ଅବହେଳିତ ଗଞ୍ଜାମ ଜିଲ୍ଲାର ଅଘୋରୀ ମଠ। ୮ଶହ ବର୍ଷର ପୁରୁଣା ମଠରେ ରହୁନାହାନ୍ତି ଅଘୋରୀ ବାବା
କନକ ବ୍ୟୁରୋ: ସୁକୁଣ୍ଡା ଗାଁର ଗୋକର୍ଣ୍ଣେଶ୍ୱର ମନ୍ଦିର ପଛପଟେ ରହିଛି ଅଘୋରୀ ପାହାଡ଼ । ପ୍ରାକୃତିକ ସୌନ୍ଦର୍ଯ୍ୟରେ ଭାରା ପାହାଡ଼ରେ ରହିଛି ୮ଶହ ବର୍ଷର ପୁରୁଣା ଅଘୋରୀ ମଠ । ଅଘୋରୀ ବାବାମାନେ ଏଠାରେ ରହି ଜଗନ୍ନାଥଙ୍କ ପୂଜାର୍ଚ୍ଚନା କରିବା ସହ ଚଣ୍ଡିପାଠ କରୁଥିଲେ । କିନ୍ତୁ ଗତ କିଛି ବର୍ଷ ହେବ କେହି ରହୁନାହାନ୍ତି । ମଠରେ ଦେବୀ ମାଆ ଓ ଜଗନ୍ନାଥଙ୍କ ମନ୍ଦିର ରହିଛି । କିନ୍ତୁ ମନ୍ଦିର ଭିତରର ଅବସ୍ଥା କହିଲେ ନସରେ । ବର୍ଷା ହେଲେ ପାଣି ଗଳୁଛି । ଅଘୋରୀ ମଠରେ ଅଘୋରୀ ବାବା ରହୁନଥିବାରୁ ସୁକୁଣ୍ଡା ଗାଁର ଜଣେ ବ୍ୟକ୍ତି ସକାଳୁ ଯାଇ ଠାକୁରଙ୍କୁ ପୂଜାର୍ଚନା କରୁଛନ୍ତି।
Kanak News is now on WhatsApp
Join and get latest news updates delivered to you via WhatsApp
ରାଜ୍ୟର ୨ଟି ସ୍ଥାନରେ ଅଘୋରୀ ମଠ ରହିଛି । ଗୋଟିଏ ପୁରୀ ଜିଲ୍ଲା ଓ ଆଉ ଗୋଟିଏ ଗଞ୍ଜାମ ଜିଲ୍ଲାରେ । ଏଣ୍ଡୋମେଣ୍ଟ ବୋର୍ଡ଼ ଅଧିନରେ ଥିବା ଗଞ୍ଜାମ ଜିଲ୍ଲାର ଅଘୋରି ମଠ ପ୍ରତି କାହାରି ନଜର ନାହିଁ । ଫଳରେ ମଠଟି ଏବେ ଭଗ୍ନ ଅବସ୍ଥାରେ ପଡିରହିଛି । ରହିବାକୁ ଅସୁବିଧା ହେଉଥିବାରୁ ୧୦ ବର୍ଷ ହେବ କୌଣସି ବାବା ରହୁନାହାନ୍ତି ।