କନକ ବ୍ୟୁରୋ : କଂଗ୍ରେସକୁ ବୁଡାଇବାରେ ବିରୋଧୀଙ୍କ ଭୂମିକା ଠାରୁ କଂଗ୍ରେସ ନେତାଙ୍କ ଭୂମିକା ଏବେ ବଢିବାରେ ଲାଗିଛି । ପ୍ରଥମେ ୨୦୧୪ ରେ କଂଗ୍ରେସ ମୁକ୍ତ ଡାକରା ଦେଇଥିବା ବିଜେପି ଏବେ କଂଗ୍ରେସ ନେତାଙ୍କୁ ନିଜ ସପକ୍ଷରେ ନେବା ସଫଳ ହେଉଛି । ବିଜେପିରେ ଏବେ ଅନେକ କଂଗ୍ରେସ ନେତା ମନ୍ତ୍ରୀ, ସାଂସଦ ଓ ବିଧାୟକ ପଦରେ ରହିଛନ୍ତି । ଏହାସହ ମମତା ବାନାର୍ଜୀବି କିଛିଦିନ ହେବ ପଶ୍ଚିମବଙ୍ଗ ଠାରୁ ଆରମ୍ଭ କରି ଦେଶର ଭିନ୍ନ ଭିନ୍ନ ରାଜ୍ୟରୁ କଂଗ୍ରେସ ନେତାଙ୍କୁ ଦଳରେ ସାମିଲ କରିବାକୁ ଲାଗିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଗତକାଲି ବିହାର ଯୁବ କଂଗ୍ରେସ ନେତା କିର୍ତ୍ତୀ ଆଜାଦ କଂଗ୍ରେସ ଛାଡି ଟିଏମସିରେ ଯୋଗ ଦେଇଥିବା ବେଳେ ଆଜି ୟୁପି ରାଏବରେଲିରୁ କଂଗ୍ରେସ ଟିକେଟରୁ ବିଧାୟକ ଭାବେ ନିର୍ବାଚିତ ହୋଇଥିବା ଅଦିତି ସିଂ ବିଜେପିରେ ସାମିଲ ହୋଇଛନ୍ତି । କେବଳ ଅଦିତି ସିଂ ନୁହଁନ୍ତିି ଆଜମଗଡର ବିଏସପି ବିଧାୟକ ବନ୍ଧନା ସିଂ ବି ବିଜେପିରେ ଯୋଗ ଦେଇଛନ୍ତି । ଏହି କ୍ରମରେ ୟୁପି ବିଜେପି ଅଧ୍ୟକ୍ଷ ସ୍ୱତନ୍ତ୍ରଦେବ ସିଂ ସେମାନଙ୍କୁ ଦଳରେ ସାମିଲ କରି ସଦସ୍ୟତା ଦେଇଛନ୍ତି ।
ଅଦିତି ସିଂ ୨୦୧୭ ରେ ରାଏବରେଲି ସଦର ବିଧାନସଭାର ପ୍ରଥମଥର ପାଇଁ କଂଗ୍ରେସ ଟିକେଟରୁ ବିଧାୟିକା ଭାବେ ନିର୍ବାଚିତ ହୋଇଥିଲେ । ବିଧାୟିକା ଠାରୁ ତାଙ୍କର ସବୁଠାରୁ ବଡ ପରିଚୟ ହେଉଛି ସେ ବାହୁବଳୀ ଅଖିଳେଶ ସିଂଙ୍କ ଝିଅ । ଅଖିଳେଶ ସିଂ ୫ ଥଇର ବିଧାୟକ ହେବା ପରେ ତାଙ୍କର ମୃତ୍ୟୁ ହୋଇଥିଲା ।
भाजपा प्रदेश कार्यालय में विभिन्न दलों के लोग पार्टी की सदस्यता ग्रहण करते हुए…#BJP4UP https://t.co/9tJ8PZmGHA
— BJP Uttar Pradesh (@BJP4UP) November 24, 2021
ଅଦିତି କିଛିଦିନ ହେବ ନିଜ ଦଳ ଓ ନେତାଙ୍କ ବିରୋଧରେ ମୋର୍ଚ୍ଚା ଖୋଲି ବିଶେଷ ଭାବେ ପ୍ରିୟଙ୍କା ଗାନ୍ଧୀଙ୍କୁ ଟାର୍ଗେଟ କରିବାରେ ଲାଗିଥିଲେ । ଏନେଇ ଦଳ ତାଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ନେଇ ନଥିଲେ ବି ସେ ସ୍ୱତଃପ୍ରବୃତ ଭାବେ କଂଗ୍ରେସ ଛାଡି ବିଜେପିରେ ଯୋଗ ଦେଇଛନ୍ତି ।