ଅଟୋ ଚାଳକଙ୍କ ପିଛା ଛାଡୁନି ଫାଇନ୍ । ରାଜଧାନୀ ପରେ ଭଦ୍ରକରେ ୨୭ ହଜାରରୁ ଅଧିକ ଟଙ୍କାର ତଣ୍ଡ ଗଣିଲେ ଅଟୋ ଡ୍ରାଇଭର ।

ଗାଁକୁ ମାଡି଼ଲା ଫାଇନ୍ ଭୂତ ।

486

କନକ ବ୍ୟୁରୋ: ଗାଁକୁ ମାଡି଼ଲା ଫାଇନ୍ ଭୂତ । ନୂଆ ଟ୍ରାଫିକ୍ ନିୟମ ଆଧାରେ କେବଳ କଟକ-ଭୁବନେଶ୍ୱରରେ ନୁହେଁ, ବରଂ ବିଭିନ୍ନ ଜିଲ୍ଲାରେ ମଧ୍ୟ ମୋଟା ଅଙ୍କର ଜରିମାନା ଆଦାୟ କରାଯାଉଛି । ଆଜି ଭଦ୍ରକରେ ଜଣେ ଅଟୋ ଡ୍ରାଇଭରଙ୍କ ଠାରୁ ୨୭ ହଜାର୫ଶହ ଟଙ୍କା ଫାଇନ୍ ଆଦାୟ କରିଛନ୍ତି ଆରଟିଓ ।

ସୂଚନା ଅନୁଯାୟୀ, ଫାଇନ ଦେଇଥିବା ଅଟୋ ଚାଳକଙ୍କ ପାଖରେ ଡ୍ରାଇଭିଂ ଲାଇସେନ୍ସ, ପରମିଟ୍, ଇନସ୍ୟୁରାନ୍ସ ନଥିବା କାରଣରୁ ତାଙ୍କୁ ଫାଇନ କରାଯାଇଛି । ସେହିଭଳି ସେହି ଭଦ୍ରକରେ ଜଣେ କଲେଜ ଛାତ୍ରୀଙ୍କୁ ୧୩ ହଜାର ଟଙ୍କାର ତଣ୍ଡ ଗଣିବାକୁ ପଡିଛି । ଛାତ୍ରୀ ଜଣଙ୍କ ହେଲମେଟ୍ ପିନ୍ଧି ନଥିବା ବେଳେ ତାଙ୍କର ଡ୍ରାଇଭିଂ ଲାଇସେନ୍ସ ନଥିଲା, ତେଣୁ ସେ ଏବାବଦକୁ ୬ ହଜାର ଟଙ୍କା ଜରିମାନା ଦେଇଛନ୍ତି । ସେ ବାପାଙ୍କ ଗାଡି ଚଳାଉଥିବାରୁ ୫ ହଜାର ଏବଂ ଗାଡିର ଇନିସ୍ୟୁରାନ୍ସ ନଥିବାରୁ ୨ ହଜାର ଟଙ୍କା ଫାଇନ୍ ଆକାରରେ ଆରଟିଓଙ୍କୁ ଗଣିଛନ୍ତି । ଯାହାକୁ ନେଇ ଭଦ୍ରକରେ ଲୋକଙ୍କ ମଧ୍ୟରେ ଅସନ୍ତୋଷ ଦେଖିବାକୁ ମିଳିଛି ।

Comments are closed.