ବିଜେପିକୁ କଡା ଭାଷାରେ ନିନ୍ଦା କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । କହିଲେ, ମିଛ କହିବାର ସୀମା ଟପୁଛନ୍ତି ବିରୋଧୀ । ସଂପୂର୍ଣ୍ଣ ସୁସ୍ଥ ଅଛନ୍ତି, ଏବଂ ରାଜ୍ୟବ୍ୟାପୀ କରୁଛନ୍ତି ପ୍ରଚାର
କନକ ବ୍ୟୁରୋ : ସଭା ମଂଚରୁ ସାମ୍ବାଦିକ ସମ୍ମିଳନୀ ସବୁଠି ସ୍ୱାସ୍ଥ୍ୟବସ୍ଥାକୁ ନେଇ ବିଜେପି ନେତାମାନେ ବାରମ୍ବାର ପ୍ରଶ୍ନ ଉଠାଇବା ପରେ, ନିଜେ ସାମନାକୁ ଆସିଛନ୍ତି ନବୀନ । ଖବର ସରବରାହ ସଂସ୍ଥା ଏଏନଆଇକୁ ପ୍ରତିକ୍ରିୟା ଦେଇ ବିରୋଧୀଙ୍କୁ କଡା ଜବାବ୍ ଦେଇଛନ୍ତି । କହିଛନ୍ତି, ମୁଁ ସଂପୂର୍ଣ୍ଣ ସୁସ୍ଥ ଅଛି, ରାଜ୍ୟବ୍ୟାପୀ ପ୍ରଚାର କରୁଛି । ବିଜେପି ତାଙ୍କ ସ୍ୱାସ୍ଥ୍ୟକୁ ନେଇ ଅପପ୍ରଚାର କରୁଛି । ମିଛ କହିବାର ବି ଗୋଟିଏ ସୀମା ଥାଏ ।
Kanak News is now on WhatsApp
Join and get latest news updates delivered to you via WhatsApp
ମୁଖ୍ୟମନ୍ତ୍ରୀ ଜବାବ ଦେବା ପୂର୍ବରୁ ସେ ବନ୍ଧକ ଥିବା ଅଭିଯୋଗ ଆଣିି ତାଙ୍କୁ ମୁକ୍ତ କରିବା ଦାବିରେ ଭୁବନେଶ୍ୱରରେ ପ୍ରତିବାଦ କରିଛି ରାଜ୍ୟ ବିଜେପି । ମୁଖ୍ୟ ଶାସନ ସଚିବ ଓ ପୋଲିସ ଡିଜି ଏହାକୁ ଗୁରୁତର ସହ ନେଇ ମୁଖ୍ୟମନ୍ତ୍ରୀଙ୍କୁ ମୁକ୍ତ କରିବାକୁ ଦାବି କରିଛନ୍ତି ବିଜେପି ନେତା । ଗୁରୁବାର ପୁଲିସ ଡିଜିଙ୍କୁ ଚିଠି ଲେଖିଥିଲା ବିଜେପି । ମୁଖ୍ୟମନ୍ତ୍ରୀଙ୍କ ପୂର୍ବତନ ବ୍ୟକ୍ତିଗତ ସଚିବ ଓ କିଛି ଅଧିକାରୀ ତାଙ୍କୁ ବନ୍ଧନ କରି ରଖିଥିବା ଅଭିଯୋଗ କରିଛି ବିଜେପି । ରାଜ୍ୟର ସ୍ୱାର୍ଥକୁ ଦୃଷ୍ଟିରେ ରଖି, ଏଭଳି ସମ୍ବେଦଶୀଳ ଘଟଣାରେ ପଦକ୍ଷେପ ନେବାକୁ ଚିଠି ଜରିଆରେ ଅନୁରୋଧ କରିଛନ୍ତି । ତାଙ୍କ ସହ ଆଲୋଚନା ପାଇଁ ଜଣେ ପୂର୍ବତନ ବିଚାରପତିଙ୍କୁ ଛଡା ଯାଉ ବୋଲି ଅନୁରୋଧ କରିଛନ୍ତି ।
ତୃତୀୟ ପର୍ଯ୍ୟାୟ ପ୍ରଚାର ହେବା ପରେ ଚତୁର୍ଥ ପର୍ଯ୍ୟାୟ ପାଇଁ ପ୍ରଚାର ଚାଲିଛି । ମୁଖ୍ୟମନ୍ତ୍ରୀ ବିଭିନ୍ନ ସ୍ଥାନକୁ ଯାଇ ପ୍ରଚାର ବି କରୁଛନ୍ତି । କିନ୍ତୁ ସେ ସୁସ୍ଥ ନଥିବା ଅଭିଯୋଗ କରି ଆସୁଛି ବିଜେପି ।