ରାଜ୍ୟରେ ଲୋକଙ୍କୁ ମଦ ଓ କୁକୁଡା ବାଣ୍ଟିଲେ ରାଜନେତା : ତେଲେଙ୍ଗାନାରେ ଟିଆରଏସ ନେତାଙ୍କ କାରନାମାକୁ ନେଇ ବଢିଲା ଚର୍ଚ୍ଚା; ଭିଡିଓ ଭାଇରାଲ
କନକ ବ୍ୟୁରୋ : ରାସ୍ତାରେ ସମସ୍ତଙ୍କ ସାମ୍ନାରେ ଲୋକଙ୍କୁ ମଦ ଓ କୁକୁଡା ବାଣ୍ଟିଲେ ନେତା । ଏଭଳି ଅଭାବନୀୟ ଦୃଶ୍ୟ ଦେଖିବାକୁ ମିଳିଛି ତେଲେଙ୍ଗାନାରେ । ଆଉ ସେହି ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ହାଇଦ୍ରାବାଦରେ ଶାସକ ଦଳ ତେଲେଙ୍ଗାନା ରାଷ୍ଟ୍ରୀୟ ସମିତିର ନେତା ମଦ ଓ କୁକୁଡା ବାଣ୍ଟି ଏବେ ଚର୍ଚ୍ଚାକୁ ଆସିଛନ୍ତି । କୁହାଯାଉଛି ବିଜୟା ଦଶମୀ ଅବସରରେ ଟିଆରଏସ ମୁଖ୍ୟ କେ ଚନ୍ଦ୍ର ଶେଖର ରାଓ ରାଷ୍ଟ୍ରୀୟ ରାଜନୈତିକ ଦଳ ଘୋଷଣା କରିପାରନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏଥିରେ ଉତ୍ସାହିତ ହୋଇ ଟିଆରଏସ ନେତା ରାଜନାଲା ଶ୍ରୀହରି ସ୍ପଷ୍ଟ ଦିବାଲୋକରେ, ରାସ୍ତା ଉପରେ ଟେବୁଲ ପକାଇ ଲୋକଙ୍କୁ କୁକୁଡା ବାଣ୍ଟିଛନ୍ତି । ଆଉ ନେତାଙ୍କ ପାଖରେ ଥିବା ଆଉ ଜଣେ ଦଳୀୟ କର୍ମୀ କୁକୁଡା ନେଉଥିବା ଲୋକଙ୍କ ହାତରେ ମଦ ବୋତଲ ଗୁଞ୍ଜି ଦେଉଛନ୍ତି । ଟିଆରଏସ ନେତା ରାଜନାଲା ଶ୍ରୀହରିଙ୍କ ଏପରି କାର୍ଯ୍ୟକୁ ନେଇ ସାରା ଦେଶରେ ଚର୍ଚ୍ଚା ଆରମ୍ଭ ହୋଇଛି । ମଙ୍ଗଳବାର ରାଜନାଲା କୁକୁଡା ଓ ୨ଶହ ବୋତଲ ମଦ ବାଣ୍ଟିଥିବା କୁହାଯାଉଛି । ଆଉ ନେତାଙ୍କ ଏହି ମଦ ସହ କୁକୁଡା ବାଣ୍ଟିବା ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।