ଏୟାର ଇଣ୍ଡିଆକୁ ସଂକଟରୁ ଉଦ୍ଧାର କରିବାକୁ ପ୍ରସ୍ତୁତ ହେଉଛନ୍ତି କମ୍ପାନୀର କର୍ମଚାରୀ । ପ୍ରତି କର୍ମଚାରୀ ଦେବେ ୧ ଲକ୍ଷ ଟଙ୍କା । ୧୪ ଡିସେମ୍ବରରେ ହେବ ନିଲାମ
କନକ ବ୍ୟୁରୋ : ପାଖା ପାଖି ୯୦ ହଜାର କୋଟି ଟଙ୍କା କରଜରେ ଥିବା ସରକାରୀ ବିମାନ କମ୍ପାନୀ ପାଇଁ ଅଡୁଆ ବଢିବାରେ ଲାଗିଛି । ଏଭଳି ସଂକଟରୁ କମ୍ପାନୀକୁ ଉଦ୍ଧାର କରିବାକୁ ଏବେ ଅଣ୍ଟା ଭିଡିଛନ୍ତି କମ୍ପାନୀର କର୍ମଚାରୀ ମାନେ । ଡିସେମ୍ବର ୧୪ ତାରିଖରେ ଏୟାର ଇଣ୍ଡିଆ ନିଲାମ ହେବା ପୂର୍ବରୁ କର୍ମଚାରୀ ମାନେ ଏକ ଆର୍ଥିକ ଭାଗିଦାରୀ ସହ ମିଶି ନିଲାମରେ ଭାଗ ନେବେ ବୋଲି ଏକ ଜାତୀୟ ଗଣମାଧ୍ୟମରେ ଖବର ପ୍ରକାଶ ପାଇଛି ।
Kanak News is now on WhatsApp
Join and get latest news updates delivered to you via WhatsApp
କର୍ମଚାରୀଙ୍କ ଯୋଜନା ମୁତାବକ କମ୍ପାନୀର କର୍ମଚାରୀ ମାନେ କମ୍ପାନୀକୁ ଏଭଳି ସଂକଟରୁ ରକ୍ଷା କରିବାକୁ ୫୧ ପ୍ରତିଶତ ଅଂଶଧନ କିଣିବାକୁ ପ୍ରସ୍ତୁତ ହେଉଛନ୍ତି । ଏଭଳି ସ୍ଥଳେ ପ୍ରତି କର୍ମଚାରୀଙ୍କୁ ୧ ଲକ୍ଷ ଟଙ୍କାରୁ କମ୍ ଦେବାକୁ ପଡିବ । ଏହାସହ ବାକି ୪୯ ପ୍ରତିଶତ ଭାଗିଦାରୀ ଅନ୍ୟଜଣଙ୍କ ପାଖରେ ରହିବ (ଯିଏ କି ଆର୍ଥିକ ଭାଗିଦାରୀ ଭାବେ କର୍ମଚାରୀଙ୍କ ସହ ନିଲାମରେ ଭାଗ ନେବେ) ।
କର୍ମଚାରୀଙ୍କ ମଧ୍ୟରେ ଚାଲିଥିବା ଆଲୋଚନା ମୁତାବକ କର୍ମଚାରୀଙ୍କ ପାଖରେ ଏତେ ପରିମାଣର ଅର୍ଥ ନଥିବାରୁ ସେମାନେ ପ୍ରାଇଭେଟ୍ ଇକ୍ୟୁଟି୍ ଫଣ୍ଡ ମାଧ୍ୟମରେ କମ୍ପାନୀରେ ସେମାନଙ୍କର ଅର୍ଥ ନିବେଶ କରିବେ । ଏଥିରେ କର୍ମଚାରୀ ମାନେ ୫୧ ପ୍ରତିଶତ ଭାଗିଦାରୀ ହେବା ସହ ନିବେଶକଙ୍କ ପାଖରେ ୪୯ ପ୍ରତିଶତ ଭାଗିଦାରୀ ରହିବ । କୁହାଯାଇଛି କି ସୁଧର ଅଭିବ୍ୟକ୍ତି (ଇଓଆଇ) ସମାପ୍ତ ହେବା ପୂର୍ବରୁ କର୍ମଚାରୀ ମାନଙ୍କୁ ଟଙ୍କା ବିଷୟରେ ଚିନ୍ତା କରିବାକୁ ପଡିବ ନାହିଁ । ପ୍ରଥମ ପର୍ଯ୍ୟାୟ ସଫଳତାର ସହିତ ସମାପ୍ତ ହେବା ପରେ ଏକ ଯୋଜନା ପ୍ରସ୍ତୁତ କରାଯିବ । ଯେଉଁଥିରେ କୌଣସି କର୍ମଚାରୀଙ୍କୁ ୧ ଲକ୍ଷ ଟଙ୍କାରୁ ଅଧିକ ଦେବାକୁ ପଡିବ ନାହିଁ ।
ଏହା ସହିତ ଏହା ବି କୁହାଯାଇଛି କି ଟାଟା ଗ୍ରୁପ ବି ଏୟାର ଇଣ୍ଡିଆରେ ନିବେଶ କରିବାକୁ ପ୍ରସ୍ତୁତ ହେଉଛି । କହିରଖୁ କି ନିଲାମ ହେବାର ଶେଷ ତାରିଖ ଡିସେମ୍ବର ୧୪ କୁ ରଖା ଯାଇଛି ।