କଟକରେ ବେଧଡକ ଚାଲିଛି ନକଲି ସାମଗ୍ରୀ କାରବାର : ସଦରଥାନା ଅଂଚଳରୁ ଠାବ ହେଲା ନକଲି ଚା’ ପତି କାରଖାନା; ରେଡ୍ କରୁଛି ପୋଲିସ୍
କନକ ବ୍ୟୁରୋ : କଟକରେ ବଢୁଛି ନକଲି ସାମଗ୍ରୀର କାରବାର । କଟକ ସଦର ମୁକାମେଶ୍ୱର ଅଂଚଳରୁ ବିପୁଳ ପରିମାଣର ନକଲି ଚା ପତି ଜବତ ହୋଇଛି । ଆଜି ସକାଳୁ କଟକ ସଦର ପୁଲିସ କୌଣସି ସୁତ୍ରରୁ ଖବର ପାଇଁ ଚଢାଉ କରି ଏହି ସାମଗ୍ରୀ ଜବତ କରିଛି । ଉକ୍ତ କମ୍ପାନିରେ ଚଢ଼ାଉ କରିଥିବା ବେଳେ ପ୍ରାୟ ୪ କ୍ବିଣ୍ଟାଲ୍ରୁ ଅଧିକ ପରିମାଣର ନକଲି ଚା’ ପତି, ନାମୀଦାମୀ କମ୍ପାନିର ଲୋଗୋ, ଷ୍ଟିକର ଜବତ କରିବା ସହ ଜଣଙ୍କୁ ଅଟକ ରଖି ପଚରାଉଚରା ଜାରି ରଖିଛି । ଚା’ରେ ପତ୍ର ଓ କାଠ ଗୁଣ୍ଡ ମିଶ୍ରଣ କରାଯାଉଥିଲା ବୋଲି ଅଭିଯୋଗ ହୋଇଛି । ସେଠାରୁ ପୁଲିସ୍ ପତ୍ର ଓ କାଠ ଗୁଣ୍ଡ ଜବତ କରିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ, କଟକ ପାଲିଟିଛି ନକଲି ସାମଗ୍ରୀର ହବ୍ । ଗତ କିଛି ଦିନ ହେବ କଟକର ବିିଭନ୍ନ ଅଞ୍ଚଳରୁ କମିସନରେଟ୍ ପୁଲିସ ନକଲି ସସ୍, ଗୁଟଖା, ସୋୟାବଡ଼ି, ମସଲା, ଘିଅ କମ୍ପାନି ଠାବ କରି ଚଢ଼ାଉ କରିଥିବା ବେଳେ ଆଜି କଟକ ସଦର ଥାନା ମୁକାମେଶ୍ବର ଗ୍ରାମରେ ଏକ ନକଲି ଚା’ ପତି କମ୍ପାନି ଠାବ କରାଯାଇଛି। ବିଶେଷ ସୂତ୍ରରୁ ଖବର ପାଇ ସଦର ଥାନା ପୁଲିସ ଉକ୍ତ କମ୍ପାନିରେ ଚଢ଼ାଉ କରିଥିବା ବେଳେ ବିପୁଳ ପରିମାଣର ନକଲି ଚା’ ପତି ସମେତ ନାମୀଦାମୀ କମ୍ପାନିର ଲୋଗୋ, ଷ୍ଟିକର ଜବତ କରିବା ସହ ଜଣଙ୍କୁ ଅଟକ ରଖି ପଚରାଉଚରା କରାଯାଉଛି ।