ସାମନାକୁ ଆସିଲା ଆଦିତ୍ୟ ଦାସଙ୍କ ସୁଇସାଇଡ୍ ନୋଟର ସତ । ହ୍ୟାଣ୍ଡ ରାଇଟିଂ ବ୍ୟୁରୋ କହିଲା ଡାଏରୀରେ ନିଜେ ଲେଖିଛନ୍ତି ଆଦିତ୍ୟ ।
କନକ ବ୍ୟୁରୋ : ମାନବପ୍ରେମୀ ଆଦିତ୍ୟ ଦାସଙ୍କ ଡାଏରୀରୁ ପରଦା ହଟିଛି । ଡାଏରୀରେ ଥିବା ହାତଲେଖା, ଆଦିତ୍ୟଙ୍କର ବୋଲି ସ୍ପଷ୍ଟ କରିଛି ହ୍ୟାଣ୍ଡ ରାଇଟିଂ ବ୍ୟୁରୋ । ଏକ୍ସପର୍ଟଙ୍କ ମତାମତ ପରେ ଜିଆରପିକୁ ରିପୋର୍ଟ ହସ୍ତାନ୍ତର କରାଯାଇଛି । ସମାଜସେବୀ ଆଦିତ୍ୟ ଦାଶଙ୍କ ମୃତ ଦେହ ରେଳ ଧାରଣାରୁ ମିଳିବା ପରେ, ଏହାକୁ ନେଇ ତୀବ୍ର ପ୍ରତିକ୍ରିୟା ପ୍ରକାଶ ପାଇଥିଲା । ଏହାପରେ ତାଙ୍କର ହାତଲେଖା ଡାଏରୀ ଘଟଣାକୁ ଆହୁରି ରହସ୍ୟମୟ କରି ଦେଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଯେଉଁ ଡାଏରୀକୁ ନେଇ ସସପେନ୍ସ ଜାରି ରହିଥିଲା, ଯାହାକୁ ନେଇ ସୋସିଆଲ ମିଡିଆରେ ହଟଚମଟ ସୃଷ୍ଟି ହୋଇଥିଲା, ସେଥିରୁ ପରଦା ହଟିଛି । ଏହି ଚିଠି ସତ ଥିଲା, ଆଉ ଏହାକୁ ନିଜେ ଲେଖିଥିଲେ ଆଦିତ୍ୟ ଦାଶ । ଡାଏରୀରେ ଥିବା ହାତଲେଖା, ଆଦିତ୍ୟଙ୍କର ବୋଲି ସ୍ପଷ୍ଟ କରିଛି ହ୍ୟାଣ୍ଡ ରାଇଟିଂ ବ୍ୟୁରୋ । ଏକ୍ସପର୍ଟଙ୍କ ମତାମତ ପରେ ଜିଆରପିକୁ ଏହି ରିପୋର୍ଟ ହସ୍ତାନ୍ତର କରାଯାଇଛି ।ମୃତ୍ୟୁ ପୂର୍ବରୁ ଏହି ଡାଏରୀରେ ଆଦିତ୍ୟ ଅନେକ କିଛି ଲେଖିଛନ୍ତି । କିପରି ତାଙ୍କ ଅନ୍ତେ ତାଙ୍କର ବୃଦ୍ଧାଶ୍ରମ ଚାଲିବ, ଏ ନେଇ ବିସ୍ତୃତ ଭାବେ ଲେଖିଛନ୍ତି ଆଦିତ୍ୟ । ଏପରିକି ସେ ତାଙ୍କ ପତ୍ନୀଙ୍କୁ ମିସ୍ କରିବେ ବୋଲି ମଧ୍ୟ ଲେଖିଛନ୍ତି ।
ମୃତ୍ୟୁ ପୂର୍ବରୁ ଆଦିତ୍ୟ ଏକା ଏକା ଯାଉଥିବାର ସିସିଟିଭି ଫୁଟେଜ୍ ମଧ୍ୟ ବୁଧବାର ଦିନ ସାମ୍ନାକୁ ଆସିଥିଲା । ଏସବୁକୁ ନେଇ ଆଦିତ୍ୟଙ୍କ ମୃତ୍ୟୁ ମାମଲାର ପୂରା ରହସ୍ୟ ଖୋଲିବା ପାଇଁ ଉଦ୍ୟମ କରିବ ଜିଆରପି । ସମାଜସେବୀ ଆଦିତ୍ୟ ଦାଶଙ୍କ ମୃତ ଦେହ ରେଳ ଧାରଣାରୁ ମିଳିବା ପରେ, ଏହାକୁ ନେଇ ତୀବ୍ର ପ୍ରତିକ୍ରିୟା ପ୍ରକାଶ ପାଇଥିଲା । ଏହାପରେ ତାଙ୍କର ହାତଲେଖା ଡାଇରୀ ଘଟଣାକୁ ଆହୁରି ରହସ୍ୟମୟ କରି ଦେଇଥିଲା । ଏହା ଏକ ଆତ୍ମହତ୍ୟା ନୁହେଁ ଯୋଜନାବଦ୍ଧ ହତ୍ୟାକାଣ୍ଡ ବୋଲି ଆଦିତ୍ୟଙ୍କ ବନ୍ଧୁ ଓ ସେ ଗଢ଼ିଥିବା ସାମାଜିକ ସଂଗଠନର ସଦସ୍ୟମାନେ ଅଭିଯୋଗ ଆଣିବା ପରେ ହତ୍ୟା ମାମଲା ରୁଜୁ କରି ଛାନଭିନ ଆରମ୍ଭ କରିଥିଲା ପୋଲିସ । ମାମଲା ଆହୁରି ଗମ୍ଭୀର ହୋଇ ଯାଇଥିଲା, ଯେତେବେଳେ ଘଟଣା ଦିନ କୌଣସି ଲୋକଙ୍କୁ ଟ୍ରେନ ଧକ୍କା ଦେଇନଥିବା ନେଇ ବୟାନ ରଖିଥିଲେ ପୁରୁଷୋତମ ଏକ୍ସପ୍ରେସର ଡ୍ରାଇଭର ।
ଏହି ମାମଲାରେ ଆଦିତ୍ୟଙ୍କ ସାଙ୍ଗ, ତାଙ୍କର ପତ୍ନୀ, ଶ୍ୱଶୁର ଘର ଲୋକଙ୍କ ବୟାନ୍ ରେକର୍ଡ କରିଛି ଜିଆରପି । ଡାଏରୀର ହାତଲେଖା ଆଦିତ୍ୟଙ୍କର ଜଣାପଡିବା ପରେ ମାମଲା ଏବେ କେଉଁ ମୋଡ ନେବ, ତଦନ୍ତ କେଉଁ ଆଡକୁ ଯିବ, ତା’ଉପରେ ସମସ୍ତଙ୍କ ନଜର ରହିଛି ।