ବାଲେଶ୍ୱର ଓ ତିର୍ତ୍ତୋଲରେ ବିଜେଡ଼ି ଆଗୁଆ: ବାଲେଶ୍ୱରରେ ସ୍ୱରୁପ ଦାସ, ତିର୍ତ୍ତୋଲରେ ବିଜୟ ଶଙ୍କର ଦାସ ଆଗରେ
ଦ୍ୱିତୀୟରେ ବିଜେପି । ପ୍ରତି ରାଉଣ୍ଡରେ ବଢୁଛି ବ୍ୟବଧାନ
କନକ ବ୍ୟୁରୋ: ଚାଲିଛି ଗଣତି ଆଉ କିଛି ଘଂଟା ପରେ ସ୍ପଷ୍ଟ ହେବ ଜନା ଜନାର୍ଦ୍ଦନଙ୍କ ରାୟ । ବାଲେଶ୍ୱର ସଦର ଏବଂ ତିର୍ତ୍ତୋଲ ବିଧାନସଭା ଆସନରେ ଏଥର କିଏ ମାରିବ ବାଜି । କାହାକୁ ନେତା ବାଛିଛନ୍ତି ଜନତା ତାର ଫଳା ଫଳା ଆଉ ମାତ୍ର କେତେ ସମୟ ପରେ ଜଣାପଡିବ । ତେବେ ଷଷ୍ଠ ଏବଂ ସପ୍ତମ ପର୍ଯ୍ୟାୟ ଗଣତିରେ ବାଲେଶ୍ୱରରେ ବିଜେଡିର ଗତି ଧୀମା ପଡିଥିବା ବେଳେ ଅଷ୍ଟମ ଏବଂ ନବମରେ କିନ୍ତୁ ପୂର୍ବ ଟ୍ରେଣ୍ଡକୁ ଫେରିଛି ବିଜେଡି । ଉଭୟ ବାଲେଶ୍ୱର ସଦର ଏବଂ ତିର୍ତ୍ତୋଲ ବିଧାନସଭା ଆସନରେ ଆଗରେ ରହିଛି ବିଜେଡି ।
Kanak News is now on WhatsApp
Join and get latest news updates delivered to you via WhatsApp
ନବମ ରାଉଣ୍ଡ ଶେଷ ସୁଦ୍ଧା ତିର୍ତ୍ତୋଲରେ ବିଜେଡି ପ୍ରାର୍ଥୀ ବିଜୟ ଶଙ୍କର ଦାସଙ୍କୁ ୩୨୭୮ ଭୋଟ୍ ମିଳିଥିବା ବେଳେ ବିଜେପି ପ୍ରାର୍ଥୀ ରାଜକିଶୋର ବେହେରାଙ୍କୁ ମିଳିଛି ୧୭୩୮ ଖଣ୍ଡ ଭୋଟ୍ । ସେହିଭଳି କଂଗ୍ରେସ ପ୍ରାର୍ଥୀ ହିମାଂଶୁ ଭୂଷଣ ମଲ୍ଲିକଙ୍କୁ ମିଳିଛି ମାତ୍ର ୧୨୮୮ ଖଣ୍ଡ ଭୋଟ୍ । ଅନ୍ୟପକ୍ଷରେ ନବମ ରାଉଣ୍ଡ ସୁଦ୍ଧା ବିଜେପିଠାରୁ୧୪ ହଜାର ୫୬୧ ଖଣ୍ଡ ଭୋଟ୍ ଅନ୍ତରରେ ଆଗୁଆ ରହିଛି ବିଜୁ ଜନତା ଦଳ ।
ସେହିଭଳି ବାଲେଶ୍ୱର ସଦର ଆସନରେ ବି ସମାନ ଅବସ୍ଥା । ମାତ୍ର ୨ଟି ରାଉଣ୍ଡରେ ବିଜେଡିର ଭୋଟ୍ ସଂଖ୍ୟା କମ୍ ରହିଥିବା ବେଳେ ଏବେ ସୁଦ୍ଧା ମୋଟ୍ ୭ଟି ପର୍ଯ୍ୟାୟ ଗଣତିରେ ବିଜେଡି ମାରିଛି ବାଜି । ବାଲେଶ୍ୱରରେ ନବମ ରାଉଣ୍ଡ ଗଣତି ଶେଷ ସୁଦ୍ଧା ବିଜେଡି ପାଇଛି ୪୨୨୩ଟି ଭୋଟ୍, ବିଜେପିକୁ ୩୪୩୫ଟିି ଭୋଟ୍ ଏବଂ କଂଗ୍ରେସକୁ ମିଳିଛି ମାତ୍ର ୮୦ଖଣ୍ଡ ଭୋଟ୍ । ତେବେ ଏହି ରାଉଣ୍ଡ ଶେଷ ସୁଦ୍ଧା ୪ ହଜାର ୫୫୮ ଖଣ୍ଡ ଭୋଟ୍ ବ୍ୟବଧାନରେ ବିଜେପିଠାରୁ ଆଗରେ ରହିଛି ବିଜୁ ଜନତା ଦଳ ।