ଚୀନ ଡେଇଁ ଭାରତରେ ‘କୋରୋନା’ । ଓଡିଶାରେ ଖେଳିଲା ଭୟଙ୍କର ଭାଇରସର କୋକୁଆ ଭୟ । ସଂକ୍ରମଣ ପୂର୍ବରୁ ସତର୍କ ରହିବାକୁ ସରକାର ଜାରି କଲେ ଆଡଭାଇଜରି ।
କନକ ବ୍ୟୁରୋ : ଚୀନରେ ଭାଇରସ ବ୍ୟାପୁଛି, ସାରା ବିଶ୍ୱର ଚିନ୍ତା ବଢୁଛି । ଭୂତାଣୁ ଭୟ ଏବେ ଚୀନ୍ ଡେଇଁ ଭାରତରେ ପହଂଚିଛି । ବିଭିନ୍ନ ରାଜ୍ୟରେ ଏହି ଭାଇରସ୍ ଆତଙ୍କ ଖେଳାଇଥିବା ବେଳେ, ସତର୍କତା ନେଇ ଆଡଭାଇଜରି ଜାରି କରିଛନ୍ତି ଓଡିଶା ସରକାର । କୋରୋନା ଭାଇରସକୁ ନେଇ ଯେପରି ରାଜ୍ୟରେ କେହି ସଂକ୍ରମିତ ନହୁଅନ୍ତି, ସେନେଇ ସତର୍କ ରହିବାକୁ ବିମାନ ବନ୍ଦର, ରେଳବାଇ କର୍ତୃପକ୍ଷ ଏବଂ ପାରାଦୀପ ବନ୍ଦରକୁ ନିର୍ଦ୍ଦେଶ ଦେଇଛି ରାଜ୍ୟ ସ୍ୱାସ୍ଥ୍ୟ ବିଭାଗ ।
Kanak News is now on WhatsApp
Join and get latest news updates delivered to you via WhatsApp
ଏହି ମାରାତ୍ମକ ଭାଇସରର ମୁକାବିଲା ପାଇଁ ଉପଯୁକ୍ତ ପରିମାଣରେ ଔଷଧ, ଏବଂ ଲୋକମାନଙ୍କୁ କିଭଳି ସଚେତନ କରାଯିବ ସେନେଇ ଆଡଭାଇଜରିରେ କୁହାଯାଉଛି । ବିଶେଷ କରି କେରଳ, ତେଲେଙ୍ଗାନା ଏବଂ ମହାରାଷ୍ଟ୍ରରେ ଏହି କୋରୋନା ଭାଇରସ ବ୍ୟାପିଥିବାର ଖବର ପରେ, କୋରୋନା କବଳରେ ଯେଭଳି ଓଡିଶା ନଆସୁ, ସେନେଇ ତତ୍ପରତା ଦେଖାଇଛନ୍ତି ରାଜ୍ୟ ସରକାର ।
ଚୀନର ଏହି ଭୟଙ୍କର ଭାଇରସ ସଂକ୍ରମଣରେ ଚୀନର ୨୫ରୁ ଅଧିକ ଲୋକଙ୍କ ମୃତ୍ୟୁ ହୋଇଥିବା ବେଳେ ୮ ଶହରୁ ଅଧିକ ଲୋକ ସଂକ୍ରମିତ ହୋଇଛନ୍ତି । ଆଉ ସବୁଠାରୁ ବଡ କଥା ହେଉଛି, ମୁମ୍ବାଇର ୨ଜଣ ଲୋକ କୋରୋନା ଭାଇରସରେ ଆକ୍ରାନ୍ତ ହୋଇଥିବା ସୂଚନା ମିଳିବା ପରେ, ଏବେ ସବୁ ଭାରତୀୟଙ୍କୁ ଘାରିଛି ଭୂତାଣୁ ଭୟ । ଆଉ ଏହାରି ଭିତରେ ଯେଭଳି ଓଡିଶାରେ ଏହି ଭାଇରସର ଆତଙ୍କ ଦେଖାନଯାଏ, ସେନେଇ ସତର୍କ ସୂଚନା ଜାରି କରିଛନ୍ତି ଓଡିଶା ସରକାର ।