ତୃତୀୟ ଲହର ପାଇଁ ସମ୍ପୂର୍ଣ୍ଣ ପ୍ରସ୍ତୁତ ଭୁବନେଶ୍ୱର ଏମ୍ସ : ଡାକ୍ତର ଗୀତାଞ୍ଜଳି ବି. କହିଲେ, ଶିଶୁଙ୍କ ପାଇଁ ପ୍ରସ୍ତୁତ ରଖାଯାଇଛି ୭ଟି ଆଇସିୟୁ
କନକ ବ୍ୟୁରୋ : କରୋନାର ସମ୍ଭାବ୍ୟ ତୃତୀୟ ଲହର ପାଇଁ ସମ୍ପୂର୍ଣ୍ଣ ପ୍ରସ୍ତୁତ ଭୁବନେଶ୍ୱର ଏମ୍ସ । ଶିଶୁଙ୍କ ପାଇଁ ୨ଟି ୱାର୍ଡରେ ୬୦ଟି ବେଡ଼ ସହ ୭ଟି ଆଇସିୟୁ ପ୍ରସ୍ତୁତ ରଖାଯାଇଛି । ଯଦି ଆବଶ୍ୟକ ହୁଏ ଆଗକୁ ବଢିପାରେ ଆଇସିୟୁ ସଂଖ୍ୟା ବୋଲି କହିଛନ୍ତି ଏମ୍ସ ନିର୍ଦ୍ଦେଶିକା ଡାକ୍ତର ଗୀତାଞ୍ଜଳି ବି. । ଶିଶୁଙ୍କ ପାଇଁ ସମସ୍ତ ମେଡ଼ିସିନ ମହଜୁଦ ଥିବା ସହ ଡାକ୍ତର ଓ ନର୍ସଙ୍କୁ ସ୍ୱତନ୍ତ୍ର ତାଲିମ ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ମହାମାରୀର ତୃତୀୟ ଲହର ୧୮ ବର୍ଷରୁ କମ ପିଲାଙ୍କୁ ଅଧିକ ହେବାର ସମ୍ଭାବନା ଥିବାରୁ ଅଧିକ ଚ୍ୟାଲେଞ୍ଜ ରହିଛି । ତଥାପି ଭୁବନେଶ୍ୱର ଏମ୍ସ ସବୁ ପରିସ୍ଥିତିର ମୁକାବିଲା ପାଇଁ ପ୍ରସ୍ତୁତ ରହିଛି । ଯଦି କୌଣସି ଶିଶୁ କୋଭିଡ ପଜିଟିଭ ହୋଇ ଏମ୍ସରେ ଭର୍ତ୍ତି ହୁଅନ୍ତି ତାଙ୍କ ସହ ତାଙ୍କ ପରିବାରର ଜଣକୁ ରହିବା ପାଇଁ ଅନୁମତି ମଧ୍ୟ ଦିଆଯିବ । ଦୁଇଟି ଇକମୋ ମେସିନ ମଧ୍ୟ ରହିଛି । ଆବଶ୍ୟକ ପଡ଼ିଲେ ତାକୁ ମଧ୍ୟ ବ୍ୟବହାର କରାଯିବ ।
ସେପଟେ, ଜନସ୍ୱାସ୍ଥ୍ୟ ନିର୍ଦ୍ଦେଶକ ନିରଞ୍ଜନ ମିଶ୍ର କହିଲେ ଦ୍ୱିତୀୟ ଲହର ସଂଖ୍ୟାକୁ ଦୃଷ୍ଟିରେ ରଖି ତୃତୀୟ ଲହର ପାଇଁ ପ୍ରସ୍ତୁତି କରାଯାଉଛି । ତୃତୀୟ ଲହର ୬୦୦ ବେଡ଼ ଆବଶ୍ୟକ ପଡିପାରେ କିନ୍ତୁ ୩୦୦୦ ବେଡ଼ ପାଇଁ ସରକାର ପ୍ରସ୍ତୁତ ହୋଇଛନ୍ତି । କାପାସିଟି ବଢ଼େଇବା ବନ୍ଦୋବସ୍ତ ହେଉଛି । ଆଇସିୟୁ, ଅକ୍ସିଜେନ ବେଡ଼, ଜିଲ୍ଲାରେ ଟେଷ୍ଟିଂ କାପାସିଟି, ଅକ୍ସିଜେନ ଇକୋସିଷ୍ଟମ ସବୁ ବଢ଼େଇବା ପାଇଁ ବ୍ୟବସ୍ଥା କରାଯାଉଛି । ସବୁ ଜିଲ୍ଲାରେ ଅକ୍ସିଜେନ ପ୍ଲାନ ବସେଇବା କାର୍ଯ୍ୟ ଚାଲିଛି ।