ପୁଣି ୫୮ ପଇସା ମହଙ୍ଗା ହେଲା ପେଟ୍ରୋଲ । କାଲିମେଳାରେ ପେଟ୍ରୋଲ ଦର ୧୧୫ ଟଙ୍କା ପାର, ଜାଣନ୍ତୁ ଭୁବନେଶ୍ୱର-କଟକରେ କେତେ?
କନକ ବ୍ୟୁରୋ : ତେଲ ଦରରେ ବ୍ରେକ୍ ଲାଗୁନି । ଦିନକୁ ଦିନ ବଢୁଛି ପେଟ୍ରୋଲ ଡିଜେଲ ଦର । ଗତ ଦୁଇଦିନ ଧରି ତୈଳ ଦର ସ୍ଥିର ରହିବା ପରେ ଆଜି ପୁଣି ବଢିଲା ତୈଳ ଦର । ପେଟ୍ରୋଲ ମୂଲ୍ୟ ଲିଟର ପିଛା ୫୮ ପଇସା ବୃଦ୍ଧି ପାଇଛି । ସେହିଭଳି ଡିଜେଲ ଦର ୩୫ ପଇସା ବୃଦ୍ଧି ପାଇଛି । ମାଲକାନଗିରି କାଲିମେଳାରେ ପେଟ୍ରୋଲ ଦର ୧୧୫ ଟଙ୍କା ୫୨ ପଇସାରେ ପହଞ୍ଚିଛି । ଭୁବନେଶ୍ୱରରେ ପେଟ୍ରୋଲ ଦର ୧୦୮ ଟଙ୍କା ୯୦ ପଇସା । ସେହିଭଳି କଟକରେ ପେଟ୍ରୋଲ ଦର ୧୦୯ଟଙ୍କା ୨୫ ପଇସା
Kanak News is now on WhatsApp
Join and get latest news updates delivered to you via WhatsApp
ଏହାରି ମଧ୍ୟରେ ଅନେକ ସ୍ଥାନରେ ପେଟ୍ରୋଲ ଦର ୧୦ ଟଙ୍କା ଟପିଗଲାଣି । ଯାହା ଗରିବ ଏବଂ ମଧ୍ୟବିତ ଲୋକଙ୍କ ପକେଟ ଉପରେ ବଡ ପ୍ରଭାବ ପକାଉଛି । ଗତ କିଛିଦିନ ତଳେ ଡିଜେଲ ଦର ବୃଦ୍ଧି କାରଣରୁ ବସ୍ ଭଡାକୁ ବୃଦ୍ଧି କରାଯାଇଥିଲା । ଯଦି ଏହିଭଳି ଭାବେ ପେଟ୍ରୋଲ ଡିଜେଲ ଦର ବୃଦ୍ଧି ପାଇବ ତେବେ ପୁଣି ବସ ଭଡା ବଢିବ । କମ୍ ଟଙ୍କା ରୋଜଗାର କରୁଥିବା ସାଧାରଣ ଲୋକେ ଯେଉଁମାନେ ବସରେ ଜାତାୟତ କରୁଛନ୍ତି, ସେମାନଙ୍କ ଉପରେ ବଡ ପ୍ରଭାବ ପଡିବ ନିଶ୍ଚୟ
ତେଲ ଦର ବଢିବା ଦ୍ୱାରା ଟ୍ରାନ୍ସପୋର୍ଟିଂ ଚାର୍ଜ ବଢୁଛି । ଯାହାଫଳରେ ଅନ୍ୟାନ ଖାଦ୍ୟ ସାମଗ୍ରୀର ଦର ବୃଦ୍ଧି ପାଉଛି । ପରିବା ମାର୍କେଟରେ ୬୦ କିମ୍ବା ୭୦ ଟଙ୍କା ତଳକୁ କୌଣସି ପରିବା ମିଳୁ ନାହିଁ । ଯେଉଁଠାରେ ୫ଶହ ଟଙ୍କାର ପରିବା କିଣିଲେ ଦୁଇ କିମ୍ବା ୩ଟି ବ୍ୟାଗ୍ ପୁରିଯାଉଥିଲା । ଏବେ ୫ଶହ ଟଙ୍କାରେ ଅଧ ବ୍ୟାଗ୍ ବି ହେଉନାହିଁ । ଯାହାକୁ ନେଇ ହନ୍ତସନ୍ତ ହେଉଛନ୍ତି ଲୋକେ । ତେଣୁ ଏହି ଦର ବୃଦ୍ଧି ଉପରେ ସରକାରଙ୍କୁ ନଜର ଦେବା ନିହାତି ଆବଶ୍ୟକ ହୋଇପଡିଛି ।
ସେପଟେ ସାଧାରଣ ଲୋକଙ୍କୁ ପଚାରିବାରୁ ସେମାନେ ପ୍ରତିକ୍ରିୟାରେ କହୁଛନ୍ତି । ଏହି ସରକାରଙ୍କୁ ଭୋଟ ଦେଇ ଆମେ ବହୁତ ବଡ ଭୁଲ କରିଦେଇଛୁ । ନିର୍ବାଚନ ସମୟ ଆସିଲେ ସବୁ ଦରଦାମ୍ କମୁଛି । କିନ୍ତୁ ନିର୍ବାଚନ ସରିଗଲେ ପୁଣି ଦୁଇଗୁଣା ବଢିଯାଉଛି ଦରଦାମ୍ ।