କନକ ବ୍ୟୁରୋ: ବିଭୀଷିକା ରଚିଲା ବାତ୍ୟା ‘ଫୋନି’ ଏବେ ଟିକିଏ ଆଲୋକ ପାଇଁ ରାହା ଖୋଜୁଛି ରାଜଧାନୀ । ଦେଶର ନମ୍ବର ୱାନ୍ ସ୍ମାର୍ଟ ସିଟି ଭାବେ ପରିଚିତ ଭୁବନେଶ୍ୱରରେ ବାତ୍ୟା ପ୍ରଭାବରେ ଜନଜୀବନ ଅସ୍ତବ୍ୟସ୍ତ ହୋଇପଡ଼ିଛି । ଆଉ ଚାରିଆଡ଼ ସତେ ଯେମିତି ନିସ୍ତବ୍ଧ ନିଶାଚର ଭାବେ ହୋଇପଡ଼ିଛି ରାଜଧାନୀ । ୨ ତଳେ ଯେଉଁ ରାଜଧାନୀରେ ରଙ୍ଗବେରଙ୍ଗ ଆଲୋକମାଳାରେ ଝଲସୁଥିଲା ଆଜି ସେଇ ରାଜଧାନୀ ରାହା ଖୋଜୁଛି ।
Kanak News is now on WhatsApp
Join and get latest news updates delivered to you via WhatsApp
ପ୍ରଳୟଙ୍କାରୀ ବାତ୍ୟା ‘ଫୋନି’ ସତେ ଯେମିତି ରାଜଧାନୀ ଭୁବନେଶ୍ୱର ଛାତିରୁ ହୃତପିଣ୍ଡ କାଢ଼ି ନେଲା ଭଳି ତାହାର ସୌନ୍ଦ୍ୟର୍ଯ୍ୟତାକୁ ଛଡ଼ାଇ ନେଇଥିବା ହୃଦୟଙ୍ଗମ ହେଉଛି । ଏକରିକି ରାଜଧାନୀର ରାଜରାସ୍ତା ଆଉ ଛକ ଛକରେ ଲାଗିଥିବା ହଜାର ହଜାର ବିଦ୍ୟୁତ୍ ଖୁଣ୍ଟିକୁ ଉପାଡ଼ି ଦେଇଥିବାରୁ ବିଦ୍ୟୁତ୍ ସରବରାହ ବନ୍ଦ ରହିଛି । ଯାହାଫଳରେ ଦୁଇଦିନ ତଳେ ନୂଆ ବୋହୁ ପରି ଦିଶୁଥିବା ରାଜଧାନୀ ଭୁବନେଶ୍ୱର ଏବେ ନିଜର ଅସ୍ଥିତ୍ୱ ଖୋଜୁଛି ।
ସବୁଠାରୁ ଆକସ୍ମିକ କଥା ହେଲା ଯେ, କେବଳ ବିଦ୍ୟୁତ୍ ସରବରାହ ରାଜଧାନୀ ବାସୀଙ୍କ ଉପରେ ଦାଉ ସାଝିନି । ବରଂ ବୋଝ ଉପରେ ନଳିତା ବିଡ଼ା ଭଳି ଇଣ୍ଟରନେଟ୍ ସେବା ଠାରୁ ଆରମ୍ଭ କରି ମୋବାଇଲ ସେବା ଠପ୍ ହୋଇ ପଡ଼ିଛି । ଯାହାଫଳରେ ଯୋଗଯୋ ଠାରୁ ଆରମ୍ଭ କରି ନାହିଁ ନଥିବା ସମସ୍ୟାରେ ସମ୍ମୁଖୀନ ହେଉଛନ୍ତି ରାଜଧାନୀ ବାସୀ । ସେହିପରି ପାନୀୟ ଜଳ ନେଇ ମଧ୍ୟ ଦାଉ ସାଝୁଛି ଦଇବ ।