ପୁଣି ରାଫେଲକୁ ନେଇ ଆରମ୍ଭ ହେଲା ରାଜନୀତିି । ଯୁଦ୍ଧ ବିମାନ ଚୁକ୍ତିରେ ଅନିୟମିତତା ଅଭିଯୋଗ ପରେ ଫ୍ରାନ୍ସରେ ଆରମ୍ଭ ହେଲା ବିଚାର ବିଭାଗୀୟ ତଦନ୍ତ ।
କନକ ବ୍ୟୁରୋ: ରାଫେଲ ଯୁଦ୍ଧ ବିମାନ କିଣା ମାମଲାରେ ପୁଣି ଥରେ ରାଜନୀତି ଆରମ୍ଭ ହୋଇଛି । ରାଫେଲ ଚୁକ୍ତିରେ ଅନିୟମିତତା ହୋଇଥିବାର ଅଭିଯୋଗ ମିଳିବା ପରେ ଫ୍ରାନ୍ସରେ ଏହାର ବିଚାର ବିଭାଗୀୟ ତଦନ୍ତ ଆରମ୍ଭ ହୋଇଛି । ଫ୍ରାନ୍ସରେ ଏକ ଏନ୍ଜିଓର ଅଭିଯୋଗ ଆଧାରରେ ତଦନ୍ତ ପାଇଁ ଜଣେ ବିଚାରପତିଙ୍କୁ ନିଯୁକ୍ତ କରାଯାଇଛି । ଏହି ଖବର ମିଳିବା ପରେ ଭାରତରେ ମଧ୍ୟ ଯୁଗ୍ମ ସଂସଦୀୟ କମିଟି ଦ୍ୱାରା ତଦନ୍ତ କରାଯିବାକୁ ଦାବି ଉଠିଛି ।
Kanak News is now on WhatsApp
Join and get latest news updates delivered to you via WhatsApp
ଫ୍ରାନ୍ସର ଏକ ୱେବସାଇଟରେ ଭାରତ ସରକାରଙ୍କ ସହ ରାଫେଲ ଯୁଦ୍ଧ ବିମାନ ଚୁକ୍ତିରେ ଲାଂଚ କାରବାର ହୋଇଥିବା ନେଇ ରିପୋର୍ଟ ପ୍ରକାଶ ପାଇଛି । ତେବେ ରାଫେଲ ଯୁଦ୍ଧ ବିମାନ ନିର୍ମାତା ଡାସଲଟ ଆଭିଏସନ ଏହାକୁ ଖଣ୍ଡନ କରିଛି । ଭାରତ ସହ ଯୁଦ୍ଧ ବିମାନ ଚୁକ୍ତି ଓ ହସ୍ତାନ୍ତର ପ୍ରକ୍ରିୟାରେ ସର୍ବାଧିକ ସ୍ୱଚ୍ଛତା ଅବଲମ୍ବନ କରଯାଇଥିବା କହିଛି କମ୍ପାନୀ ।
ଦୁଇ ଦେଶର ସରକାରଙ୍କ ମଧ୍ୟରେ ସିଧାସଳଖ ହୋଇଥିବା ଏହି ଚୁକ୍ତିରେ ସାମାନ୍ୟତମ ଅନିୟମିତତା ନାହିଁ ବୋଲି ଡାସଲଟ୍ କହିଛି । ଏଥିରେ କିନ୍ତୁ ସନ୍ତୁଷ୍ଟ ହୋଇନାହିଁ ବିରୋଧୀ କଂଗ୍ରେସ । ଏକ ସାମ୍ବାଦିକ ସମ୍ମିଳନୀ କରି ଏହି ପ୍ରସଙ୍ଗରେ ସରକାର କାହିଁକି ଚୁପ ବୋଲି ପ୍ରଶ୍ନ କରିଛି । ସେହିପରି ମାମଲାର ଯୁଗ୍ମ ସଂସଦୀୟ କମିଟି ଦ୍ୱାରା ଯାଂଚ ଦାବିକୁ ଦୋହରାଇଛି ।