ମାସ୍କ ଓ ପିପିଇ ପରେ କଂଗ୍ରେସ ଆଣିଲା ନୂଆ ଦୁର୍ନୀତି ଅଭିଯୋଗ । କହିଲେ, ନିବୁଲାଇଜର ପାଇଁ ଗୋଟିଏ କମ୍ପାନୀ ଦୁଇ ଦୁଇ ଥର ଦେଇଥିଲା କୋଟେସନ, ସେହି କମ୍ପାନୀ ଠାରୁ କିଣାଗଲା ନିବୁଲାଇଜର ।
କନକ ବ୍ୟୁରୋ: ମାସ୍କ ଓ ପିପିଇ କିଟ ପରେ ଏବେ ନିବୁଲାଇଜର କିଣାରେ ଦୁର୍ନୀତି ଅଭିଯୋଗ ଆଣିଛି କଂଗ୍ରେସ । କଂଗ୍ରେସ ମୁଖପାତ୍ର ସୁଦର୍ଶନ ଦାସ କହିଛନ୍ତି ନିବୁଲାଇଜର କିଣିବା ସମୟରେ ଗୋଟିଏ କମ୍ପାନୀ ୨ଥର କୋଟେସନ ଦେଇଥିଲା । ୨୧ ତାରିଖରେ ଦେଇଥିବା ପ୍ରଥମ କୋଟେସନରେ ଏହାର ଦାମ ୩୧ଶହ ଟଙ୍କା ଥିବା ବେଳେ ୨୩ ତାରିଖରେ ଦେଇଥିବା କୋଟେସନରେ ଏହାର ଦାମ ଥିଲା ୫ହଜାର ୯୦୦ଟଙ୍କା । ଦ୍ୱିତୀୟ କୋଟେସନ ଆଧାରରେ ରାଜ୍ୟ ସରକାର ୫୦୦ ଟି ନିମୁଲାଇଜର କିଣିଥିବା ଅଭିଯୋଗ ଆଣିଛି କଂଗ୍ରେସ ।
Kanak News is now on WhatsApp
Join and get latest news updates delivered to you via WhatsApp
ତେବେ ପୂର୍ବରୁ ଗତ କିଛି ଦିନ ହେବ ମାସ୍କ କିଣାରେ ଦୁର୍ନୀତି ହୋଇଥିବା ନେଇ ସରକାରଙ୍କୁ ସିଧା ନିଶାନା କରିଚାଲିଛି କଂଗ୍ରେସ । ଏପରିକି ଗୋଟିଏ ପରେ ଗୋଟିଏ ଦୁର୍ନୀତିର ଚିଠା ଖୋଲି ସରକାର ଏନେଇ ସ୍ପଷ୍ଟୀକରଣ ଦିଅନ୍ତୁ ବୋଲି ବାରମ୍ବାର ସାମ୍ବାଦିକ ସମ୍ମିଳନୀରେ ଚ୍ୟାଲେଞ୍ଜ କରିଥିଲା କଂଗ୍ରେସ । ସ୍ୱାସ୍ଥ୍ୟମନ୍ତ୍ରୀଙ୍କ ସ୍ପଷ୍ଟୀକରଣ ପରେ ବି କଂଗ୍ରେସ ଦୁର୍ନୀତିର ବଡ଼ ଚେର ଲମ୍ବିଛି ବୋଲି ଅଭିଯୋଗ ଆଣି ଗୋଟିଏ ପରେ ଗୋଟିଏ ଅଭିଯୋଗର ଫର୍ଦ୍ଦ ଖୋଲୁଛି ।