କନକ ବ୍ୟୁରୋ: ଆଫଗାନିସ୍ତାନରେ ନୂଆ ସରକାର ଗଠନ ପରେ ଏବେ ସେଠାରେ ତାଲିବାନ ସରକାରର ଉପ-ପ୍ରଧାନମନ୍ତ୍ରୀ ଅଛନ୍ତି ମୁଲ୍ଲା ବରାଦର । ହେଲେ ସୋସିଆଲ୍ ମିଡିଆରେ ଏବେ ତାଙ୍କର ମୃତ୍ୟୁ ହୋଇଥିବା ନେଇ ଖବର ପ୍ରକାଶ ପାଇଛି । ପଞ୍ଜଶିର ଏନଆରଏଫ୍ ନାମକ ଟ୍ୱିଟର ଆକାଉଣ୍ଟରୁ ଦାବି କରାଯାଇଛି ଯେ, କ୍ଷମତା ପାଇଁ ସଂଘର୍ଷ ଭିତରେ ମୁଲ୍ଲା ବରାଦର ମୃତ୍ୟୁ ବରଣ କରିଛନ୍ତି । ହେଲେ ଏହି ଖବରକୁ ମିଥ୍ୟା ବୋଲି କହିବା ସହିତ ଏହାର ସଫେଇ ରଖିଛି ତାଲିବାନ ।
Kanak News is now on WhatsApp
Join and get latest news updates delivered to you via WhatsApp
ତାଲିବାନୀ ମୁଖପାତ୍ର ସୁହେଲ ଶାହିନଙ୍କ ସୂଚନା ମୁତାବକ, ସୋମବାର ମୁଲ୍ଲା ବରଦାରଙ୍କ ମୃତ୍ୟୁ ନେଇ ଯେଉଁ ଖବର ପ୍ରକାଶ ପାଉଛି ତାହା ଭୁଲ ଅଟେ । ଏହି ଖବରରେ କୌଣସି ସତ୍ୟତା ନାହିଁ । ଏହାକୁ ଖବରକୁ ସେ ପୂରାପୂରି ଭାବେ ଖାରଜ କରିଛନ୍ତି ।
We have received credible reports of Mullah Ghani Baradar death and Anna’s Haqqani’s injury during the clash over the power sharing in Presidential palace. Both of them has no presence in the media since last few days and it says Faiz was also there when the incident occurred.
— Panjshir _ NRF (@NRFReporting) September 12, 2021
ଆଫଗାନିସ୍ତାନ ଉପରେ କବଜା କରିବା ପରେ ଏବେ ସେଠାରେ ନୂଆ ତାଲିବାନୀ ସରକାର ରାଜ କରୁଛି । ଯାହାର ପ୍ରଧାନମନ୍ତ୍ରୀ ଅଛନ୍ତି ମୁଲ୍ଲା ହସନ ଅଖୁନ୍ଦ । ତେବେ ଯେଉଁ ସମୟରେ ସରକାର ଗଠନ ହେବା ନେଇ ଚର୍ଚ୍ଚା ହେଉଥିଲା ସେତେବେଳେ ପ୍ରଧାନମନ୍ତ୍ରୀ ରେସରେ ଆଗରେ ରହିଥିଲେ ମୁଲ୍ଲା ବରାଦର । ହେଲେ ତାଙ୍କୁ ଉପ-ପ୍ରଧାନମନ୍ତ୍ରୀ ବନେଇ ମୁଲ୍ଲା ହସନ ଅଖୁନ୍ଦଙ୍କୁ ପ୍ରଧାନମନ୍ତ୍ରୀ କରାଯାଇଛି । ଯାହାକୁ ନେଇ ସେ ଏବେ ଖୁସି ନଥିବା ଖବର ପ୍ରକାଶ ପାଉଛି ବୋଲି ଦାବି କରାଯାଉଛି ।
ଏହି ଘଟଣା କାରଣରୁ ପଞ୍ଜଶିର ଏନଆରଏଫ୍ ନାମକ ଏକ ଟ୍ୱିଟରରୁ ଖବର ପ୍ରକାଶ ପାଇଥିଲା ଯେ, କ୍ଷମତା ପାଇଁ ସଂଘର୍ଷ ଭିତରେ ମୁଲ୍ଲା ବରାଦର ମୃତ୍ୟୁ ବରଣ କରିଛନ୍ତି । ଏଥିରେ ହକ୍କାନୀ ଗୋଷ୍ଠୀର କିଛି ବ୍ୟକ୍ତି ମଧ୍ୟ ଆହତ ହୋଇଛନ୍ତି । ହେଲେ ଏହି ସମ୍ପୂର୍ଣ୍ଣ ଘଟଣାକୁ କାଳ୍ପନିକ କହିବା ସହିତ ଏହାକୁ ଗୁଜବ ବୋଲି ସଫେଇ ରଖିଛି ତାଲିବାନ । ତାଲିବାନ ମୁଖପାତ୍ର ସୁହେଲ ଶାହିନଙ୍କ କହିବା ମୁତାବକ, ମୁଲ୍ଲା ବରାଦର ଗତ କିଛି ଦିନ ହେଲା ମିଡିଆ ସାମ୍ନାକୁ ଆସିନାହାଁନ୍ତି । ଏହାର କାରଣ ହେଉଛି ସେ ବିଦେଶ ମନ୍ତ୍ରୀଙ୍କ ସହିତ କାବୁଲ ଯାତ୍ରା କରିଥିଲେ । ଏହି ସମୟରେ ସେ ଶୀର୍ଷ ନେତୃତ୍ୱ ସହିତ ଗୁରୁତ୍ୱପୂର୍ଣ୍ଣ ଆଲୋଚନା କରିଛନ୍ତି ।