‘ଆଦିପୁରୁଷ ସମସ୍ତଙ୍କ ଭାବନାକୁ ଆହତ କରିଛି, ମୁଁ ହାତ ଯୋଡି କ୍ଷମା ମାଗୁଛି’ : ଟ୍ୱିଟ୍ ଜରିଆରେ ଦେଶବାସୀ ମନୋଜ ମୁନ୍ତସିରଙ୍କ କ୍ଷମା ପ୍ରାର୍ଥନା

କନକ ବ୍ୟୁରୋ: ନିର୍ଦ୍ଦେଶକ ଓମ୍ ରାଉତଙ୍କ ଫିଲ୍ମ ‘ଆଦିପୁରୁଷ’ ରିଲିଜ ହେବା ପରେ ଆଜିଯାଏଁ ବିବାଦ ଏହାର ପିଛା ଛାଡୁନି । ପୁରା ଫିଲ୍ମ ପ୍ରକୃତ ରାମାୟଣ କଥାବସ୍ତୁକୁ କଦର୍ଥ କରୁଛି । ବିଶେଷ କରି ଏହାର ସଂଳାପ ହିନ୍ଦୁ ସନାତନ ଧାର୍ମିକ ଭାବନାକୁ ଆହତ କରୁଛି ବୋଲି ବିରୋଧାଭାଷ ପ୍ରକାଶ ପାଇବା ପରେ ଏନେଇ ଦେଶବାସୀଙ୍କୁ କ୍ଷମା ପ୍ରାର୍ଥନା କରିଛନ୍ତି ସଂଳାପ ଲେଖକ ମନୋଜ ମୁନ୍ତସିର ।

मैं स्वीकार करता हूँ कि फ़िल्म आदिपुरुष से जन भावनायें आहत हुईं हैं.
अपने सभी भाइयों-बहनों, बड़ों, पूज्य साधु-संतों और श्री राम के भक्तों से, मैं हाथ जोड़ कर, बिना शर्त क्षमा माँगता हूँ.
भगवान बजरंग बली हम सब पर कृपा करें, हमें एक और अटूट रहकर अपने पवित्र सनातन और महान देश की…

— Manoj Muntashir Shukla (@manojmuntashir) July 8, 2023

‘ଆଦିପୁରୁଷ’ର ସଂଳାପକୁ ନେଇ ଟ୍ରୋଲ ହେବା ପରେ ଟ୍ୱିଟ୍ କରି ଦେଶବାସୀଙ୍କୁ ନିଃସର୍ତ୍ତ କ୍ଷମା ପ୍ରାର୍ଥନା କରିଛନ୍ତି ମନୋଜ ମୁନ୍ତସିର । ଟ୍ୱିଟ୍ କରି ମୁନ୍ତସିର ଲେଖିଛନ୍ତି ଯେ, ‘ ସାଧୁ ସନ୍ଥ ଓ ଶ୍ରୀରାମଙ୍କ ଭକ୍ତଙ୍କ ଭାବନାକୁ ଆଘାତ କରିଥିବାରୁ ସେ କ୍ଷମା ମାଗୁଛନ୍ତି । ମୁଁ ସ୍ୱୀକାର କରୁଛି ଯେ ଫିଲ୍ମ ଆଦିପୁରୁଷ ଜନସାଧାରଣଙ୍କ ଧାର୍ମିକ ଭାବନାକୁ ଆଘାତ ଦେଇଛି । ତେଣୁ ସବୁ ବଡ ଭାଇ ଭଉଣୀ, ପୂଜ୍ୟ ସାଧୁସନ୍ଥ ଓ ଶ୍ରୀରାମଙ୍କ ଭକ୍ତଙ୍କୁ ହାତ ଯୋଡି ବିନା ସର୍ତ୍ତରେ କ୍ଷମା ମାଗୁଛନ୍ତି । ଭଗବାନ ବଜରାଙ୍ଗବାଲି ସମସ୍ତଙ୍କ ଉପରେ କୃପା କରନ୍ତୁ । ଏବଂ ଆଗକୁ ଧୈର୍ଯ୍ୟର ସହ ନବିତ୍ର ସନାତନ ଓ ମହାନ ଦେଶର ସେବା କରିବାକୁ ସକ୍ଷମ ହୋଇପାରୁ’ ।