ପାକିସ୍ତାନର ନୂଆ ସରକାରଠାରୁ କ’ଣ ଆଶା କରୁଛି ତାଲିବାନ ?

ଆଫଗାନିସ୍ତାନ ପାକ୍ ସମ୍ପର୍କ: ପାକିସ୍ତାନର ନୂତନ ସରକାର ଗଠନ ହେବା ମାତ୍ରେ ତାଲିବାନ ପଡୋଶୀ ଦେଶ ସହ ସମ୍ପର୍କ ସୁଦୃଢ କରିବାକୁ ପଦକ୍ଷେପ ନେଇଛି । ଆଫଗାନିସ୍ତାନ ଶରଣାର୍ଥୀଙ୍କୁ ଜୋର ଜବରଦସ୍ତ ଦେଶକୁ ଫେରେଇଦେବା  ପରେ ପାକିସ୍ତାନ ଏବଂ ଆଫଗାନିସ୍ତାନ ମଧ୍ୟରେ ସମ୍ପର୍କ ଆହୁରି ଖରାପ ହୋଇଯାଇଥିଲା ।

ପାକିସ୍ତାନରେ ନୂତନ ସରକାର ଗଠନ ପରେ ଆଫଗାନିସ୍ତାନ ପଡୋଶୀ ଦେଶ ସହ ସମ୍ପର୍କକୁ ସୁଦୃଢ କରିବା ପାଇଁ ପଦକ୍ଷେପ ନେଇଛି । ଖବର ଅନୁଯାୟୀ ତାଲିବାନ କହିଛି ଯେ ପାକିସ୍ତାନ ସହ ସମ୍ପର୍କକୁ ସୁଦୃଢ କରିବା ଉଭୟ ଦେଶ ପାଇଁ ଗୁରୁତ୍ୱପୂର୍ଣ୍ଣ ଅଟେ । ଆଫଗାନିସ୍ତାନ ସରକାରୀ ମୁଖପାତ୍ର ଜାବୁଲ୍ଲା ମୁଜାହିଦ୍ ପାକିସ୍ତାନର ନୂତନ ସରକାରଙ୍କୁ ଆଫଗାନିସ୍ତାନ ଶରଣାର୍ଥୀଙ୍କୁ ଦେଶାନ୍ତର କରିବା ପାଇଁ କ୍ଷମା ପ୍ରାର୍ଥନା କରିବାକୁ ନିବେଦନ କରିଛନ୍ତି । ଜାବୁଲ୍ଲା ମୁଜାହିଦ୍ ତାଙ୍କ ବିବୃତ୍ତିରେ କହିଛନ୍ତି ଯେ ଇସଲାମିକ୍ ଏମିରେଟ୍ରେ ତାଲିବାନ ସରକାର ଗଠନ ହେବା ଦିନଠାରୁ ସେ ପାକିସ୍ତାନ ସମେତ ସମସ୍ତ ପଡ଼ୋଶୀ ଦେଶ ସହ ଭଲ ସମ୍ପର୍କ ସ୍ଥାପନ କରିବାକୁ ଚେଷ୍ଟା କରିଛନ୍ତି ।ସେ ଆହୁରି କହିଛନ୍ତି, “ଆଫଗାନିସ୍ତାନର  ମଧ୍ୟ ପାକିସ୍ତାନ ସହିତ ଭଲ ସମ୍ପର୍କର ଆବଶ୍ୟକତା ରହିଛି ।  ଆମେ ଚାହୁଁଛୁ ପାକିସ୍ତାନ ଆଫଗାନିସ୍ତାନ ସହିତ ବିଭିନ୍ନ କ୍ଷେତ୍ରରେ ଭଲ ଅଗ୍ରଗତି କରିବାକୁ ଏବଂ ଆମ ସହିତ ଜଡିତ ସମସ୍ତ ସମସ୍ୟାର ସମାଧାନ ପାଇଁ ନୂତନ ସରକାର ପଦକ୍ଷେପ ନେବା ଉଚିତ୍।”

ପାକ- ଆଫିଗନିସ୍ତାନ ସମ୍ପର୍କରେ ଫାଟ କାହିଁକି ସୃଷ୍ଟି ହେଲା ?

ତାଲିବାନ ସରକାର ଗଠନ ପରେ ଦୁଇ ମୁସଲମାନ ଦେଶ ମଧ୍ୟରେ ସମ୍ପର୍କ ଭଲ ରହିବ ବୋଲି ଆଶା କରାଯାଉଥିଲା। କିନ୍ତୁ ଏହା ହୋଇ ନଥିଲା ।  ଗତ ବର୍ଷ ଅନୱାର-ଉଲ-ହକ କାକରଙ୍କ ନେତୃତ୍ୱରେ କାର୍ଯ୍ୟନିର୍ବାହୀ ସରକାର ପାକିସ୍ତାନରେ ବେଆଇନ ଭାବେ ବାସ କରୁଥିବା ୧.୧ ମିଲିୟନ ଆଫଗାନିସ୍ତାନୀଙ୍କୁ ବହିଷ୍କାର ଘୋଷଣା କରିଥିଲେ, ଯାହା ପରେ ତାଲିବାନ ଏବଂ ପାକିସ୍ତାନ ସରକାରଙ୍କ ମଧ୍ୟରେ ତିକ୍ତତା ସୃଷ୍ଟି ହୋଇଥିଲା । ଏହା ବ୍ୟତୀତ ପାକିସ୍ତାନ,  ତାଲିବାନ ସହ ଜଡିତ ସଂଗଠନଗୁଡିକ ସେଠାରେ ଘଟିଥିବା ଅନେକ ବିସ୍ଫୋରଣ ପାଇଁ ଦାୟୀ କରିଛନ୍ତି ।

ଆଫଗାନିସ୍ତାନର କାର୍ଯ୍ୟକାରୀ ପ୍ରଧାନମନ୍ତ୍ରୀ ମୁଲ୍ଲା ମହମ୍ମଦ ହାସନ ଅଖଣ୍ଡ ମଧ୍ୟ ଶରଣାର୍ଥୀମାନଙ୍କ ପ୍ରତି ପାକିସ୍ତାନ କର୍ତ୍ତୃପକ୍ଷଙ୍କ ନିଷ୍ଠୁର ମନୋଭାବକୁ ଶେଷ କରିବାକୁ ନିବେଦନ କରିଛନ୍ତି । ଶରଣାର୍ଥୀଙ୍କୁ ପଠାଇବା ପରେ ସେ କହିଛନ୍ତି, “ଏଭଳି କାର୍ଯ୍ୟ ସମସ୍ୟାର ସମାଧାନ ଖୋଜିବା ପରିବର୍ତ୍ତେ ଅଧିକ ସମସ୍ୟା ସୃଷ୍ଟି କରିଛି ।ତାଲିବାନ ପଡୋଶୀ ଦେଶ ସହ ସମ୍ପର୍କ ସୁଦୃଢ କରିବାକୁ ଚେଷ୍ଟା କରୁଛି ଇମ୍ରାନ ଖାନଙ୍କୁ କ୍ଷମତାରୁ ହଟାଇବା ପରେ ପାକିସ୍ତାନର କାର୍ଯ୍ୟନିର୍ବାହୀ ସରକାର ସହିତ ଆଫଗାନିସ୍ତାନର ସମ୍ପର୍କ କ୍ରମାଗତ ଭାବେ ଖରାପ ହୋଇଯାଇଛି । ବର୍ତ୍ତମାନ ତାଲିବାନ ପାକିସ୍ତାନର ନୂତନ ସରକାର ସହ ସମ୍ପର୍କକୁ ସୁଦୃଢ କରିବାକୁ ଚେଷ୍ଟା କରୁଛି । ନିକଟରେ ଆଫଗାନିସ୍ତାନର ବୈଦେଶିକ  ମନ୍ତ୍ରୀ ଆମୀର ଖାନ କାବୁଲରେ ଭାରତୀୟ ଅଧିକାରୀଙ୍କ ସହ ଆଲୋଚନା କରି କୂଟନୈତିକ ସମ୍ପର୍କ ଉପରେ ଆଲୋଚନା କରିଥିଲେ । ତାଲିବାନ ସରକାର ସହ ଚୀନ୍ ନିଜର ସମ୍ପର୍କ ସ୍ଥାପନ କରିସାରିଛି ।