ଗାଁରେ ନାହିଁ ମୈାଳିକ ସୁବିଧା । ଭୋଟ ବର୍ଜନ ନିଷ୍ପତ୍ତି ପରେ ଗାଁରେ ପହଞ୍ଚିଲା ପ୍ରଶାସନ । ତୁରନ୍ତ ସମାଧାନ ପାଇଁ ଦେଲେ ପ୍ରତିଶୃତି ।
କନକବ୍ୟୁରୋ : ଭୋଟ ବର୍ଜନ ଚେତାବନୀ ପରେ ବାଙ୍କି ନିର୍ବାଚନ ମଣ୍ଡଳୀର ଡମପଡ଼ା-ଚନ୍ଦକା ଅଭୟାରର୍ୟରେ ରହୁଥିବା ଅଧିବାସୀଙ୍କ ପାଖରେ ପହଁଚିଛି ପ୍ରଶାସନ । ରାସ୍ତା, ପାଣି, ବିଜୁଳି ଭଳି ବିଭିନ୍ନ ମୌଳିକ ସମସ୍ୟାରୁ ବଂଚିତ ଅଛନ୍ତି ଏଠାକାର ଲୋକେ । ଦୀର୍ଘ ବର୍ଷ ଧରି ଦାବି ପୂରଣ ହେଉନଥିବାରୁ ଚଳିତ ନିର୍ବାଚନରେ ଭୋଟ ବର୍ଜନ ପାଇଁ ଚେତାବନୀ ଦେଇଥିଲେ ଅଂଚଳବାସୀ ।
Kanak News is now on WhatsApp
Join and get latest news updates delivered to you via WhatsApp
ତେବେ ଡମପଡ଼ା ଗୋଷ୍ଠୀ ଉନ୍ନୟନ ଅଧିକାରୀ ଲୋକଙ୍କ ପାଖରେ ପହଁଚି ସେମାନଙ୍କୁୁ ବୁଝାସୁଝା କରିବା ସହ ସମସ୍ୟାର ସମାଧାନ ପାଇଁ ଆଶ୍ୱସନା ଦେଇଛନ୍ତି । ଗଣତନ୍ତ୍ରର ଏହି ମହାପର୍ବରେ ଯେପରି ଗ୍ରାମବାସୀମାନେ ସାମିଲ ହୋଇ ମତଦାନ କରିବେ ସେ ସମ୍ବନ୍ଧରେ ଆଲୋଚନା କରିଛନ୍ତି ।