ବାତ୍ୟା ‘ୟାସ୍’ ଚାଲିଯାଇଛି, ଚିହ୍ନ ଛାଡ଼ିିଯାଇଛି । ଆକସ୍ମିକ ବନ୍ୟା ଫଳରେ ଦୁର୍ଦ୍ଦଶାରେ ଜୀବନ, ଧିରେ ଧିରେ ଅଣ୍ଟା ସଳଖୁଛି ଦଶରଥପୁର ।
କନକ ବ୍ୟୁରୋ: ବାତ୍ୟାର ଭୟ ପ୍ରକୋପ ମନରୁ ନଯାଉଣୁ ମାଡି ଆସିଥିଲା ବନ୍ୟା । ବୈତରଣୀରେ ଆକସ୍ମିକ ବନ୍ୟା ଆସିବା ଫଳରେ ଲୋକେ ଭୟଭୀତ ହୋଇପଡିଥିଲେ । ଅନ୍ୟ ପଟେ ଦଶରଥପୁର ବ୍ଲକ କଂଟପଡାରେ ୩ଟି ଓ ପହ୍ଲାସାହି ଠାରେ ଗୋଟିଏ ଘାଇ ସୃଷ୍ଟି ହୋଇ କିଛି ପଂଚାୟତବାସୀଙ୍କୁ ପ୍ରଭାବିତ କରିଛି । ଜଳସ୍ତର କ୍ରମଶଃ ହ୍ରାସ ପାଉଥିଲେ ମଧ୍ୟ କିଛି ଗାଁରୁ ସଂପୂର୍ଣ୍ଣ ବନ୍ୟା ପାଣି ଛାଡିନି । ଅନେକ ସ୍ଥାନରେ ଚାଷଜମିରେ ବର୍ଷା ଜଳ ଜମି ରହିଥିବା ବେଳେ ନିଷ୍କାସିତ ହୋଇପାରିନାହିଁ । ଅନ୍ୟ ପଟେ ଘର ବାହୁଡା ଲୋକ ନିଜର ଭଙ୍ଗା ଘର ସଜାଡିବାରେ ବ୍ୟସ୍ତ ।
Kanak News is now on WhatsApp
Join and get latest news updates delivered to you via WhatsApp
ଭଙ୍ଗା ଘରକୁ ମାଟିରେ ଲିପି ଠିକ କରୁଥିବା ବେଳେ କିଏ ସେଥିରେ ସହଯୋଗ କରୁଥିବାର ଚିତ୍ର ଦେଖିବାକୁ ମିଳିଛି । ଚଳିତ ବର୍ଷର ବାତ୍ୟା ଓ ବନ୍ୟା ଦଶରଥପୁର,ବିଂଝାରପୁର,ଯାଜପୁର ଏବଂ କୋରେଇ ବ୍ଲକର ପାୟ ୨୫ ହଜାରରୁ ଉର୍ଦ୍ଧ ଲୋକ କ୍ଷତିଗ୍ରସ୍ତ ହୋଇଥିବା ପ୍ରଶାସନ କହୁଛି । ସେଥିରୁ ୧୩ ହଜାର ଉର୍ଦ୍ଧ ଲୋକ ପାଣି ଘେରରେ ରହି ପ୍ରଭାବିତ ହୋଇଥିଲେ । ବୈତରଣୀର ଶାଖା କାଣୀ ନଦୀରେ ହୋଇଥିବା ଘାଇର ମରାମତି ଆରମ୍ଭ ହୋଇଥିବା ବେଳେ ପ୍ରଭାବିତ ଲୋକଙ୍କୁ ସହାୟତା ପ୍ରଦାନ କରାଯାଇଛି ।