ସର୍ଭର ଠିକ୍ ହେବା ନେଇ ଦାବି କଲା ଏୟାର ଇଣ୍ଡିଆ : ୫ ଘଂଟା ଧରି ଠପ୍ ହୋଇଯାଇଥିଲା ସେବା
ଭାରତୀୟ ଏୟାରଲାଇନ୍ କମ୍ପାନୀ ଏୟାର ଇଣ୍ଡିଆର ସର୍ଭର ୫ ଘଂଟାରୁ ଅଧିକ ସମୟ ଧରି ଠପ୍ ହେବା ପରେ ଏହାକୁ ଠିକ୍ କରାଯାଇଛି । କମ୍ପାନୀର ସିଏମଡି ଅଶ୍ୱିନୀ ଲୋହାନୀ ଏହା ଦାବି କରିଛନ୍ତି । ସର୍ଭର ସକାଳ ୩ଟା ୩୦ରୁ ଠପ୍ ହୋଇଯାଇଥିଲା । ଏବେ ବି ସୁବିଧା ସୂଚାରୁରୂପେ ହୋଇପାରିନାହିଁ । ଯାତ୍ରୀଙ୍କୁ ବହୁତ ଅସୁବିଧାର ସାମନା କରିବାକୁ ପଡିଥିଲା ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ଏୟାର ଇଣ୍ଡିଆର ସର୍ଭର ଡାଉନ୍ ହେବା କାରଣରୁ ଭାରତ ସହ ବିଦେଶରେ ମଧ୍ୟ ଏୟାର ଇଣ୍ଡିଆର ବିମାନ ପ୍ରଭାବିତ ହୋଇଥିଲା। ସର୍ଭର ଡାଉନ୍ ହେବା କାରଣରୁ ଶନିବାର ଦିନ ଯାତ୍ରୀଙ୍କୁ ଅନେକ ଅସୁବିଧାର ସାମ୍ନା କରିବାକୁ ପଡିଥିଲା । ଏୟାର ଇଣ୍ଡିଆର ଘରୋଇ ବିମାନ ସହ ଅନ୍ତରାଷ୍ଟ୍ରୀୟ ବିମାନ ଯାତ୍ରା ମଧ୍ୟ ପ୍ରଭାବିତ ହୋଇଥିଲା । ଦିଲ୍ଲୀର ଇନ୍ଦିରା ଗାନ୍ଧୀ ଏୟାରପୋର୍ଟ ସହ ଦେଶର ସବୁ ଏୟାରପୋର୍ଟରେ ଯାତ୍ରୀ ଫସିରହିଛନ୍ତି । ସର୍ଭର ଡାଉନ୍ ହେବା ଯୋଗୁଁ ନା ଚେକ୍ ଇନ୍ ହୋଇପାରୁଥିଲା ନା ଯାତ୍ରୀ ବୋର୍ଡିଙ୍ଗ୍ ପାସ୍ ନେଇପାରୁଥିଲେ । ଏୟାର ଇଣ୍ଡିଆର ଚେୟାରମ୍ୟାନ୍ ଅଶ୍ୱିନୀ ଲୋହାନୀ ଗଣମାଧ୍ୟମକୁ କହି୍ଥିଲେ ଯେ, “ଏକ ପ୍ରକାର ଟେକନିକ୍ ଖରାପ ଯୋଗୁଁ ଏପରି ହୋଇଛି, ଯାହାକୁ ଖୁବଶୀଘ୍ର ଠିକ୍ କରିଦିଆଯିବ । ଯାତ୍ରୀଙ୍କ ଅସୁବିଧା ପାଇଁ ଆମେ ଦୁଃଖିତ । ଏପଟେ ମୁମ୍ବାଇ ଏୟାରପୋର୍ଟରେ ମଧ୍ୟ ଶହ ଶହ ଯାତ୍ରୀ ଫସିରହିଥିଲେ ।“