ଫ୍ୟାକ୍ଟ ଚେକ୍: ବ୍ରିଟେନର ନୂତନ ପିଏମ କିର ଷ୍ଟାରମରଙ୍କ  AI ଫଟୋ ଭାଇରାଲ ହୋଇଛି ।

‘ବିଶ୍ବାସ ନ୍ୟୁଜ୍’ ଭାଇରାଲ୍ ଫୋଟୋ ଯାଞ୍ଚରୁ ଏହା ନକଲି ବୋଲି ଜାଣିବାକୁ ମିଳିଲା ।

56

ସୌଜନ୍ଯ : ବିଶ୍ବାସ ନ୍ଯୁଜ
ବ୍ରିଟେନର ନୂତନ ପ୍ରଧାନମନ୍ତ୍ରୀ ଭାବରେ  ଲେବର ପାର୍ଟି ବରିଷ୍ଠ ନେତା କିର୍ ଷ୍ଟାରମର ନିର୍ବାଚିତ ହୋଇଛନ୍ତି । ଏହି ସମୟରେ ସୋସିଆଲ ମିଡିଆର ବିଭିନ୍ନ ପ୍ଲାଟଫର୍ମରେ କିର ଷ୍ଟାରମର ଏକ ଚିତ୍ର ଭାଇରାଲ ହେଉଛି । ଏଥିରେ ସେ ଗୋଲାପୀ ରଙ୍ଗର ହିଜାବ ପିନ୍ଧିଥିବାର ଦେଖା ଯାଉଛନ୍ତି । ଅନେକ ଉପଭୋକ୍ତା ଏହାକୁ ସତ୍ୟ ବୋଲି ଭାବି ଚିତ୍ରକୁ ସେୟାର କରୁଛନ୍ତି ।

‘‘ବିଶ୍ବାସ ନ୍ୟୁଜ୍’ ଭାଇରାଲ୍ ଫୋଟୋକୁ ଯାଞ୍ଚ କରିଥିଲା  ଯାଞ୍ଚରୁ ଏହା ନକଲି ବୋଲି ପ୍ରମାଣିତ ହୋଇଛି । କୃତ୍ରିମ ପ୍ରଯୁକ୍ତିବିଦ୍ୟା ଯଥା AI ସାହାଯ୍ୟରେ ଏହା ସୃଷ୍ଟି କରାଯାଇଛି । ଏଥିରେ କୌଣସ  ସତ୍ୟତା ନାହିଁ ।

କଣ ଭାଇରାଲ୍ ହେଉଛି  ?

ଜୁଲାଇ ୫ ରେ ଏହି ଫୋଟୋ ସେୟାର କରିବାବେଳେ ଫେସବୁକ ବ୍ୟବହାରକାରୀ ପଣ୍ଡିତ ରୁଦ୍ର ପ୍ରକାଶ ଶୁକଲା ଲେଖିଛନ୍ତି ଯେ ବ୍ରିଟେନର ନୂତନ ପ୍ରଧାନମନ୍ତ୍ରୀଙ୍କୁ ଅଭିନନ୍ଦନ…ଭାଇରାଲ୍ ପୋଷ୍ଟର ବିଷୟବସ୍ତୁ ଯେମିତି ସେମିତି କରି ଲେଖି ଦିଆହେଇଛି । ଏହି ଚିତ୍ରକୁ ସତ ବୋଲି ବିଚାର କରି ଅନ୍ୟ ଉପଭୋକ୍ତାମାନେ ମଧ୍ୟ ଏହାକୁ ସେୟାର କରୁଛନ୍ତି ।

ଅନୁସନ୍ଧାନବିଶ୍ବାସ ନ୍ୟୁଜ୍ ପ୍ରଥମେ ଭାଇରାଲ୍ ଫୋଟୋର ସତ୍ୟତା ଜାଣିବା ପାଇଁ AI or  Not ଟୁଲ୍ ବ୍ୟବହାର କରିଥିଲା । | ଏଥିରେ ଭାଇରାଲ୍ ଚିତ୍ର ଅପଲୋଡ୍ କରିବା ଏବଂ ଖୋଜିବା ପରେ, ଫଳାଫଳରେ ଆମକୁ ଏହା ମିଳିଥିଲା ଯେ ଏହା ଏକ AI ସୃଷ୍ଟି ଚିତ୍ର ହୋଇପାରେ ।

ଅଧିକ ଅନୁସନ୍ଧାନ କରିବାକୁ ବିଶ୍ବାସ ନ୍ଯୁଜ  AI ପ୍ରତିଛବି ଚିହ୍ନଟ ଉପକରଣ ହାଇୱେ ମୋଡରେସନ ସାହାଯ୍ୟରେ ଭାଇରାଲ ଫଟୋକୁ ଯାଞ୍ଚ କରିଥିଲା । ଏଥିରେ, AI ଦ୍ୱାରା ଫଟୋ ସୃଷ୍ଟି ହେବାର ସମ୍ଭାବନା ୬୨.୫ ପ୍ରତିଶତ ଥିଲା ।
vishvasnews

ଅନୁସନ୍ଧାନକୁ ଆଗକୁ ନେଇ ବିଶ୍ବାସ  ନ୍ୟୁଜ୍ ଇନଭିଡର ମ୍ୟାଗ୍ନିଫାୟର୍ ଟୁଲ୍ ମାଧ୍ୟମରେ ଭାଇରାଲ୍ ଚିତ୍ର ସ୍କାନ୍ କରିଥିଲା।  ଏଠାରେ ସ୍ପଷ୍ଟ ଭାବରେ ଦେଖାଯାଇପାରେ ଯେ ଚିତ୍ରରେ ଥିବା ମହିଳାଙ୍କ ଆଙ୍ଗୁଠି ଅସାମାନ୍ୟ ଅଟେ ।  AI ସୃଷ୍ଟି ଚିତ୍ରଗୁଡ଼ିକରେ ଏହିପରି ତ୍ରୁଟି ସାଧାରଣ ଅଟେ ।
vishvasnews

ଅନୁସନ୍ଧାନ ସମୟରେ ଆମେ Is It AI ଉପକରଣ ମଧ୍ୟ ବ୍ୟବହାର କରିଥିଲୁ ।  ଏଥିରେ, ଫଟୋ ଅପଲୋଡ୍ କରି ସ୍କାନ କରିବା ପରେ, ଆମକୁ ୯୬.୩୯% ସନ୍ଦେହ ଦିଆଯାଇଥିଲା ଯେ ଏହି ଭାଇରାଲ୍ ଇମେଜ୍ AI ଉପକରଣ ସାହାଯ୍ୟରେ ସୃଷ୍ଟି ହୋଇଛି ।

ଭାଇରାଲ ଫୋଟୋ  ସମ୍ପର୍କରେ ବିଶ୍ବାସ ନ୍ୟୁଜ୍ ସାଇବର ଏବଂ AI ବିଶେଷଜ୍ଞ ଚାତକ ବାଜପେୟୀଙ୍କ ସହ ଯୋଗାଯୋଗ କରିଥିଲେ । ସେ କହିଛନ୍ତି ଯେ AI ଟୁଲ ସାହାଯ୍ୟରେ କିର ଷ୍ଟାରମର ଭାଇରାଲ ଚିତ୍ର ତିଆରି କରାଯାଇଛି । ଭାଇରାଲ ହେଉଥିବା ଏହି ଫୋଟୋ ନକଲି ଅଟେ ।

ଅନୁସନ୍ଧାନ ଶେଷରେ, ନକଲି ଚିତ୍ର ସେୟାର କରିଥିବା ଉପଭୋକ୍ତାଙ୍କୁ ଯାଞ୍ଚ କରାଯାଇଥିଲା। ପଣ୍ଡିତ ରୁଦ୍ର ପ୍ରକାଶ ଶୁକ୍ଲା ନାମକ ଉପଭୋକ୍ତାଙ୍କୁ ପାଞ୍ଚ ହଜାରରୁ ଅଧିକ ଲୋକ ଫଲୋ କରୁଛନ୍ତି । ଉପଭୋକ୍ତା କାନପୁର ସହରରେ ରୁହନ୍ତି ।  ଅନୁସନ୍ଧାନରୁ ଜଣାପଡିଛି ଯେ ଉପଭୋକ୍ତା ଏକ ରାଜନୈତିକ ଦଳ ସହ ଜଡିତ।

ନିଷ୍କର୍ଷ : ବିଶ୍ବାସ ନ୍ୟୁଜ୍ ଅନୁସନ୍ଧାନରେ ବ୍ରିଟେନର ନୂତନ ପ୍ରଧାନମନ୍ତ୍ରୀ କିର ଷ୍ଟାରମର ଭାଇରାଲ ଚିତ୍ର ନକଲି ବୋଲି ପ୍ରମାଣିତ ହୋଇଛି । ଏହାକୁ  AI ଟେକ୍ନୋଲୋଜି ଦ୍ଵାରା ପ୍ରସ୍ତୁତ କରାଯାଇଛି  ।