ଦୁଇ ଆସନରେ କଂଗ୍ରେସ ପ୍ରାର୍ଥୀ ଘୋଷଣା ପରେ ଉପନିର୍ବାଚନ ଲଢ଼େଇ ପାଇଁ ମଂଚ ପ୍ରସ୍ତୁତ । ବାଲେଶ୍ୱରରେ ବିଜେଡିର ସୂରୂପ ଦାସ, ବିଜେପିର ମାନସ ଦତ ଓ କଂଗ୍ରେସର ମମତା କୁଣ୍ଡୁଙ୍କ ମଧ୍ୟରେ ଟକ୍କର
କନକ ବ୍ୟୁରୋ : ବିଜେପି ଓ ବିଜେଡି ପରେ ଉପନିର୍ବାଚନ ପାଇଁ ପ୍ରାର୍ଥୀ ଘୋଷଣା କରିଛି କଂଗ୍ରେସ । ବାଲେଶ୍ୱର ପାଇଁ ମମତା କୁଣ୍ଡୁଙ୍କୁ ଦଳ ପ୍ରାର୍ଥୀ କରିଥିବା ବେଳେ ତିର୍ତୋଲରେ ହିମାଂଶୁ ଭୂଷଣ ମଲ୍ଲିକଙ୍କୁ ଟିକେଟ ଦେଇଛି କଂଗ୍ରେସ । ଫଳରେ ଦୁଇ ଆସନରେ ସ୍ପଷ୍ଟ ହୋଇଯାଇଛି ସ୍ଥିତି । ବାଲେଶ୍ୱର ଆସନରେ ବିଜେଡିର ସୂରୂପ କୁମାର ଦାସ, ବିଜେପିର ମାନସ କୁମାର ଦତ ଓ କଂଗ୍ରେସର ମମତା କୁଣ୍ଡୁଙ୍କ ମଧ୍ୟରେ ଟକ୍କର ହେବାକୁ ଯାଉଛି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ତିର୍ତୋଲରେ ବିଜେଡି ପ୍ରାର୍ଥୀ ବିଜୟଶଙ୍କର ଦାସ, ବିଜେପି ପ୍ରାର୍ଥୀ ରାଜକିଶୋର ବେହେରାଙ୍କ ସହ ମୁକାବିଲା କରିବେ କଂଗ୍ରେସ ପ୍ରାର୍ଥୀ ହିମାଂଶୁ ଭୂଷଣ ମଲ୍ଲିକ । ପ୍ରଥମେ ଦୁଇ ଆସନ ପାଇଁ ବିଜେପି ପ୍ରାର୍ଥୀ ଘୋଷଣା କରିଥିଲା । ବିଜେଡି ପ୍ରାର୍ଥୀ ଘୋଷଣା କରିବା ପରେ ବାଲେଶ୍ୱର ଓ ତିର୍ତୋଲ ଆସନ ପାଇଁ କଂଗ୍ରେସ ପ୍ରାର୍ଥୀ ଘୋଷଣା କରିଛି । ସେପଟେ ତିର୍ତୋଲ ଆସନ ପାଇଁ ପ୍ରାର୍ଥୀପତ୍ର ଦାଖଲ କରିଛନ୍ତି ବିଜେପିର ରାଜକିଶୋର ବେହେରା ।