‘ଫୋନି’ ପରେ ଓଡ଼ିଶା ସାଥିରେ ସମସ୍ତେ । କ୍ଷତିଗ୍ରସ୍ତ ଲୋକଙ୍କ ସହାୟତା ପାଇଁ ମୁଖ୍ୟମନ୍ତ୍ରୀ ରିଲିଫ୍ ପାଣ୍ଠିକୁ ୨ ମାସର ଦରମା ଦେଲେ ସଂସ୍କୃତି ମନ୍ତ୍ରୀ, ICICI ବ୍ୟାଙ୍କ୍ ଦେଲା ୧୦ କୋଟି ଟଙ୍କାର ସହାୟତା ରାଶି ।
କନକ ବ୍ୟୁରୋ: ‘ଫୋନି’ ପାଇଁ ସହାୟତା । ଓଡ଼ିଶାରେ ବାତ୍ୟା ‘ଫୋନି’ ସବୁକିଛି ଉଜାଡ଼ି ଦେଇଥିବାବେଳେ ଏବେ ଓଡ଼ିଶାକୁ ଚାରିଆଡୁ ସହାୟତାର ହାତ ବଢ଼ାଉଛନ୍ତି ଶିଳ୍ପ ସଂସ୍ଥା ମାନ୍ୟଗଣ୍ୟ ବ୍ୟକ୍ତି, । ଦିନକୁ ଦିନ ଓଡ଼ିଶାର ସାଥ୍ ଦେବା ପାଇଁ ବିଭିନ୍ନ ସ୍ତରରୁ ପ୍ରତିଷ୍ଠିତ ଲୋକମାନେ ସହାୟତାର ହାତ ବଢ଼ାଉ ଥିବାବେଳେ ଆଜି ଦେଶର ପ୍ରମୁଖ ବ୍ୟାଙ୍କ ଆଇ.ସି.ଆଇ.ସି.ଆଇ ତରଫରୁ ୧୦ କୋଟି ଟଙ୍କା ମୁଖ୍ୟମନ୍ତ୍ରୀ ରିଲିଫ୍ ପାଣ୍ଠିକୁ ସହାୟତା ରାଶି ପ୍ରଦାନ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଆଇ.ସି.ଆଇ.ସି.ଆଇ ରିଟେଲ୍ ବିଜିନେସ୍ ମୁଖ୍ୟ ୱାଇ.ଏନ୍ ଦ୍ୱିବେଦୀ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ସଚିବାଳୟରେ ଭେଟି ଏହି ପରିମାଣର ଚେକ୍ ପ୍ରଦାନ କରିଛନ୍ତି । ତେବେ ଓଡ଼ିଶାବାସୀଙ୍କ ବିପଦ ସମୟରେ ସେମାନଙ୍କ ସହାୟତା କରିବା ପାଇଁ ଆଗେଇ ଆସିଥିବାରୁ ଆଇ.ସି.ଆଇ.ସି.ଆଇ ବ୍ୟାଙ୍କ କର୍ତ୍ତୁପକ୍ଷଙ୍କୁ ଧନ୍ୟବାଦ ଜଣାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
ଅନ୍ୟପଟେ, ରାଜ୍ୟ ସଂସ୍କୃତି ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା ମଧ୍ୟ ଓଡ଼ିଶାର ଏଭଳି ବିପର୍ଯ୍ୟୟରେ ସାଥ୍ ଦେଇଛନ୍ତି । ଆଉ ସହାୟତା ପାଇଁ ମୁଖ୍ୟମନ୍ତ୍ରୀଙ୍କ ରିଲିଫ୍ ପାଣ୍ଠିକୁ ନିଜର ୨ ମାସର ଦରମା ଯଥା ୧ ଲକ୍ଷ ୯୦ ହଜାର ଟଙ୍କା ଚେକ୍ ଆକାରରେ ପ୍ରଦାନ କରିଛନ୍ତି ।