ଘରକୋଣରେ ଲୁଚିରହିଛି ମୃତ୍ୟୁ ! ଏଭଳି ଉପାୟରେ ନିଜର ସୁରକ୍ଷା କରନ୍ତୁ ।
ବିଶ୍ୱ ସ୍ୱାସ୍ଥ୍ୟ ସଂଗଠନର ରିପୋର୍ଟ ଅନୁସାରେ, ପ୍ରତିବର୍ଷ ଭାରତରେ ପ୍ରାୟ ୪୩ ଲକ୍ଷ ଲୋକଙ୍କ ମୃତ୍ୟୁ ଘରର ପ୍ରଦୂଷିତ ବାୟୁ ଯୋଗୁଁ ହୋଇଥାଏ । ଘରୁ ବାହାରକୁ ଯିବା ସମୟରେ ବାହାରର ଧୂଆଁ,ଧୂଳି ଏବଂ ବାୟୁ ପ୍ରଦୂଷଣ ଶରୀର ପ୍ରତି ହାନୀକାରକ ହୋଇଥାଏ । କିନ୍ତୁ ବାହାରର ପ୍ରଦୂଷଣ ଠାରୁ ଘରେ ଥିବା ପ୍ରଦୂଷଣ ଅଧିକ କ୍ଷତିକାରକ । କିନ୍ତୁ ଆମେ ଏହା ପ୍ରତି କେବେ ଧ୍ୟାନ ଦେଇନଥାଉ,ଯାହା ଫଳରେ ଅନେକ ରୋଗ ଆମକୁ ଗ୍ରାସ କରିଥାଏ ।
Kanak News is now on WhatsApp
Join and get latest news updates delivered to you via WhatsApp
ଭାରତୀୟ ଘରମାନଙ୍କରେ ଖାଇବା ଘରେ ହିଁ ପ୍ରସ୍ତୁତ କରାଯାଇଥାଏ ଏବଂ ପ୍ରଦୂଷିତ ବାଷ୍ପ ବାହାରକୁ ଯିବା ପାଇଁ ସେଭଳି କିଛି ସୁବିଧା ନଥାଏ । ଏହାର କାରଣବଶତଃ,ଧୂଳି,ଧୂଆଁ ଘର କୋଣରେ ରହି ବିଭିନ୍ନ ରୋଗ ବ୍ୟାପିଥାନ୍ତି । ଘରରେ ଲୁକ୍କାୟିତ ଅବସ୍ଥାରେ ଥିବା ପ୍ରଦୂଷଣ ଆମ ଆଖି,କାନ,ନାକ ଏବଂ ଗଳା ଉପରେ ପ୍ରଭାବ ପକାଇଥାନ୍ତି । ଯେଉଁଥିରେ ଆଖି ଜଳାପୋଡା ହେବା,ମୁଣ୍ଡବ୍ୟଥା,ମୁଣ୍ଡ ବୁଲାଇବା,ଥକ୍କାପଣ,ନିଶ୍ୱାସ ପ୍ରଶ୍ୱାସ ନେବାରେ ଅସୁବିଧା ଉପୁଜିବା ଭଳି ସମସ୍ୟା ଦେଖାଯାଏ । ଯଦି ଆପଣ ଲଗାତାର ଘରୋଇ ପ୍ରଦୂଷଣର ଶିକାର ହୋଇଥାନ୍ତି । ତେବେ ହୃଦରୋଗ ଏବଂ କ୍ୟାନ୍ସର ହେବାର ସମସ୍ୟା ଅଧିକ ବଢିଯାଏ ।
ଘରର କବାଟ-ଝରକା ଖୋଲନ୍ତୁ :
ଅଧିକାଂଶ ଲୋକ ମଶା ଏବଂ ମାଛିଙ୍କ କବଳରୁ ରକ୍ଷା ପାଇବା ପାଇଁ ଘରେ ମଶାଧୂପ ଲଗାଇ କବାଟ-ଝରକାକୁ ବନ୍ଦ କରିଥାନ୍ତି । କିନ୍ତୁ ଏହା ବେଳେବେଳେ ଜୀବନ ଘାତକାରୀ ସାଜିଥାଏ । କବାଟ- ଝରକା ବନ୍ଦ କରିବା ଦ୍ୱାରା ଘରର ପ୍ରଦୂଷିତ ବାୟୁ ବାହାରକୁ ଯାଇପାରିନଥାଏ । ଏହି ପ୍ରଦୂଷିତ ବାୟୁ ନିଶ୍ୱାସ ପ୍ରଶ୍ୱାସ ମାଧ୍ୟମରେ ଶରୀରକୁ ଯାଇଥାଏ । ତେବେ ଏଥିରୁ ନିଜକୁ ରକ୍ଷା କରିବା ପାଇଁ ସବୁବେଳେ କବାଟ- ଝରକାକୁ ବନ୍ଦ ନରଖି ଖୋଲା ରଖନ୍ତୁ । ଘରର ପ୍ରଦୂଷଣକୁ କମ୍ କରିବା ପାଇଁ ଏଡଜଷ୍ଟ୍ ଫ୍ୟାନ୍ ଚଲାଇବା ଦରକାର । ଘରେ ଧୂମପାନ କରିବା ଅଭ୍ୟାସକୁ ଛାଡନ୍ତୁ । ଘରେ ବିଷାକ୍ତ ଗ୍ୟାସର ଛାଡୁଥିବା ଉପକରଣ ଯେଭଳି ଫ୍ରିଜ୍,ଏ.ସି ଆଦିକୁ ସମୟେ ସମୟେ ସର୍ଭିସ ଦେଇଥାଏ । ଚଟାଣକୁ ନିୟମିତ ସଫା କରିବା ସହ ନିୟମିତ ଘର ସାମଗ୍ରୀକୁ ମଧ୍ୟ ସଫା ରଖନ୍ତୁ । ଘରର କୋଣ ଏବଂ ଫର୍ଣ୍ଣିଚରକୁ ମଧ୍ୟ ଲଗାତାର ସଫା କରନ୍ତୁ । ଘରେ କୀଟନାଶକ ଉତ୍ପାଦର କମ୍ ଉପଯୋଗ କରନ୍ତୁ ।
ଘରେ ଗଛ ଲଗାନ୍ତୁ :
ଘରକୁ ପ୍ରଦୂଷଣରୁ ମୁକ୍ତ କରିବା ପାଇଁ ଗଛ ଲଗାନ୍ତୁ ଏବଂ ଲଗାତାର ପାଣି ଦିଅନ୍ତୁ । ଏହାଦ୍ୱାରା ଘରେ ପ୍ରଦୂଷଣରୁ ମୁକ୍ତ ରହିବା ସହ ସୁନ୍ଦର ମଧ୍ୟ ଦେଖାଯିବ । ବିଭିନ୍ନ ପ୍ରକାର ଫୁଲଗଛ ଏବଂ ମନିପ୍ଲାଣ୍ଟ ଘରେ ଲଗାନ୍ତୁ ।