଡ ହେବାକୁ ଯାଉଛି । କେନ୍ଦ୍ର ବେସାମରିକ ବିମାନ ଚଳାଚଳ ମନ୍ତ୍ରଣାଳୟ ପକ୍ଷରୁ କରୋନା କାଳରେ ବି ବିମାନ ଟିକେଟର ଦାମ ବୃଦ୍ଧି କରାଯାଇଛି । ବୃଦ୍ଧି ହୋଇଥିବା ନୂଆଦର ଜୁନ୍ ମାସ ପହିଲାରୁ ଲାଗୁ ହେବ ବୋଲି କୁହାଯାଇଛି । କେନ୍ଦ୍ରୀୟ ମନ୍ତ୍ରଣାଳୟ ପକ୍ଷରୁ ଅଲଗା ଅଲଗା ସମୟରେ ଚାଲୁଥିବା ବିମାନର ଟିକେଟ ଦାମ ୧୩ ରୁ ୧୬ ପ୍ରତିଶତ ପର୍ଯ୍ୟନ୍ତ ବୃଦ୍ଧି କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ମନ୍ତ୍ରଣାଳୟର ସୂଚନା ମୁତାବକ ୪୦ ମିନିଟ୍ ଉଡାଣ କରୁଥିବା ଯାତ୍ରୀଙ୍କ ପାଇଁ ଟିକେଟର ଦାମ ୨୩ ଶହ ଟଙ୍କାରୁ ବୃଦ୍ଧି କରାଯାଇ ୨୬ ଶହ ଟଙ୍କା କରାଯାଇଛି । ସେହିଭଳି ୪୧ ରୁ ୬୦ ମିନିଟ ଉଡାଣ କରୁଥିବା ବିମାନର ଟିକେଟ ୨୯ ଶହ ଟଙ୍କାରୁ ୩୩ ଶହ ଟଙ୍କାକୁ ବୃଦ୍ଧି କରାଯାଇଛି ।
କରୋନା ମହାମାରୀ ପାଇଁ ଏଭିଏସନ୍ ସେକ୍ଟରରେ କ୍ଷତି ହୋଇଛି । ସେଣ୍ଟର ଫର ପେସିଫିକ୍ ଏଭିଏସନ୍ (ସିଏପିଏ) ର ଆକଳନ ମୁତାବକ ଗତବର୍ଷ ଏହି ସେକ୍ଟରେ ୬ ରୁ ସେଢେ ୬ ଅରବ ଡଲାର କ୍ଷତି ହୋଇଛି । ଏହି ସଂକଟରୁ ମୁକୁଳିବା ପାଇଁ ପାଖା ପାଖି ୫ ଶହ ଅରବ ଡଲାର ନିବେଶର ଆବଶ୍ୟକତା ରହିଛି । ଆପଣଙ୍କୁ କହିରଖୁ କି ସିଏପିଏ ହେଉଛି ଘରୋଇ ଏଭିଏସନକୁ ପରାମର୍ଶ ଦେଉଥିବା ଏକ କମ୍ପାନୀ ।
କହିରଖୁ କି କେବଳ ବିମାନ ଟିକେଟ୍ ନୁହେଁ କରୋନା କାଳରେ ବି ରେଳ ଟିକେଟ ମହଙ୍ଗା ହୋଇଛି । ଲୋକଲ ଟ୍ରେନରେ ୨୦ କିଲୋମିଟର ଯାତ୍ରା ପାଇଁ ଯାତ୍ରୀଙ୍କୁ ୧୦ ଟଙ୍କା ଭଡା ଦେବାକୁ ପଡୁଥିବା ବେଳେ ରେଳ ମନ୍ତ୍ରଣାଳୟ ଏହାକୁ ୩୦ ଟଙ୍କାକୁ ବୃଦ୍ଧି କରିଛି ।