କନକ ବ୍ୟୁରୋ : କେନ୍ଦ୍ର ସରକାର ଭାରତୀୟ ସେନା ବାହିନୀରେ ସୈନ୍ୟ ଭର୍ତୀ ନେଇ ଅଗ୍ନିପଥ୍ ଯୋଜନାକୁ ଆରମ୍ଭ କରିଛନ୍ତି । ହେଲେ ଏହି ଯୋଜନା ସାଧାରଣ ପ୍ରକ୍ରିୟାରେ ସୈନ୍ୟ ଚୟନ ବ୍ୟବସ୍ଥା ପାଇଁ ବଧା ସୃଷ୍ଟି କରୁଛି । ଅନେକ ଅଶାୟୀଙ୍କ ସ୍ୱପ୍ନ ମଧ୍ୟ ଭାଙ୍ଗିଛି । ଏହି ସବୁ ଅବ୍ୟବସ୍ଥା ବିରୋଧରେ ସ୍ୱର ଉଠାଇଛନ୍ତି କଂଗ୍ରସେ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ ।
Kanak News is now on WhatsApp
Join and get latest news updates delivered to you via WhatsApp
ଅଗ୍ନିପଥ୍ ଯୋଜନା କାରଣରୁ ନିୟମିତ ଭାବେ ଚୟନ ସେବା ଥାଇ ମଧ୍ୟ ଅନେକ ପ୍ରାର୍ଥୀ ସୁଯୋଗ ପାଉ ନାହାନ୍ତି । ଦେଶର ଯୁବକମାନଙ୍କ ସହ ସହ ଏହା ଏକ ପ୍ରକାରର ଅନ୍ୟାୟ । ଯଦି କଂଗ୍ରେସ ସତ୍ତାକୁ ଆସେ ତେବେ ଏହି ଅଗ୍ନିପଥ୍ ଯୋଜନାକୁ ଉଠାଇ ସାଧାରଣ ପ୍ରକ୍ରିୟା ପୁନଃଶ୍ଚ ଆରମ୍ଭ କରିବ ବୋଲି ଖଡଗେ ଜଣାଇଛନ୍ତି ।
୨୦୧୯ ଓ ୨୨ ସୁଦ୍ଧା ପ୍ରାୟ ୨ ଲକ୍ଷ ପ୍ରାର୍ଥୀ ସେନାର ବିଭିନ୍ନ ବିଭାଗ ପାଇଁ ଲିଖିତ ତଥା ଶାରିରୀକ ପରୀକ୍ଷାରେ ଉତ୍ତୀର୍ଣ୍ଣ ହେବା ପରେ ଯୋଗଦାନ ପତ୍ର ପାଇଁ ଅପେକ୍ଷାରେ ରହିିଥିଲେ । ହେଲେ ୨୦୨୨ରେ ଅଗ୍ନିପଥ୍ ଯୋଜନା ଆଣି ସରକାର ସେମାନଙ୍କ ସ୍ୱପ୍ନ ଚୁରମାର କରିଦେଇଛନ୍ତି । ଏପରି ସମାନ୍ତର କ୍ୟାଡର ସୃଷ୍ଟିକରି ସୈନ୍ୟ ମାନଙ୍କୁ ନିଯୁକ୍ତି ଦେବା ଦ୍ୱାରା ଯବାନ ମାନଙ୍କ ଭିତରେ ଭେଦଭାବ ସୃଷ୍ଟି ହେବ । ଏହା ଛଡା ୪ ବର୍ଷର ସେବା ପ୍ରଦାନ ପରେ ସେହି ଯବାନ ମାନଙ୍କୁ ଅନ୍ୟତ୍ର ଚାକିରି ଖୋଜିବାକୁ ଛାଡି ଦିଆଯିବ । ଏହା ମଧ୍ୟ ସାମାଜିକ କ୍ଷେତ୍ରରେ ଅସ୍ଥିରତା ଆଣିବାର ଆଶଂକା ରହିଛି ।
ସ୍ୱପ୍ନ ଭାଙ୍ଗିବା ଦଃୁଖରେ କିଛି ଆଶାୟୀଙ୍କ ଆତ୍ମହତ୍ୟାର ଖବର ମଧ୍ୟ ଶୁଣିବାକୁ ମିଳିଛି । ଏଣୁ ସେନାରେ ଯୋଗ ଦେବା ପାଇଁ ଆଶାୟୀ ଯୁବ ବର୍ଗଙ୍କୁ ଉଚିତ ନ୍ୟାୟ ଦେବାର ଆବଶ୍ୟକତା ରହିଛି । କଂଗ୍ରେସ ନେତା ସଚିନ ପାଇଲଟ ଏକ ଗଣ ମାଧ୍ୟମ ସାକ୍ଷାତକାରରେ କହିଥିଲେ କି ଅଳ୍ପ କିଛି ଆର୍ଥିକ ସୁବିଧା ପାଇଁ ଏହି ଯୋଜନାର କୌଣସି ଆବଶ୍ୟକତା ନଥିଲା ।
ଅଗ୍ନିବୀର ଯୋଜନା କଣ?
ଯୁବ ପିଢିଙ୍କୁ ଅଳ୍ପ ସମୟ ପାଇଁ ସେନାରେ ସେବା କରିବାର ସୁଯୋଗ ଦେବା ପାଇଁ ସରକାର ୨୦୨୨ ଜୁନ୍ ମାସ ଅଗ୍ନିପଥ୍ ଯୋଜନାର ଆରମ୍ଭ କରିଥିଲେ । ଯୋଜନା ଅନୁଯାୟୀ ୧୭ ରୁ ୨୧ ବର୍ଷ ବୟସ୍କ ଯୁବକ ମାନେ ଅଗ୍ନିବୀର ଭାବେ ସେନାରେ ଯୋଗ୍ୟତା ଅନୁଯାୟୀ ଯୋଗ ଦେବେ । ୪ ବର୍ଷ ପରେ ୨୫ ପ୍ରତିଶତ ଯବାନଙ୍କୁ ସେନାରେ ଆଗକୁ ନିଯୁକ୍ତି ଦିଆଯିବା ବେଳେ ୧୫ ପ୍ରତିଶତ ଲୋକଙ୍କୁ ଅବସର ପ୍ରଦାନ କରାଯିବ ।