ଟି-୨୦ ବିଶ୍ୱକପ୍ ସେମି ଫାଇନାଲରେ ହାରିଲା ପାକିସ୍ତାନ । ଆଫଗାନିସ୍ତାନରେ ବାଣ ଫୁଟାଇବା ସହ ନାଚ ଗୀତ କରି ସେଲିବ୍ରେସନ୍
କନକ ବ୍ୟୁରୋ : ପାକିସ୍ତାନ ହାରିଲା, ଆଫଗାନିସ୍ତାନ ନାଚିଲା । ଟି-୨୦ ବିଶ୍ୱକପ୍ ସେମିଫାଇନାଲରେ ପାକିସ୍ତାନ ପରାସ୍ତ ହେବା ପରେ ଆଫଗାନିସ୍ତାନରେ ସେଲିବ୍ରେସନ୍ । ବାଣ ଫୁଟାଇବା ସହ ନାଚ ଗୀତ କରି ସେଲିବ୍ରେସନ୍ କରିଛନ୍ତି । ଜଲାଲାବାଦରୁ ଏପରି ଦୃଶ୍ୟ ଆସିଛି । କିପରି ଲୋକେ ବାଣ ଫୁଟାଇବା ସହ ନାଚ ଗୀତ କରୁଛନ୍ତି ତାହାର ଭିଡିଓ ସାମ୍ନାକୁ ଆସିଛି । ଆଫଗାନିସ୍ତାନ ଲୋକେ କହିଛନ୍ତି ସେମାନେ ପାକିସ୍ତାନର ପରାଜୟକୁ ଅପେକ୍ଷା କରି ରହିଥିଲେ । ଗତକାଲି ଅଷ୍ଟ୍ରେଲିଆ ବିପକ୍ଷରେ ପାକିସ୍ତାନର ଦ୍ୱିତୀୟ ସେମିଫାଇନାଲ ମୁକାବିଲା ହୋଇଥିଲା । ଏଥିରେ ପରାସ୍ତ ହୋଇଥିଲା ପାକିସ୍ତାନ ।
Kanak News is now on WhatsApp
Join and get latest news updates delivered to you via WhatsApp
ବିଶେଷ କରି ବ୍ୟାଟ୍ସମ୍ୟାନ୍ଙ୍କ ଦୁଃସ୍ବପ୍ନ ପାଲଟିଥିବା ପାକିସ୍ତାନୀ ଦ୍ରୁତ ବୋଲର ସାହିନ ସାହ ଆଫ୍ରିଦିଙ୍କୁ ହ୍ୟାଟ୍ରିକ୍ ଛକା ମାରି ୱେଦ୍ ୬ ବଲ୍ ପୂର୍ବରୁ ଅଷ୍ଟ୍ରେଲିଆକୁ ଫାଇନାଲ୍ ଟିକେଟ ଉପହାର ଦେବା ଗୁରୁବାର ସେମିଫାଇନାଲର ପ୍ରମୁଖ ଆକର୍ଷଣ ଥିଲା । ୨୦୧୦ ପରେ ଅଷ୍ଟ୍ରେଲିଆର ଏହା ଦ୍ବିତୀୟ ଥର ଫାଇନାଲ୍ ପ୍ରବେଶ। ରବିବାର ଖେଳାଯିବାକୁ ଥିବା ଫାଇନାଲ୍ରେ ଅଷ୍ଟ୍ରେଲିଆ ପଡ଼ୋଶୀ ନ୍ୟୁଜିଲାଣ୍ଡକୁ ଭେଟିବ । ପାକିସ୍ତାନ ବିଦା ହେବା ପରେ କିନ୍ତୁ ଚଳିତ ବିଶ୍ବକପ୍ରେ ଏସୀୟ ଦାବିଦାରି ସମାପ୍ତ ହୋଇଯାଇଛି। ୱେଦ୍ ଆଶାଜନକ ଭାବେ ମ୍ୟାଚ୍ର ଶ୍ରେଷ୍ଠ ଖେଳାଳି ପୁରସ୍କାର ପାଇଥିଲେ ।