ଫେରିଲା ‘ଫୋନି’, ଛାଡ଼ିଲା ଚିହ୍ନ । ଓଡ଼ିଶା ସମେତ ପଡ଼ୋଶୀ ରାଜ୍ୟରେ ତାଣ୍ଡବ ରଚି ଫେରିଗଲା ଯମଦୂତ ।
କନକ ବ୍ୟୁରୋ : ଆସିଲା ଉଜାଡ଼ିଲା ଚିହ୍ନ ଦେଇ ଚାଲିଗଲା । ଭାରତ ଛାଡ଼ିଲା ବାତ୍ୟା ‘ଫୋନି’ । ଓଡ଼ିଶା ସମେତ ପଡ଼ୋଶୀ ରାଜ୍ୟରେ ଗତ ତିନିଦିନ ଧରି ପ୍ରଳୟ ସୃଷ୍ଟି କରିଥିବା ବାତ୍ୟା ‘ଫୋନି ଗତକାଲି ପୂର୍ବାହ୍ନରେ ଭାରତ ଛାଡ଼ିଛି । ଯମଦୂତ ସାଜି ଭାରତକୁ ଆସି ଓଡ଼ିଶାରେ କରାଳ ରୂପ ଦେଖାଇ ଗତକାଲି ପୂର୍ବାହ୍ନ ରେ ବାଂଲାଦେଶକୁ ଫେରିଯାଇଥିବା ପାଣିପାଗ ବିଭାଗ ତରଫରୁ ସୂଚନା ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ‘ଫୋନି’ ବାଂଲାଦେଶରେ ପହଁଚିବା ପରେ ସେଠରେ ଘଣ୍ଟା ପ୍ରତି ୫୦ରୁ ୬୦ କିଲୋମିଟର ବେଗରେ ପବନ ବହିଥିଲା । ହେଲେ ଏହାପରେ ସ୍ଥିତି ସ୍ୱାଭାବିକ ହୋଇଛି । ସବୁଠାରୁ ବଡ଼ କଥା ହେଲାକି ଏହାଦ୍ୱାରା ସେଠାରେ କାହାର କୌଣସି କ୍ଷୟକ୍ଷତି ଘଟିନାହିଁ ବୋଲି ଜଣାପଡ଼ିଛି । ତେବେ ଓଡ଼ିଶାରେ ବାତ୍ୟା ଫୋନିର ପ୍ରଭାବ ବେଶ୍ ଅଧିକ ପଡ଼ିଥିଲା । ବିଶେଷ କରି ପୁରୀ, ଖୋର୍ଦ୍ଧା ଓ କଟକ ଜିଲ୍ଲା ସର୍ବାଧିକ ପ୍ରଭାବିତ ହୋଇଛି । ଗତ ୩ ତାରିଖରେ ବାତ୍ୟା ‘ଫୋନି’ ସ୍ଥଳ ଭାଗ ଛୁଇଁଲା ପରେ ବେଳେ ପବନର ବେଗ ୧୮୦ରୁ ୨୦୦ କିମି ମଧ୍ୟରେ ରହିଥିଲା ।
ସେହିଭଳି ‘ଫୋନି’ ସମୟରେ ପବନର ବେଗ ଯେତିକି ଥିଲା ବର୍ଷା ମଧ୍ୟ ସେହି ପରିମାଣରେ ହୋଇଥିଲା । ବାତ୍ୟା ସମୟରେ ଗୋଟିଏ ଦୁଇଟି ସ୍ଥାନରେ ୨୦୦ ମିମିରୁ ଅଧିକ ବର୍ଷା ହେବ ବୋଲି ଆକଳନ କରାଯାଇଥିଲା । ତେବେ ଏହି ସମୟ ମଧ୍ୟରେ ଗୋପାଳପୁରରେ ସର୍ବାଧିକ ୧୮୦ ମିମି ବର୍ଷା ହୋଇଛି । ସେହିଭଳି ଭୁବନେଶ୍ୱର ୧୫୫ ମିମି ବର୍ଷା ହୋଇଥିବାବେଳେ କଟକରେର ୧୨୮, ପୁରୀରେ ୧୧୫ ମିମି ବର୍ଷା ହୋଇଥିବା ରେକର୍ଡ଼ ହୋଇଛି ।