ମମତାଙ୍କୁ ୪୮ ଘଂଟାର ଅଲଟିମେଟମ ଦେଲେ ଏମ୍ସ ଡାକ୍ତର : ଦାବି ପୂରଣ ନହେଲେ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ପ୍ରତାବାଦ ଜାରି ରଖିବାକୁ ଚେତାବନୀ
କନକ ବ୍ୟୁରୋ : ତେଜୁଛି ପଶ୍ଚିମବଙ୍ଗ ଡାକ୍ତର ଆନ୍ଦୋଳନ । ଏହି ଆନ୍ଦୋଳନକୁ ସମର୍ଥନ କରି ମମତାଙ୍କୁ ୪୮ ଘଂଟାର ଅଲଟିମେଟମ ଦେଇଛନ୍ତି ଏମ୍ସ ରେସିଡେଂଟ ଡାକ୍ତର । ୪୮ ଘଂଟା ଭିତରେ ଡାକ୍ତରଙ୍କ ଦାବି ପୂରଣ ନକଲେ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ଧର୍ମଘଟ କରିବେ ବୋଲି ଚେତାବନୀ ଦେଇଛନ୍ତି । ସୁରକ୍ଷା ଦାବିରେ ପାଂଚ ଦିନ ହେବ ଆନ୍ଦୋଳନ କରୁଛନ୍ତି ପଶ୍ଚିମବଙ୍ଗର ଜୁନିୟର ଡାକ୍ତର ସାରା ଦେଶକୁ ବ୍ୟାପିବାରେ ଲାଗିଛି ପଶ୍ଚିମବଙ୍ଗରେ ଡାକ୍ତରଙ୍କ ଆନ୍ଦୋଳନ ନିଆଁ ।
Kanak News is now on WhatsApp
Join and get latest news updates delivered to you via WhatsApp
ପଶ୍ଚିମବଙ୍ଗ ଜୁନିୟର ଡାକ୍ତରଙ୍କ ଆନ୍ଦୋଳନକୁ ସମର୍ଥନ କରି ଓଡିଶା ସମେତ ଦିଲ୍ଲୀ, ମୁମ୍ବାଇ, ନାଗପୁର, ପାଟନା, ହାଇଦ୍ରାବାଦ, ବାରାଣସୀ, କର୍ଣ୍ଣାଟକ ଓ ଛତିଶଗଡରେ ରାସ୍ତାକୁ ଓହ୍ଲାଇଛନ୍ତି ଡାକ୍ତର । କାର୍ଯ୍ୟରତ ଡାକ୍ତରଙ୍କ ସୁରକ୍ଷା ଦାବି କରି ମୁଣ୍ଡରେ ପଟି ବାନ୍ଧି ଆନ୍ଦୋଳନକୁ ଓହ୍ଲାଇଛନ୍ତି । ଡାକ୍ତରଙ୍କ ବିରୋଧରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ବିଷୋଦଗାର ଓ ଆକ୍ରୋଶମୂଳକ କାର୍ଯ୍ୟ ପ୍ରତିବାଦରେ ୭୦୦ରୁ ଅଧିକ ଡାକ୍ତର ନିଜ ପଦରୁ ଇସ୍ତଫା ଦେଇଛନ୍ତି ।