ସାଇକୋ ଲେଡି ସସପେନ୍ସରେ ପଡିଲା ପୂର୍ଣ୍ଣଚ୍ଛେଦ । ମୁହଁ ଖୋଲିଲେ ମାନବପ୍ରେମୀଙ୍କ ଫେସବୁକ ପ୍ରେମିକା । କହିଲେ ମୁଁ ସାଇକୋ ନୁହଁ । ମୋର ସେମିତି କିଛି ସମସ୍ୟା ନାହିଁ । କାହିଁକି ମୋତେ ସାଇକୋ କୁହାଯାଇଛି ମୁଁ ଜାଣିପାରୁନି…
କନକ ବ୍ୟୁରୋ: ମାନବପ୍ରେମୀ ମୃତ୍ୟୁ ନେଇ ବଡ ଖବର । କନକ ନ୍ୟୁଜ କ୍ୟାମେରାରେ ‘ରହସ୍ୟମୟୀ’ ମହିଳା । ପ୍ରଥମ ଥର ପାଇଁ ଆସିଲା ଯୁବତୀଙ୍କ ବୟାନ । କ୍ୟାମେରା ଆଗରେ ମୁହଁ ଖୋଲିଲେ ଚିନ୍ମୟୀ ମହାପାତ୍ର । ଯେଉଁ ଯୁବତୀଙ୍କୁ ଆଦିତ୍ୟଙ୍କ ବାପା ସାଇକୋ ଲେଡି ବୋଲି କହୁଥିଲେ ଏବଂ ଆଦିତ୍ୟଙ୍କ ମୃତ୍ୟୁ ପଛରେ ତାଙ୍କର ହାତ ଥାଇପାରେ ବୋଲି ସନ୍ଦେହ କରିଥିଲେ । ଏହି ଘଟଣା ପରେ ଗଣମାଧ୍ୟମରେ ଏହି ଯୁବତୀଙ୍କୁ ନେଇ ଜୋରଦାର ଚର୍ଚ୍ଚା ଚାଲିଥିଲା । ଆଜି ଚିନ୍ମୟୀ କ୍ୟାମେରା ସାମନାକୁ ଆସିଛନ୍ତି ଏବଂ ସିଧା ସିଧା କହିଛନ୍ତି ଏଭଳି ଅଭିଯୋଗର କୌଣସି ସତ୍ୟତା ନାହିଁ ।
Kanak News is now on WhatsApp
Join and get latest news updates delivered to you via WhatsApp
ଚିନ୍ମୟୀ ସଫା ସଫା କହିଛନ୍ତିି କି ଆଦିତ୍ୟଙ୍କୁ ସେ ଭଲ ପାଉଥିଲେ, ଆଉ ଫେସବୁକରୁ ଆରମ୍ଭ ହୋଇଥିଲା ଏହି ପ୍ରେମ ସମ୍ପର୍କ । ଏପରିକି ଆଦିତ୍ୟଙ୍କ ଆଶ୍ରମକୁ ଆସିବା ସହିତ ତାଙ୍କ ସହିତ କଥା ମଧ୍ୟ ହୋଇଥିଲେ । ତାଙ୍କ ସହିତ ବହୁତ ଭଲ ସମ୍ପର୍କ ଥିଲା ଏବଂ ଜନ୍ମଦିନରେ ଶୁଭେଚ୍ଛା ମଧ୍ୟ ଜଣାଇଥିଲେ ।
ଆଦିତ୍ୟ ମୃତ୍ୟୁ ଘଟଣାରେ ଅନେକ ଅଛିଣ୍ଡା ଖିଅ ସନ୍ଦେହର ଅବକାଶ ସୃଷ୍ଟି କରିଛି । ଆଦିତ୍ୟ କଣ ଆତ୍ମହତ୍ୟା କରିଛନ୍ତି କି, ଯଦି କରିଛନ୍ତି କଣ କାରଣ ହୋଇଥାଇପାରେ ଏହିପରି ଅନେକ ପ୍ରଶ୍ନ ଉଠୁଥିବା ବେଳେ କ୍ରାଇମବ୍ରାଂଚ ଘଟଣାର ତଦନ୍ତ କରୁଛି ।ଆଉ ଏତିକି ବେଳେ ଏହି ଯୁବତୀ ଚିନ୍ମୟୀଙ୍କୁନେଇ ପ୍ରଶ୍ନ ଉଠାଇଥିଲେ ଆଦିତ୍ୟଙ୍କ ବାପା । ସାଇକୋ ବୋଲି ବାପାମାଆ ଓ ବିସ୍ମିତ କହିବା ପରେ ସାଇକୋ ଶବ୍ଦ ନେଇ ଆପତ୍ତି ଉଠାଇଛନ୍ତି ଚିନ୍ମୟୀ । ତାଙ୍କୁ କଣ ପାଇଁ ସାଇଲୋ ବୋଲି କୁହାଯାଉଛି । ତାଙ୍କର ସେମିତି କିଛି ମାନସିକ ସମସ୍ୟା ନାହିଁ ତେଣୁ ସାଇକୋ ଶବ୍ଦ ତାଙ୍କୁ ଆଘାତ ଦେଇଛି ବୋଲି ଚିନ୍ମୟୀ କହିଛନ୍ତି ।