ମହାରାଷ୍ଟ୍ର ମହାନାଟକ ଭିତରେ ବିହାର ରାଜନୀତିରେ ହଲଚଲ । କର୍ଣ୍ଣାଟକରେ ବିଜେପି ଓ ଜେଡିଏସ ମେଣ୍ଟ ଉପରେ ଖୁବ ଶିଘ୍ର ବାଜିପାରେ ମୋହର
କନକ ବ୍ୟୁରୋ : ଗୋଟେପଟେ ମହାରାଷ୍ଟ୍ରରେ ଚାଲିଛି ମହାନାଟକ । ଅନ୍ୟପଟେ ବିହାରରେ ଦେଖାଗଲାଣି ହଟଚମଟ । ବିହାରରେ ମହାରାଷ୍ଟ୍ର ସ୍ଥିତି ଦେଖାଯିବା ନେଇ ଆଶଙ୍କା ଦେଖାଦେଇଛି । ବିଶେଷ କରି ଜେଡିୟୁ ମୁଖ୍ୟ ନୀତୀଶ କୁମାରଙ୍କୁ ଏବେ ଘାରିଛି ଦଳ ଭିତରେ ଫାଟ ଆଶଙ୍କା । ତେଣୁ ଲଗାତାର ୩ଦିନ ଭିତରେ ତିନିତିନିଥର ଦଳୀୟ ସାଂସଦ ଓ ବିଧାୟକଙ୍କୁ ନେଇ ନୀତିଶ ରୁଦ୍ଧଦ୍ୱାର ବୈଠକ କରିସାରିଲେଣି । ଏନେଇ ରାଜ୍ୟରାଜନୀତି ଚଳଚଂଚଳ ହୋଇପଡିିଛି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ବିହାର ରାଜ୍ୟରାଜନୈତିକ ଅସ୍ଥିରତା ଭିତରେ ବିଜେପି ନେତା ସୁଶୀଲ ମୋଦୀଙ୍କ ଏକ ବୟାନକୁ ନେଇ ମଧ୍ୟ ଚର୍ଚ୍ଚା ଚାଲିଛି । ଦୃଢତାସହ ସୁଶୀଳ କହିଛନ୍ତି ଜେଡିୟୁ ଭିତରେ ବିଦ୍ରୋହ ଦେଖାଗଲାଣି ଓ ଖୁବ ଶିଘ୍ର ଦୁଇଫାଳ ହେବ ଦଳ । କିଛି ବିଧାୟକ ଓ ସାଂସଦ ବିଜେପି ସଂଶ୍ପର୍ଷରେ ଥିବା ସେ କହିଥିଲେ ।
ସେପଟେ କର୍ଣ୍ଣାଟକ ରାଜ୍ୟ ରାଜନୀତିରେ ମଧ୍ୟରେ ହଲଚଲ ଦେଖାଦେଇଛି । କର୍ଣ୍ଣାଟକ ବିଜେପି ସହ ଜେଡିଏସ ମେଂଟ କରିବ ବୋଲି ଚର୍ଚ୍ଚା ଜୋର ଧରିଛି । ଏହି ଚର୍ଚ୍ଚାକୁ ଜୋର ଦେଇଛି ପୂର୍ବତନ ମୁଖ୍ୟମନ୍ତ୍ରୀ ଏଚ ଡି କୁମାରସ୍ୱାମୀଙ୍କ ବୟାନ । ଚଳିତବର୍ଷ ଶେଷ ସୁୁଦ୍ଧା ମେଂଟ ହୋଇପାରେ ବୋଲି କୁମାରସ୍ୱାମୀ ସଂକେତ ଦେଇସାରିଲେଣି । ସେପଟେ ପ୍ରଦେଶ ବିଜେପି ମୁଖ୍ୟ ବିଏସ ୟେଦିରୁପ୍ପା ମଧ୍ୟ କୁମାରସ୍ୱାମୀଙ୍କ କଥାକୁ ସମର୍ଥନ କରିବା ଘଟଣା ଗୋଟେ କଥା ସ୍ପଷ୍ଟ କରୁଛି ଯେ ଆଗାମୀ ଦିନରେ ବିଜେପି-ଜେଡିଏସ ମେଂଟ ହେବା ଏକପ୍ରକାର ନିଶ୍ଚିତ ।
ମହାରାଷ୍ଟ୍ର ରାଜନୈତିକ ଅସ୍ଥିରତା ଭିତରେ ବିହାର ଓ କର୍ଣ୍ଣାଟକ ରାଜ୍ୟ ରାଜନୀତିରେ ମଧ୍ୟ ହଲଚଲ ଦେଖା ଦେଇଛି । ଆଗାମୀ ଦିନରେ ଦୁଇ ରାଜ୍ୟର ସ୍ଥିତି କଣ ହେବ ଏହା ଉପରେ ସମସ୍ତଙ୍କ ନଜର ରହିଛି ।