ନର୍ଦନ ଏଲାୟନ୍ସର ଦାବି । ପଞ୍ଜଶୀର ଦଖଲ କରିବାକୁ ଆସିଥିବା ୩୫୦ ତାଲିବାନ ଆତଙ୍କବାଦୀ ମୃତ, ୪୦ ଜଣଙ୍କୁ ବନ୍ଧକ ରଖାଯାଇଛି
କନକ ବ୍ୟୁରୋ : ଆଫଗାନିସ୍ତାନରୁ ଆମେରିକା ସମ୍ପୂର୍ଣ୍ଣ ସେନା ପ୍ରତ୍ୟାହାର କରିବା ପରେ ବି ତାଲିବାନୀ ଆତଙ୍କବାଦୀମାନେ ପଞ୍ଜଶୀର ଦଖଲ କରିବାରେ ସମର୍ଥ ହୋଇପାରି ନାହାନ୍ତି । ଏହି କ୍ଷେତ୍ରକୁ ଦଖଲ କରିବାକୁ ତାଲିବାନ ତରଫରୁ ଶହ ଶହ ଯୋଦ୍ଧାଙ୍କୁ ସେଠାକୁ ପଠାଯାଉଛି, ମାତ୍ର ଆତଙ୍କବାଦୀମାନେ ସେଠାରେ ମହଜୁତ ଥିବା ନର୍ଦନ ଏଲାୟନ୍ସକୁ ଟକ୍କର ଦେବାରେ ସକ୍ଷମ ହେଉ ନଥିବା ଜଣାପଡିଛି । ଏହାରି ମଧ୍ୟରେ ନର୍ଦନ ଏଲାୟନ୍ସ ତରଫରୁ ଏକ ଟ୍ୱିଟ ଯୋଗେ ଦାବି କରାଯାଇଛି କି, ପଞ୍ଜଶୀର ଦଖଲ କରିବାକୁ ଆସିଥିବା ତାଲିବାନୀ ଯୋଦ୍ଧାଙ୍କ ମଧ୍ୟରୁ ପାଖା ପାଖି ୩୫୦ ଜଣଙ୍କୁ ଏନଆରଏଫ ତରଫରୁ ହତ୍ୟା କରାଯାଇଛି । କେବଳ ସେତିକି ନୁହେଁ ୪୦ ଜଣ ତାଲିବାନୀ ଯୋଦ୍ଧାଙ୍କୁ ଏନଆରଏଫ ବନ୍ଧକ ରଖିଥିବା କଥା ବି ଟ୍ୱିଟର ମାଧ୍ୟମରେ ଦାବି କରାଯାଇଛି । ଏହି କ୍ରମରେ ଏନଆରଏଫ ତରଫରୁ ଅନେକ ଆମେରିକୀୟ ବାହନ ଓ ଅସ୍ତ୍ରଶସ୍ତ୍ର ଜବତ କରିଥିବା କଥା ବି କୁହାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ସୋମବାର ରାତିରେ ବି ନ୍ୟାସନାଲ ରେଜିମେଣ୍ଟଓ ଫୋର୍ସ (ଏନଆରଏଫ) ତରଫରୁ ତାଲିବାନୀ ଆତଙ୍କବାଦୀଙ୍କୁ ହତ୍ୟା କରାଯାଇଥିବା କଥା ଏନଆରଏଫ ଦାବି କରିଥିବା ବେଳେ ଯୁଦ୍ଧ ବେଳେ ନିଜ ସେନାର ୨ ଜଣ ଯବାନ ଗୁରୁତର ହୋଇଥିବା କଥା କୁହାଯାଇଛି । ଏହାସହ ଅହମ୍ମଦ ମସୁଦଙ୍କ ନେତୃତ୍ୱରେ ପଞ୍ଜଶୀର ଦଖଲ କରିବାକୁ ଯାଇଥିବା ତାଲିବାନୀ ଆତଙ୍କୀଙ୍କ ମଧ୍ୟରୁ ୧୦୦ ଜଣଙ୍କୁ ହତ୍ୟା କରାଯାଇଥିବା ଦାବି କରାଯାଇଛି ।
So far from battle of Khavak last night, taliban has 350 casualties, more than 40 captured & prisoned. NRF got many new American vehicles, weapons & ammunitions as a trophy. Commanded Defense of Khavak,Commander Munib Amiri 👏🏼#AhmadMassoud #Taliban #Panjshir #secondresistance pic.twitter.com/nSlFN47xL2
— Northern Alliance 🇭🇺 (@NA2NRF) September 1, 2021
ସେପଟେ ତାଲିବାନ ପକ୍ଷରୁ ପଞ୍ଜଶୀର ଦଖଲ ନେଇ ଚାଲିଥିବା ଯୁଦ୍ଧ ବିରତି ଆଲୋଚନା ବାରମ୍ବାର ହୋଇଥିଲେ ବି ଏଥିରୁ କିଛି ନିଷ୍କର୍ସ ବାହାରି ନଥିବା ଜଣାପଡିଛି ।