ଚାକିରିରୁ ଇସ୍ତଫା ଦେଲେ, ରାଜନୀତିକୁ ଓହ୍ଲାଇଲେ । ଜିଲ୍ଲା ପରିଷଦ ପ୍ରାର୍ଥୀ ଭାବେ ନିର୍ବାଚନ ଲଢିବେ ଆଦିବାସୀ ଝିଅ
କନକ ବ୍ୟୁରୋ : ନିଜ ସଂପ୍ରଦାୟ ଓ ଅଞ୍ଚଳର ଉନ୍ନତି ପାଇଁ ଚାକିରି ଛାଡି ରାଜନୀତିରେ ପାଦ ଥାପିଛନ୍ତି ଜଣେ ଉଚ ଶିକ୍ଷିତା ଆଦିବାସୀ ଝିଅ । ତ୍ରିସ୍ତରୀୟ ପଂଚାୟତ ନିର୍ବାଚନ ମଇଦାନାକୁ ଓଲହାଇଛନ୍ତି ବହୁ ଶିକ୍ଷିତ ଯୁବକ ଯୁବତୀ । ଯିଏ ଏମ. ସି.ଏ ପାଠ ପଢି ଭୁବନେଶ୍ୱରରେ ଏକ ଘରୋଇ କମ୍ପାନୀରେ କରୁଥିବା ଚାକିରିରୁ ଇସ୍ତଫା ଦେଇ ରାମାନାଗୁଡା “ ଖ “ ଜୋନରୁ ଜିଲ୍ଲା ପରିଷଦ ସଭ୍ୟ ପାଇଁ ଜଣେ ପାର୍ଥୀ ହୋଇ ରାଜନୀତିରେ ପାଦ ଥାପିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ରାୟଗଡା ଜିଲ୍ଲା ରାମାନାଗୁଡା ବ୍ଲକ ଅନ୍ତର୍ଗତ କୁଜେନ୍ଦ୍ରି ଗ୍ରାମର ଉଚ ଶିକ୍ଷିତ ଆଦିବାସୀ ଯୁବତୀ ଜଣକ ହେଲେ ସସ୍ମିତା ଗମାଙ୍ଗ । ଶିକ୍ଷାଗତ ଯୋଗ୍ୟତା କହିଲେ ମାଷ୍ଟର ଇନ କମ୍ପୁଟର ଆପ୍ଲିକେସେନ । ୨୦୧୫ ମସିହାରେ ଗୁଣୁପୁର ସ୍ଥିତ ଗାୟତ୍ରୀ ବୈଷୟିକ ବିଦ୍ୟାଳୟରୁ ମାଷ୍ଟର ଇନ କମ୍ପୁଟର ଆପ୍ଲିକେସେନ ପାଠ ସାରି ପରବର୍ତୀ ମୁହୂର୍ତରେ ଭୁବନେଶ୍ୱର ସ୍ଥିତ ଜ୍ୟୋତି ଗ୍ରୁପ ନାମକ ଏକ ଅଟୋମୋବାଇଲ କମ୍ପାନୀରେ ନିଜ ଚାକିରି ଜୀବନ ଆରମ୍ଭ କରିଥିଲେ । କିନ୍ତୁ ନିଜ ସମ୍ପ୍ରଦାୟ , ଅଂଚଳର ଉନ୍ନତି ଓ ରାଜନୀତି ପ୍ରତି ଅହେତୁକ ଦୁର୍ବଳ ଥିବାରୁ ବର୍ତମାନ ଚାକିରିରୁ ଇସ୍ତଫା ପ୍ରଦାନ କରି ରାଜନୀତିରେ ପ୍ରବେଶ କରିଛନ୍ତି । ସସ୍ମିତା ରାମାନାଗୁଡା ବ୍ଲକ “ ଖ “ ଜୋନରୁ ଜିଲ୍ଲା ପରିଷଦ ସଭ୍ୟ ସକାଶେ କଂଗ୍ରେସ ଦଳ ପକ୍ଷରୁ ନାମାଙ୍କନ ଦାଖଲ କରି ନିର୍ବାଚନ ମଇଦାନକୁ ଓହ୍ଲାଇଛନ୍ତି । ତେବେ ଆଗାମୀ ଦିନରେ ଲୋକଙ୍କ ସେବା ଓ ଅଂଚଳରେ ଲାଗି ରହିଥିବା ସମସ୍ୟାକୁ ଅଧିକା ପ୍ରାଧାନ୍ୟ ଦିଆଯିବ ବୋଲି ପ୍ରକାଶ କରିଛନ୍ତି । ଜଣେ ଉଚ ଶିକ୍ଷିତା ଯୁବତୀ ଜଣକ ନିର୍ବାଚନ ଲଢୁଥିବାରୁ ସ୍ଥାନୀୟ ଓ ଅଂଚଳବାସୀ ମଧ୍ୟ ବେସ ଖୁସି ଓ ଗର୍ବିତ ଅନୁଭବ କରିବା ସହ ସସ୍ମିତାଙ୍କ ଶୁଭ ମନାସିଛନ୍ତି ।
ଅପରପକ୍ଷେ ଚଳିତ ବର୍ଷ ତ୍ରିସ୍ତରୀୟ ପଂଚାୟତ ନିର୍ବାଚନରେ ଶିକ୍ଷିତ ଯୁବକ ଯୁବତୀ ନିର୍ବାଚନ ଲଢିବା ଏହା ଗଣତନ୍ତ୍ର ପରେ ଶୁଭଙ୍କର ବୋଲି ମତ ପ୍ରକାଶ କରିଛନ୍ତି ରାଜନୈତିକ ସମୀକ୍ଷକ ।