କନକ ବ୍ୟୁରୋ : କିଡନୀ ବିକିବୁ ଟଙ୍କା ଫେରାଇବୁ । କିଡନୀ ବିକି ଟଙ୍କା ଜମାକାରୀଙ୍କୁ ଟଙ୍କା ଫେରାଇବାକୁ ଡି.ଏମ.ଇ.ଟି ଅଫିସରେ ଅଡି ବସିଛନ୍ତି ଏଜେଂଟ । ଆଗ୍ରୀ ଗୋଲ୍ଡ ନାମକ ଏକ ସଂସ୍ଥା ସାରା ଭାରତରୁ ପ୍ରାୟ ୭ହଜାର କୋଟି ଟଙ୍କା ଠକି ନେଇ ଫେରାର ହୋଇଯାଇଥିବା ଅଭିଯୋଗ ହୋଇଛି । ସଂସ୍ଥାଟି ଓଡିଶାରୁ ପ୍ରାୟ ଦେଢ ଲକ୍ଷ ଲୋକଙ୍କ ଠାରୁ ୭୫୦ କୋଟି ଟଙ୍କା ଲୁଟି ନେଇଥିବା ଅଭିଯୋଗ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଆନ୍ଧ୍ର ପ୍ରଦେଶରେ ୧୯୯୫ ମସିହାରୁ ଆରମ୍ଭ ହୋଇଥିବା ଏହି ସଂସ୍ଥା ବିଭିନ୍ନ ଲୋଭନୀୟ ସ୍କିମ ଜରିଆରେ ଲୋକଙ୍କ ଠାରୁ ଠକେଇ କରିଛି । ତେବେ ଜମାକାରୀ ମାନେ ଟଙ୍କା ଫେରି ପାଇବା ପାଇଁ, ସଂସ୍ଥାର ଏଜେଂଟଙ୍କୁ ଘେରୁଥିବା ଅଭିଯୋଗ ହୋଇଛି । ଫଳରେ ଏଜେଂଟମାନେ ନିଜର କିଡନୀ ବିକ୍ରି କରି ଜମାକାରୀଙ୍କୁ ଟଙ୍କା ଫେରାଇବାକୁ ନିଷ୍ପତି ନେଇଛନ୍ତି । ଏଥିପାଇଁ ସେମାନେ ଡି.ଏମ.ଇ.ଟି କାର୍ଯ୍ୟାଳୟରେ ଆସି ପହଂଚିଛନ୍ତି ।