ସଟଡାଉନ୍ ପରେ ଦୋକାନକୁ ଯାଇ ଭିଡ କରନ୍ତୁ ନାହିଁ । ବଜାରକୁ ଯାଇ ଘରକୁ କରୋନା ଆଣନ୍ତୁ ନାହିଁ । ସତର୍କ ରହିବା ସହ ଲକଡାଉନ୍ ନିୟମ ମାନିବାକୁ ମୁଖ୍ୟ ଶାସନ ସଚିବଙ୍କ ପରାମର୍ଶ ।
କନକ ବ୍ୟୁରୋ : ସଟଡାଉନକୁ ନେଇ ମୁଖ୍ୟ ଶାସନ ସଚିବଙ୍କ ସାମ୍ବାଦିକ ସମ୍ମିଳନୀ । ଆଜି ରାତି ୮ଟାରେ ସରିବ ସଟଡାଉନ୍ । ଏନେଇ ସୂଚନା ଦେଇଛନ୍ତି ମୁଖ୍ୟ ଶାସନ ସଚିବ ଅସିତ ତ୍ରିପାଠୀ । ସେ କହିଛନ୍ତି, ସଟଡାଉନ୍ ସମୟ ସରିବା ପରେ ବଜାରକୁ ଯାଇ ଭିଡ କରନ୍ତୁ ନାହିଁ । ଅଧିକ ମାତ୍ରାରେ ଦୋକାନଙ୍କୁ ଯାଇ ଗହଳି କରନ୍ତୁ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ଆଜି ରାତି ୮ଟାରେ ସଟଡାଉନ୍ ସମୟ ଅବଧି ଶେଷ ହେବା ପରେ ଗ୍ରୋସରୀ ଦୋକାନ, ପନିପରିବା ଆଦି ଦୋକାନ ଖୋଲାହେବ । ଏବଂ ଅତ୍ୟାବଶ୍ୟକ ସାମଗ୍ରୀ ସର୍ବଦା ମହଜୁଦ ରହିବ । ତେଣୁ ଦୋକାନକୁ ଯାଇ ଭିଡ ନକରିବା ପାଇଁ ନିର୍ଦ୍ଦେଶ ଦିଆଯାଇଛି । ସତର୍କ ରହିବା ସହ ଲକଡାଉନର ନିୟମ ପାଳନ କରିବା ପାଇଁ ପରାମର୍ଶ ଦେଇଛନ୍ତି ମୁଖ୍ୟ ଶାସନ ସଚିବ । ସେ କହିଛନ୍ତି ବଜାରକୁ ଯାଇ ଘରକୁ କରୋନା ଆଣନ୍ତୁ ନାହିଁ ।