କନକ ବ୍ୟୁରୋ : ଆଫଗାନିସ୍ତାନରେ ଲୋକମାନେ ଜୀବନ ଓ ମୃତ୍ୟୁ ସହିତ ଲଢୁଛନ୍ତି । ଅକାଳରେ କରୋନା ମହାମାରୀ ସହିତ ତାଲିବାନୀ ରାଜ ସେଠାକାର ଲୋକଙ୍କ ଜୀବନକୁ ନର୍କ କରିଦେଇଛି । ଏବେ ଆଫଗାନିସ୍ତାନରେ ସବୁଠୁ ଅଧିକ ଲୋକଙ୍କର ଚିନ୍ତା କେମିତି ବଞ୍ଚିବା । ଅନ୍ୟପଟେ ଆଫଗାନରେ ତାଲିବାନ ସରକାର ଗଠନ କରିବା ପରେ ସରକାରଙ୍କୁ ଅର୍ଥ ସଂକଟ ଘାରିଛି । ଏହି କାରଣରୁ ତାଲିବାନ ସରକାର ଆଫଗାନ ଲୋକଙ୍କୁ ଶ୍ରମ ବଦଳରେ କେବଳ ଗହମ ଦେବାରେ ସକ୍ଷମ ହେଉଛି ।
Kanak News is now on WhatsApp
Join and get latest news updates delivered to you via WhatsApp
କାବୁଲରେ ଶ୍ରମିକ ଭାବେ କାମ କରୁଥିବା ଲୋକମାନେ ଏବେ କେବଳ ଶ୍ରମ ବଦଳରେ କିଛି ଖାଦ୍ୟ ପଦାର୍ଥ ନେଇ ପରିବାର ଚଳାଇବାକୁ ବାଧ୍ୟ ହେଉଛନ୍ତି । ଏନେଇ ସେଠିକାର ଶ୍ରମିକମାନେ କହିଛନ୍ତି କି କିଛି ନହେଲେ ବି ଜୀବନଟା ତ ବଞ୍ଚିଯିବ ।
କିଛିଦିନ ତଳେ ୟୁଏନରେ ଏକ ରିପୋର୍ଟ ପ୍ରକାଶ ପାଇଥିଲା । ଯେଉଁଥିରେ କୁହାଯାଇଥିଲା କି ଆଫଗାନରେ ମାତ୍ର ୫ ପ୍ରତିଶତ ପରିବାର ପାଖରେ ଖାଇବା ପାଇଁ ପର୍ଯ୍ୟାପ୍ତ ପରିମାଣର ଖାଦ୍ୟ ସାମଗ୍ରୀ ରହିଛି । ବାକି ୯୫ ପ୍ରତିଶତ ଲୋକ କେବଳ ଖାଦ୍ୟ ଅନ୍ୱେଷଣରେ ରହିଛନ୍ତି । ଶିକ୍ଷା, ଚାକିରୀ, ସ୍ୱାସ୍ଥ୍ୟକୁ ଏବେ ଆଫଗାନବାସୀ ଭୁଲି ଯାଇଛନ୍ତି ।
ଅବ୍ଦୁଲ ନାମକ ଜଣେ ବ୍ୟକ୍ତି ଅନ୍ତର୍ଜାତୀୟ ଗଣମାଧ୍ୟମକୁ କହିଛନ୍ତି କି ଆଫଗାନିସ୍ତାନରେ ଜୀବନକୁ ନେଇ କିଛି ବିଶେଷ ଆଶା କରାଯାଇପାରିବ ନାହିଁ । ତାଲିବାନ ସରକାର ପୁଣିଥରେ ଆର୍ଥିକ ଓ ଭୋକ ଉପରେ କବଜା କରିପାରିବ ସେନେଇ ଆଶା ନଥିବା କଥା ଅବ୍ଦୁଲ୍ଲ ଗଣମାଧ୍ୟମ ଆଗରେ କହିଛନ୍ତି । ସେ କହିଛନ୍ତି କି ମୋ ଭଳି ହଜାର ହଜାର ଲୋକ ଏବେ କେବଳ ମୁଠେ ଖାଦ୍ୟ ଯୋଗାଡ କରିବାକୁ ଅକ୍ଳାନ୍ତ ପରିଶ୍ରମ କରିବାରେ ଲାଗିଛନ୍ତି ।
କହିରଖୁ କି ତାଲିବାନ ସରକାରରେ ଆଫଗାନିସ୍ତାନର ଏଭଳି ସ୍ଥିତି ଦେଖି ପାକିସ୍ତାନ ସମେତ କିଛି ପଡୋଶୀ ରାଷ୍ଟ୍ର ୧ ହଜାର ଟନ୍ ଗହମ ଦାନ କରିଛନ୍ତି । ହେଲେ ଶ୍ରମ ବଦଳରେ ତାଲିବାନ ସରକାର ଗହମ ଦେବା ଦେଶର ଆର୍ଥିକ ସ୍ଥିତିକୁ ଉଜାଗର କରିବାରେ ଲାଗିଛି ।