ଟାର୍ଗେଟରେ ଆଫଗାନସ୍ତାନ ମହିଳା ଜଜ୍ : ନାଁ ବଦଳାଇ କରିଛନ୍ତି ଆତ୍ମଗୋପନ
କନକ ବ୍ୟୁରୋ: ମହିଳାଙ୍କୁ ସବୁ କ୍ଷେତ୍ରରେ ସ୍ୱାଧୀନତା ଦେବାକୁ କହୁଥିବା ତାଲିବାନର ସରିୟା ସରକାର କେତେ ସତ କହୁଛି ତାହା ପୂର୍ବରୁ ଅନେକ ଥର ପ୍ରମାଣିତ ହୋଇସାରିଥିବାବେଳେ ଏବେ ଆଉ ଥରେ ଏହାର ଆଉ ଏକ ନଜିର ଦେଖିବାକୁ ମିଳିଛି । ତାଲିବାନକୁ ସମର୍ଥନ କରୁଥିବା ତଥା ତାଲିବାନଙ୍କ ଦ୍ୱାରା ଜେଲରୁ ବାହାରିଥିବା ଅଭିଯୁକ୍ତଙ୍କ ଡରରେ ୨୨୦ ଆଫଗାନ ମହିଳା ଏବେ ଛଦ୍ମ ନାଁରେ ବିଭିନ୍ନ ସ୍ଥାନରେ ବୁଲିଛନ୍ତି । ଏମାନେ ଜେଲରୁ ବାହାରିଥିବା କଏଦୀଙ୍କ ଡରରେ ନିଜ ଘରୁ ବାହାରି ବିଭିନ୍ନ ସ୍ଥାନରେ ରହୁଥିବା ବିବିସି ପ୍ରକାଶ କରିଛି ।
Kanak News is now on WhatsApp
Join and get latest news updates delivered to you via WhatsApp
ତାଲିବାନ୍ ପୂର୍ବ ସରକାରରେ ଆଫଗାନିସ୍ତାନରେ ଅନେକ ମହିଳା ଜଜ୍ ଥିଲେ ।ଏମାନଙ୍କ ମଧ୍ୟରୁ ଅନେକଙ୍କ ନାଁ ଚର୍ଚ୍ଚାରେ ମଧ୍ୟ ରହିଆସିଛି । କିନ୍ତୁ ଏବେ ଏମାନେ ତାଲିବାନି ତଥା ଏମାନଙ୍କୁ ସମର୍ଥନ କରୁଥିବା ଜେଲରୁ ମୁକୁଳିଥିବା ଅଭିଯୁକ୍ତଙ୍କ ଠାରୁ ପ୍ରାଣ ବଂଚାଇବାକୁ ଏଠି ସେଠି ବୁଲୁଛନ୍ତି । ଜେଲରୁ ବାହାରିବା ପରେ ଏମାନଙ୍କୁ ଜୀବନରୁ ମାରିଦେବାକୁ ଧମକ ଦେଇଛନ୍ତି ଅଭିଯୁକ୍ତ । ଏମାନଙ୍କ ମଧ୍ୟରୁ ୬ଜଣ ମହିଳା ଜଜଙ୍କ ସହ ଯୋଗଯୋଗ କରିଥିଲା ଗଣମାଧ୍ୟମ ପ୍ରତିନିଧି । ଏକାଧିକ ବ୍ୟକ୍ତିଙ୍କୁ ଜନୈକ ମହିଳା ଜଜ୍ ୨୦ ବର୍ଷ ଜେଲ ଦଣ୍ଡ ଦେଇଥିଲେ ।ଏହି ଅଭିଯୁକ୍ତ ତା’ର ପତ୍ନୀକୁ ଅତି ବର୍ବର ଭାବେ ଆକ୍ରମଣ କରିଥିଲା । ହେଲେ ଏବେ ତାଲିବାନିଙ୍କ ଦ୍ୱାରା ମୁକୁଳିବା ପରେ ଉକ୍ତ ମହିଳା ଜଜଙ୍କୁ ଫୋନରେ ଭଏସ୍ କଲ ଓ ମ୍ୟାସେଜ୍ ଜରିଆରେ ହତ୍ୟା ଧମକ ଦେଇଛନ୍ତି । ଜେଲରୁ ଜଜଙ୍କ ବିଷୟରେ ସମସ୍ତ ତଥ୍ୟା ଜାଣିପାରିଥିବା ଫୋନରେ କହିଛି ଅଭିଯୁକ୍ତ । ଏହି ଧମକ ପାଇବା ପରେ ମହିଳା ଜଜ୍ ମାନେ ରାତି ରାତି ଘର ଛାଡି ପଳାଇ ଆସିଥିଲେ । ବୁର୍ଖା ଭିତରେ ଥାଇ କାରରେ ଲୁଚି ପଳାଇଆସିଥିଲେ । ଏମାନଙ୍କ ପୁରୁଣା ଘରକୁ ଯାଇ ତାଲିବାନୀ ସମର୍ଥକ ଏମାନଙ୍କୁ ଖୋଜୁଛନ୍ତି । ପଡୋଶୀଙ୍କ ଠାରୁ ଏହି ଖବର ପାଇବା ପରେ ନିଜ ନିଜ ଫୋନ ନମ୍ବର ବଦଳାଇଛନ୍ତି ମହିଳା ଜଜ୍ । ଏବେ ନିଜ ଜୀବନକୁ ନେଇ ଶଙ୍କାରେ ଏହି ସମସ୍ତ ମହିଳା ଜଜ୍ । ଅନ୍ୟପଟେ ଗଣମାଧ୍ୟମ ପ୍ରତିନିଧି ଏନେଇ ପଚାରିବାରୁ ଏହାକୁ ଅସ୍ୱୀକାର କରିଛନ୍ତି ତାଲିବାନ୍ ପ୍ରବକ୍ତା ବିଲାଲ କରିମି ।