ଦିଲ୍ଲୀରେ ପ୍ରଦୂଷଣ ରୋକିବାକୁ ‘ଗ୍ରୀନ୍ ଫଣ୍ଡ୍’: ଖର୍ଚ୍ଚ ହେବ ୧୮.୭୪ କୋଟି
କନକ ବ୍ୟୁରୋ: ଦିଲ୍ଲୀରେ ବଢୁଥିବା ବାୟୁ ପ୍ରଦୂଷଣକୁ ରୋକିବାକୁ ନ୍ୟାସନାଲ କ୍ଲିନ୍ ଏୟାର ପ୍ରୋଗ୍ରାମ୍ (ଏନସିପି) । ଏଥିପାଇଁ କେନ୍ଦ୍ର ସରକାର ‘ଗ୍ରୀନ୍ ଫଣ୍ଡ’ ଅଧିନରେ ୧୮.୭୪ କୋଟି ସହାୟତା ଯୋଗାଇଛନ୍ତି । ଏନସିପିର ଏହି ଯୋଜନା ଅନୁଯାୟୀ ଦିଲ୍ଲୀରେ ୨୦୨୪ ସୁଦ୍ଧା ପିଏମ (ପାର୍ଟିକ୍ୟୁଲେଟ୍ ମ୍ୟାଟର)କୁ ୨୦%ରୁ ୩୦% ଯାଏଁ ହ୍ରାସ କରାଯିବାର ଲକ୍ଷ୍ୟ ଧାର୍ଯ୍ୟ କରାଯାଇଛି । ପାର୍ଟିକ୍ୟୁଲେଟ୍ ମ୍ୟାଟର ହେଉଛି ବାୟୁରେ ଧୂଳି କଣା ବା ଜଳୀୟ କଣା ଭାବେ ରହୁଥିବା କଣିକା, ଯେଉଁଥିରୁ ଅଧିକାଂଶ ବିଷାକ୍ତ ।ଏଥିରେ ଉଭୟ ଜୈବିକ ଓ ଅଣଜେବିକ କଣିକା ଅନ୍ତର୍ଭୁକ୍ତ ।
Kanak News is now on WhatsApp
Join and get latest news updates delivered to you via WhatsApp
ଦିଲ୍ଲୀରେ ପ୍ରଦୂଷଣ ରୋକିବାକୁ ୨୦୧୯ରୁ ଏହି ଯୋଜନା ଆରମ୍ଭ ହୋଇଥିଲେ ବି ପ୍ରଥମ ଥର ପାଇଁ ଏହି ଗ୍ରୀନ୍ ଫଣ୍ଡ ଯୋଗାଇଦିଆଯାଉଛି । ପୂର୍ବରୁ ବିଭିନ୍ନ ସୂତ୍ରରୁ ଅର୍ଥ ଆଦାୟ ହେଉଥିବାରୁ ଏହି ଫଣ୍ଡିଂ ଦିଆଯାଇନଥିଲା । କିନ୍ତୁ ଚଳିତ ବର୍ଷ ଦିଲ୍ଲୀକୁ ଏନସିପି ଅଧିନରେ ଫଣ୍ଡିଂ କରାଯାଇଛି । କେବଳ ଦିଲ୍ଲୀ ନୁହେଁ ଦେଶର ମୋଟ ୧୩୨ଟି ସହରକୁ ପ୍ରଦୂଷଣ ମୁକ୍ତ କରିବାକୁ କେନ୍ଦ୍ର ସରକାର ଅର୍ଥ ଯୋଗାଇଦେଇଛନ୍ତି । ରାଜଧାନୀରେ ବାୟୁ ପ୍ରଦୂଷଣର ମୁକାବିଲା କରିବାକୁ ଦିଲ୍ଲୀ ସରକାର ‘ଶୀତକଳୀନ କାର୍ଯ୍ୟ ଯୋଜନା’ ପ୍ରସ୍ତୁତ କରିଛନ୍ତି ମୁଖ୍ୟମନ୍ତ୍ରୀ ଅରବିନ୍ଦ କେଜରୀୱାଲ । ଏହା ଅଧିନରେ ମୁଖ୍ୟତଃ ସ୍ମୋଗ୍ ଟାୱାରକୁ ଗୁରୁତ୍ୱ ଦିଆଯିବ ବୋଲି କେଜରୀୱାଲ କହିଛନ୍ତି ।