ଲୋକସଭା ପରେ ରାଜ୍ୟସଭାରେ ପାରିତ ହେଲା ଜମ୍ମୁ କାଶ୍ମୀର ବିଲ୍ । ପାକିସ୍ତାନ ଅଧିକୃତ କାଶ୍ମୀର ଭାରତର , କହିଲେ ଗୃହମନ୍ତ୍ରୀ ଅମିତ ଶାହ ।

କନକ ବ୍ୟୁରୋ: ଲୋକସଭା ପରେ ଏବେ ରାଜ୍ୟସଭାରେ ପାରିତ ହେଲା ଜମ୍ମୁ କାଶ୍ମୀର ପୁନର୍ଗଠନ ସଂଶୋଧନ ବିଲ୍ ଏବଂ ସଂରକ୍ଷଣ ସଂଶୋଧନ ବିଲ୍ । ଏହି ପ୍ରସଙ୍ଗରେ ଗୃହମନ୍ତ୍ରୀ ଅମିତ ଶାହ ସଂସଦରେ ଉଦବୋଧନ ଦେଇଛନ୍ତି । ଧାରା ୩୭୦ ପ୍ରସଙ୍ଗ ଉଠାଇ କଂଗ୍ରେସ ସମେତ ବିରୋଧୀଙ୍କ ଉପରେ ବର୍ଷିଛନ୍ତି ।

ସୋମବାର ରାଜ୍ୟସଭାରେ ସେ କହିଛନ୍ତି ଯେ ଜାମ୍ମୁ କାଶ୍ମୀର ଭାରତରେ ବିଳମ୍ବରେ ମିଶିବା ପଛରେ ପ୍ରଥମ ପ୍ରଧାନମନ୍ତ୍ରୀ ପଣ୍ଡିତ ଜବାହରଲାଲ ନେହେରୁଙ୍କ ଭୁଲ ନିଷ୍ପତି ବୋଲି କହିଛନ୍ତି । ସୁୁପ୍ରିମକୋର୍ଟ ଧାରା ୩୭୦କୁ ନେଇ କେନ୍ଦ୍ର ସରକାରଙ୍କ ନିଷ୍ପତିକୁ କାଏମ ରଖିବା ପରେ ବିରୋଧୀଙ୍କୁ ମଧ୍ୟ ଏହି ଅବସରରେ ଟାର୍ଗେଟ କରିଛନ୍ତି । ଯେଉଁମାନେ କେନ୍ଦ୍ରର ନିଷ୍ପତ୍ତିିକୁ ବିରୋଧ କରି ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଥିଲେ ସେମାନେ ସମ୍ବିଧାନକୁ ଭଲ ଭାବେ ପଢିନାହାନ୍ତି ।