ମଝି ଆକାଶରୁ ଖସି ପଡିଲା ତେଜସ୍ ବିମାନର ତେଲ ଟାଙ୍କି ! ଅଳ୍ପକେ ଟଳିଗଲା ବଡ ବିପଦ, ସୁରକ୍ଷିତ ଲ୍ୟାଣ୍ଡିଂ କରାଇଲେ ପାଇଲଟ୍ ।
କନକ ବ୍ୟୁରୋ : ମଝି ଆକାଶରେ ଅଭାବନୀୟ ଘଟଣା । ଉଡାଣ ଭରିବା ସମୟରେ ଭାରତୀୟ ବାୟୁସେନାର ତେଜସ ଫାଇଟର ଜେଟର ତେଲ ଟାଙ୍କି କୋଏମ୍ବାଟୁର ନିକଟରେ ଏକ ଖେତରେ ଖସିପଡିଥିବା ଜଣାପଡିଛି । ତେବେ ତେଲ ଟାଙ୍କି ପଡିବାରୁ କ୍ଷେତରେ ନିଆଁ ଲାଗିଯାଇଥିଲା । ଘଟଣାର ସୂଚନା ମିଳିବା ପରେ, ପୋଲିସ ପହଞ୍ଚି ସ୍ଥାନୀୟ ଲୋକଙ୍କ ସହାୟତାରେ ନିଆଁ ଲିଭାଇବାରେ ସଫଳ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
IAF: Today morning at around 0840h, one fuel drop tank fell off from a Tejas aircraft on a routine sortie from Sulur Air Base near Coimbatore. The aircraft landed back safely after the incident. No damage was reported on ground. The cause of the incident is being investigated. pic.twitter.com/jq1ZH31tTp— ANI (@ANI) July 2, 2019
ତେବେ ସବୁଠାରୁ ବଡ କଥା ହେଉଛି, ତେଲ ଟାଙ୍କି ଖସି ପଡିବା ପରେ ମଧ୍ୟ ପାଇଲଟ୍ ଜଣଙ୍କ ସୁଲୁର ଏୟାରଫୋର୍ସ ଷ୍ଟେସନରେ ସୁରକ୍ଷିତ ଭାବରେ ବିମାନକୁ ଅବତରଣ କରାଇଥିଲେ । ତେବେ କାହିଁକି ଆଉ କେଉଁ ପରିସ୍ଥିତିରେ ବିମାନରୁ ତେଲ ଟାଙ୍କି ଖସିପଡିଲା ସେନେଇ କିଛି ସ୍ପଷ୍ଟ କାରଣ ଜଣାପଡିନାହିଁ । ବାୟୁସେନା ପକ୍ଷରୁ ଘଟଣାର ଯାଞ୍ଚ ନିର୍ଦ୍ଦେଶ ଦିଆଯାଇଥିବା ଜଣାପଡିଛି ।