ଏବେ ସାମ୍ବାଦିକଙ୍କ ପାଇଁ ଆସିବ ଏସଓପି... ଅତିକ ହତ୍ୟାକାଣ୍ଡ ପରେ ଗୃହମନ୍ତ୍ରାଳୟର ନିଷ୍ପତ୍ତି ।

କନକ ବ୍ୟୁରୋ: ପ୍ରୟାଗରାଜରେ ମାଫିଆ ଡନ୍ ଅତିକ ଅହମ୍ମଦ ଏବଂ ତାର ଭାଇକୁ କ୍ୟାମେରା ସାମ୍ନାରେ ହତ୍ୟା କରାଯାଇଛି । ଏହି ଘଟଣା ପରେ କେନ୍ଦ୍ର ଗୃହମନ୍ତ୍ରାଳୟ ସାମ୍ବାଦିକଙ୍କ ପାଇଁ ବଡ ନିଷ୍ପତ୍ତି ନେଇଛି । ମନ୍ତ୍ରାଳୟ ପକ୍ଷରୁ କୁହାଯାଇଛି ଯେ ଦେଶରେ ସାମ୍ବାଦିକଙ୍କ ପାଇଁ ଏସଓପି ତିଆରି କରାଯିବ । ଏହା ସେମାନଙ୍କ ସୁରକ୍ଷାକୁ ଧ୍ୟାନରେ ରଖି ପ୍ରସ୍ତୁତ କରାଯିବ ।

The Ministry of Home Affairs will prepare SOPs for the safety and security of journalists. The step is being taken after three assailants posing as journalists killed gangster turned politician Atiq Ahmed and his brother Ashraf in UP's Prayagraj last night while they were… pic.twitter.com/PPBbWbvfCR

— ANI (@ANI) April 16, 2023

ଉଭୟ ଗ୍ୟାଙ୍ଗଷ୍ଟରଙ୍କ ହତ୍ୟା ପରେ ସରକାର କେନ୍ଦ୍ର ସରକାର ସାମ୍ବାଦିକଙ୍କ ସୁରକ୍ଷା ପାଇଁ ଏହି ବଡ ପଦକ୍ଷେପ ଗ୍ରହଣ କରିବାକୁ ଯାଉଛନ୍ତି । ଏହି ହତ୍ୟାକାଣ୍ଡରେ ସାମିଲ ଥିବା ତିନିଜଣ ସହଯୋଗୀ ସାମ୍ବାଦିକ ବେଶରେ ଆସିଥିଲେ । ଯେତେବେଳେ ଆକ୍ରମଣ ହୋଇଥିଲା ସେହି ସମୟରେ ସାମ୍ବାଦିକମାନେ ଅତିକ ଏବଂ ଅସରଫକୁ ପ୍ରଶ୍ନ ପଚାରୁଥିଲେ । ନିକଟରେ ଅତିକକୁ ସାବରମତୀ ଜେଲରୁ ୟୁପି ଅଣାଯାଇଥିଲା । ପୋଲିସ ତାକୁ ନିଜ ହେପାଜତକୁ ନେଇ ଉମେଶ ପାଲ ହତ୍ୟାକାଣ୍ଡ ମାମଲାର ତଦନ୍ତ ଚଳାଇଥିଲା । ତାଙ୍କ ସହ ଭାଇ ଅସରଫ ମଧ୍ୟ ଥିଲା । ଯେଉଁ ସମୟରେ ଉଭୟ ଭାଇଙ୍କ ଉପରେ ଗୁଳି ଚଳାଯାଇଥିଲା ସେତେବେଳେ ସେମାନଙ୍କ ହାତରେ ହାତକଡି ଲାଗିଥିଲା ।