କନକ ବ୍ୟୁରୋ: ପଂଚାୟତ ନିର୍ବାଚନରେ ଏକ ପାଖିଆ ଜନାଦେଶ ଦେଇଛନ୍ତି ଓଡ଼ିଶାର ଗାଁ ଲୋକ । ବୋଧହୁଏ ଏପରି ଫଳାଫଳ ପୂର୍ବରୁ କେବେ ହୋଇନଥିଲା । ରାଜନୈତିକ ଦଳ, ରାଜନୈତିକ ସମୀକ୍ଷକଙ୍କୁ ମଧ୍ୟ ଆଶ୍ଚର୍ଯ୍ୟ କରିଦେଇଛି ପଂଚାୟତ ଫଳାଫଳ । ବୋଧହୁଏ ପ୍ରଥମ ଥର ପାଇଁ ୩୦ରୁ ୩୦ ଜିଲ୍ଲା ପରିଷଦ ଗଠନ କରିବାକୁ ଯାଉଛି ଶାସକ ଦଳ ।

Advertisment

କେବଳ ଓଡ଼ଶା କାହିଁକି ଭାରତରେ ମଧ୍ୟ ଏପରି ନିର୍ବାଚନ ଫଳାଫଳ ବିରଳ । ପ୍ରଥମ ଦୁଇ ଦିନରେ ୬୨୦ ଜିଲ୍ଲା ପରିଷଦ ଜୋନ୍ରେ ଗଣତି ହୋଇଥିଲା, ଏସବୁ ଜୋନ୍ରେ ଚୂଡ଼ାନ୍ତ ଫଳାଫଳ ପ୍ରକାଶ ପାଇଛି ।

କିଏ ପାଇଛି, କେତେ ଆସନ?
ଜିଲ୍ଲା ପରିଷଦ ଜୋନ୍   ବିଜେଡି       ବିଜେପି     କଂଗ୍ରେସ     ଅନ୍ୟାନ୍ୟ
୬୨୦                     ୫୫୩        ୩୧          ୩୦          ୬

୬୨୦ ଆସନରୁ ୫୫୩ ବିଜେଡି ସପକ୍ଷରେ ଯାଇଥିବା ବେଳେ ବିଜେପିକୁ ମାତ୍ର ୩୧ ସିଟ୍ ମିଳିିଛି । କଂଗ୍ରେସ ଖାତାକୁ ଯାଇଛି ୩୦ ଏବଂ ସ୍ୱାଧୀନ ଓ ଅନ୍ୟାନ୍ୟ ଦଳ ଜିତି ପାରିଛନ୍ତି ୬ଟି ଜିଲ୍ଲା ପରିଷଦ ଜୋନ୍ ।

ପ୍ରଥମ ଦିନ ଗଣତି ଯାହା ଥିଲା, ୩ ଦିନ ଧରି ସମାନ ଢଙ୍ଗରେ ବିଜୟ ଅଭିଯାନ ଜାରି ରଖିଛି ବିଜେଡି । ପାଖାପାଖି ୯୦ ପ୍ରତିଶତ ଜିଲ୍ଲା ପରିଷଦ ଜୋନ୍ ଯାଇଛି ଶାସକ ଦଳ ସପକ୍ଷରେ । ତୃତୀୟ ଦିନର ଗଣତିର ଟ୍ରେଣ୍ଡ ଯାହା ରହିଛି, ତାହା ବି ପୂର୍ବ ଦୁଇ ଦିନର ଅନୁରୂପ ରହିଛି ।

ସବୁଠୁ ବଡ଼ କଥା ହେଉଛି, କେବଳ କୋରାପୁଟକୁ ଛାଡିଦେଲେ ଜିଲ୍ଲା ପରିଷଦ ଜୋନ୍ରେ ଦୁଇ ଅଙ୍କ ଛୁଇଁବାକୁ ସମର୍ଥ ହୋଇନି ବିରୋଧୀ । ତୃତୀୟ ଦିନ ଗଣତିର ଟ୍ରେଣ୍ଡ ଏକରକମ ସ୍ପଷ୍ଟ କରୁଛି, ୩୦ ଟି ଯାକ ଜିଲ୍ଲାର ଜିଲ୍ଲା ପରିଷଦ ଅଧ୍ୟକ୍ଷ ହାତେଇବାକୁ ଯାଉଛି ବିଜେଡି ।