ସ୍ୱାଭାବିକ ପ୍ରଶ୍ନକାଳ ପରେ ବିଧାନସଭାରେ ପୁଣି ତାତିଲେ ବିରୋଧୀ । ଗାନ୍ଧୀଙ୍କ ପ୍ରସଙ୍ଗରେ ବର୍ଷିଲେ ନରସିଂହ, ସେପଟେ ଅଧିକ ସମୟ କହିବାକୁ ସୁଯୋଗ ମିଳୁନଥିବା ଅଭିଯୋଗ ଆଣିଲେ ଅମର ।
କନକ ବ୍ୟୁରୋ : ବିରୋଧୀଙ୍କ ହଙ୍ଗାମା ଯୋଗୁଁ ବିଧାନସଭା ଶୀତ ଅଧିବେସନର ପ୍ରଥମ ଦୁଇ ଦିନ ନଷ୍ଟ ହେବା ପରେ ଆଜି କିଛିଟା ସ୍ୱାଭାବିକ ହୋଇଛି ଗୃହ । ଆରମ୍ଭରୁ ମୁହଁରେ କଳାପଟି ବାନ୍ଧି ବିଜେପି ସଦସ୍ୟ ପ୍ରତିବାଦ କରିଥିଲେ ମଧ୍ୟ ପ୍ରଶ୍ନଉତ୍ତର କାଳ କିନ୍ତୁ ଚାଲିପାରିଛି । ହେଲେ ପୁଣି ଥରେ ବିଭିନ୍ନ ପ୍ରସଙ୍ଗ ଉଠାଇ ବିରୋଧୀ ହୋହାଲ୍ଲା କରିବାରୁ ଗୃହକୁ ଅଧଘଂଟା ଯାଏଁ ମୁଲତବି ଘୋଷଣା କରିଛନ୍ତି ବାଚସ୍ପତି । ଏହା ସହ ବିଧାନସଭାର ଗୃହକାର୍ଯ୍ୟ କେମିତି ସୁରୁଖୁରୁରେ ଚାଲି ପାରିବ ସେଥିପାଇଁ ଏକ ସର୍ବଦଳୀୟ ବୈଠକ ମଧ୍ୟ ଡାକିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏପଟେ ପ୍ରଶ୍ନ ଉତ୍ତର ସମୟରେ କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର ଉଠାଇଛନ୍ତି ନଥୁରାମ ଗଡସେ ପ୍ରସଙ୍ଗ । ଗାନ୍ଧୀଙ୍କ ୧୫୦ତମ ଜୟନ୍ତୀ ଅବସରରେ ଓଡିଶା ସରକାର ଛାପିଥିବା ପୁସ୍ତକରେ ଗାନ୍ଧୀଙ୍କ ମୃତ୍ୟୁ ଏକ ଆକସ୍ମିକ ଘଟଣାରେ ହୋଇଥିବା ଉଲ୍ଲେଖ ଥିବାରୁ, ସରକାରଙ୍କ ଉପରେ ବର୍ଷିଛନ୍ତି ନରସିଂହ ମିଶ୍ର । ସେପଟେ ବାଚସ୍ପତି ଅଧିକ ସମୟ କହିବାକୁ ସୁଯୋଗ ଦେଉନଥିବା ଅଭିଯୋଗ ଆଣିଛନ୍ତି ବରିଷ୍ଠ ବିଜେଡି ବିଧାୟକ ଅମର ଶତପଥୀ ।