ପଟାଙ୍ଗୀରେ ଆନ୍ଧ୍ରର ଦାଦାଗିରି । ଆଉ ଏକ ନକ୍ସା ମାଧ୍ୟମରେ ପୁଣି ନାଲି ଆଖି ଦେଖାଇଲା ଆନ୍ଧ୍ର । ସୁନାବେଡାର କିଛି ଅଞ୍ଚଳକୁ ନିଜର ବୋଲି କରୁଛି ଦାବି ।

162

କନକ ବ୍ୟୁରୋ: ତୁଟୁନି ଆନ୍ଧ୍ର- ଓଡ଼ିଶାର ସୀମା ବିବାଦ । ଓଡ଼ିଶା ସୀମାରେ ଆନ୍ଧ୍ର କେତେବେଳେ ରାସ୍ତାକୁ ନେଇ ତ କେତେବେଳେ  ସୀମାକୁ ନେଇ  ଜମି ହଡ଼ପ ଚଳାଇଥିବା ବେଳେ ବର୍ତମାନ ଆନ୍ଧ୍ର ଆଉ ଏକ ଅସ୍ତ୍ର ଆପଣାଇଛି । ତାହା ହେଲା  ଜିପିଏସ ମାଧ୍ୟମରେ ଟଣା ଯାଇଥିବା ଆନ୍ଧ୍ର ପ୍ରଦେଶର ବନ ବିଭାଗର ଏକ ମ୍ୟାପ । ଯାହାକୁ ଆଧାର କରି କୋରାପୁଟ ପଟାଙ୍ଗି ବ୍ଳକର  ଆନ୍ଧ୍ର ସୀମାନ୍ତକୁ ଲାଗିଥିବା ସୁନାବେଡ଼ା ଗ୍ରାମର ୬୦୦ ମିଟର ଜାଗା ତାଙ୍କର ବୋଲି ସେ ଦାବି କରୁଛନ୍ତି ।

ଓଡ଼ିଶା ସୀମାରେ ଥିବା  ଏକ ପଥରରେ ଖୋଳାଯାଇଥିବା ଗାତକୁ ଉଭୟ ପକ୍ଷର ସୀମା ବୋଲି ଦାବି କରୁଛି ଆନ୍ଧ୍ର । କିନ୍ତୁ ଏହାକୁ ଖଣ୍ଡନ କରିଛନ୍ତିି କୋରାପୁଟ ଜିଲ୍ଳାର ପୂର୍ବତନ ଜିଲ୍ଳାପାଳ । ଓଡ଼ିଶା ପାଖରେ ଯଥେଷ୍ଟ ପ୍ରମାଣ ରହିଛି ଆନ୍ଧ୍ରର ଉଚିତ୍ ଯବାବ ଦେବା ପାଇଁ ।  ଆନ୍ଧ୍ର ଦେଖାଉଥିବା ମ୍ୟାପ୍ ସହ ବ୍ରିଟିସ ଅମଳର ସୀମା ଚିହ୍ନଟର ମ୍ୟାପ୍ ମଧ୍ୟ ପାଖରେ  ରହିଛି,  ସେଥିରେ ସ୍ୱଷ୍ଟ ହୋଇଯିବ ଜମି କାହାର  ।  ଆନ୍ଧ୍ର ଠାରୁ ତେଲେଙ୍ଗାନା ଅଲଗା ହୋଇଯିବା ପରେ ଆନ୍ଧ୍ର ସଙ୍କୁଚିତ ହୋଇଯାଇଛି ଯେଉଁଥି ପାଇଁ ଓଡ଼ିଶା ଜମି ଉପରେ ଆନ୍ଧ୍ର ନଜର ପକାଇଛି ବୋଲିି ଜିଲ୍ଲାପାଳ କହିଛନ୍ତି । ଏପଟେ ଘଟଣାକୁ ହାଲୁକା ଭାବେ ନେଇଛନ୍ତି ରାଜସ୍ୱ ମନ୍ତ୍ରୀ ଆଉ କହିଛନ୍ତି ସଚେତନ ଅଛନ୍ତି ସରକାର ।

Comments are closed.