ଫିକା ପଡ଼ିପାରେ ଟି-୨୦ ବିଶ୍ୱକପ୍ ! ୯ ବର୍ଷପରେ ପ୍ରଥମ ଥର ପାଇଁ ଗ୍ରୁପ୍ ପର୍ଯ୍ୟାୟରେ ମୁହାଁମୁହିଁ ହେବେନି ଭାରତ-ପାକିସ୍ତାନ ।
କନକ ବ୍ୟୁରୋ: ଆସିଲା ଟି-୨୦ କ୍ରିକେଟ୍ ବିଶ୍ୱକପ୍ କାର୍ଯ୍ୟସୂଚୀ ତାଲିକା । ଆଉ ସାମ୍ନାକୁ ଆସିଲା ଏକ ରୋଚକ ତଥ୍ୟ, ୨୦୧୧ ପରଠାରୁ ପ୍ରଥମଥର ପାଇଁ ଗ୍ରୁପ୍ ପର୍ଯ୍ୟାୟରେ ସାମ୍ନାସାମ୍ନି ହେବେ ନାହିଁ ଭାରତ-ପାକିସ୍ତାନ । କିକ୍ରେଟ୍ ବିଶ୍ୱକପ୍ ଫିଭର କ୍ରୀଡାପ୍ରେମୀଙ୍କ ମୁଣ୍ଡରୁ ନ ଓହ୍ଲାଇଥିବାବେଳେ ଆସନ୍ତା ଟି-୨୦ କ୍ରିକେଟ୍ ବିଶ୍ୱକପ୍ ପାଇଁ ପ୍ରସ୍ତୁତି ଆରମ୍ଭ କରିଦେଇଛି ଆଇସିସି । ଆଉ ୨୦୧୧ ପରଠାରୁ ପ୍ରଥମ ଥର ପାଇଁ ବିଶ୍ୱ କ୍ରିକେଟ୍ ଇତିହାସର ପାରମ୍ପାରିକ ପ୍ରତିଦ୍ୱନ୍ଦୀ ଭାରତ ଏବଂ ପାକିସ୍ତାନ ପ୍ରଥମ ଗ୍ରୁପ୍ ପର୍ଯ୍ୟାୟରେ ସାମ୍ନାସାମ୍ନି ହେବେ ନାହିଁ ।
Kanak News is now on WhatsApp
Join and get latest news updates delivered to you via WhatsApp
It’s now over to the men’s! Here are the groups for the first round and Super 12 of the @ICC Men’s #T20WorldCup 2020! pic.twitter.com/JBhCkXkUmx
— ICC T20 World Cup (@T20WorldCup) January 28, 2019
ଆଇସିସି ଦ୍ୱାରା ଜାରି ହୋଇଥିବା କାର୍ଯ୍ୟସୂଚୀ ମୁତାବକ୍ (ପୁଲ୍-ଏ)ରେ ପାକିସ୍ତାନ, ଅଷ୍ଟ୍ରେଲିଆ, ନ୍ୟୁଜିଲାଣ୍ଡ ଏବଂ ୱେଷ୍ଟଇଣ୍ଡିଜ୍ ଥିବାବେଳେ (ପୁଲ୍-ବି)ରେ ରହିଛି ଭାରତ, ଇଂଲଣ୍ଡ, ଦକ୍ଷିଣ ଆଫ୍ରିକା ଏବଂ ଆଫଗାନିସ୍ତାନ । ତେଣୁ ଆସନ୍ତା ୨୦୨୦ ଅକ୍ଟୋବର ୧୮ରୁ ନଭେମ୍ବର ୧୫ ପର୍ଯ୍ୟନ୍ତ ହେବାକୁଥିବା ଏହି ଟି-୨୦ ବିଶ୍ୱକପରେ ଉଭୟ ଏସିୟ ଦଳ ଭାରତ-ପାକିସ୍ତାନକୁ ୨୦୧୧ ପରଠାରୁ ପ୍ରଥମ ଥର ପାଇଁ ଗ୍ରୁପ୍ ପର୍ଯ୍ୟାୟ ମୁକାବିଲାରେ ସମ୍ମୁଖୀନ ହେବେ ନାହିଁ ।
ଅନ୍ୟପଟେ ଏହି ବିଶ୍ୱକପ୍ରେ ମୋଟ୍ ୧୬ଟି ଟିମ୍ ଅଂଶଗ୍ରହଣ କରିଥିବେଳେ ୨ଟି ପୁଲ୍ ରେ ଥବା ୮ଟି ଟିମ୍ ସିଧାସଳଖ କ୍ୱାଲିଫିକେସନ ପାଇ ସାରିଛନ୍ତି । ବାକି ୮ଟି ଟିମକୁ ଆଇସିସିର ର୍ୟାଙ୍କିଙ୍ଗ୍ ନେଇ ୨ଟି ରାଉଣ୍ଡରେ ମ୍ୟାଚ୍ ଖେଳିବାକୁ ପଡ଼ିବ ।