କନକ ବ୍ୟୁରୋ: ସେରମ ଇନଷ୍ଟିଚ୍ୟୁଟରେ ହୋଇଥିବା ଅଗ୍ନିକାଣ୍ଡ ଦ୍ୱାରା ପ୍ରଭାବିତ ହେବନି କୋଭିସିଲ୍ଡ ଟିକା ଉତ୍ପାଦନ । ଏନେଇ ସୂଚନା ଦେଇଛନ୍ତି ସେରମ୍ ମୁଖ୍ୟ ଅଦାର ପୁନାୱାଲା । ସେ କହିଛନ୍ତି ଯେ, ନିଆଁ ଲାଗିଥିବା ଯୋଗୁଁ କମ୍ପାନୀକୁ ଆର୍ଥିକ କ୍ଷତି ହୋଇଥିଲେ ମଧ୍ୟ କୋଭିସିଲ୍ଡ ଟିକା ଉତ୍ପାଦନରେ ଏହାର କୌଣସି ପ୍ରଭାବ ପଡିବନି ।
Kanak News is now on WhatsApp
Join and get latest news updates delivered to you via WhatsApp
ଗୁରୁବାର ଦିନ ଟିକା ପ୍ରସ୍ତୁତ କରୁଥିବା ପୁଣେର ସିରମ ଇନଷ୍ଟିଚ୍ୟୁଟର ନୂଆ ପ୍ଲାଂଟରେ ବଡ ଧରଣର ଅଗ୍ନିକାଣ୍ଡ ଘଟିଥିଲା । ଏହି ଘଟଣାରେ ଇନଷ୍ଟିଚ୍ୟୁଟର ୫ ଜଣ କର୍ମଚାରୀ ପ୍ରାଣ ହରାଇଥିଲେ । ପ୍ଲାଂଟ ଭିତରେ ଏମାନେ ନିର୍ମାଣଧୀନ ଅଟ୍ଟାଳିକାରେ କାମ କରୁଥିଲେ । ଦୁର୍ଘଟଣାସ୍ଥଳରୁ ୭ରୁ ଅଧିକ ଲୋକଙ୍କୁ ଉଦ୍ଧାର କରାଯାଇଥିଲା ।
ଇନଷ୍ଟିଚ୍ୟୁଟର ନୂଆ ଫ୍ଲାଟରେ ଗୁରୁବାର ଦିନ ପ୍ରାୟ ୨ଟା ୩୦ରେ ନିଆଁ ଲାଗିଥିଲା । ତେବେ ଟିକା ପ୍ରସ୍ତୁତ ହେଉଥିବା ପ୍ଲାଂଟରେ ନିଆଁ ଲାଗିନଥିଲା । ଏହାର ଦେଢ କିଲୋମିଟର ଦୂରରେ ଥିବା ନୂଆ ପ୍ଲାଂଟରେ ନିଆଁ ଲାଗିଥିଲା । ପ୍ରାୟ ୩ ଶହ କୋଟି ଟଙ୍କାରେ ସେରମର ଏହି ନୂଆ ପ୍ଲାଂଟ ନିର୍ମାଣ ହୋଇଥିଲା । ଏଠାରୁ ଟିକା ଉତ୍ପାଦନ କରାଯିବାର ଲକ୍ଷ୍ୟ ଥିଲା । ଗତବର୍ଷ ସ୍ୱାସ୍ଥ୍ୟମନ୍ତ୍ରୀ ଏହି ପ୍ଲାଂଟକୁ ଉଦଘାଟନ କରିଥିଲେ । କିନ୍ତୁ ବର୍ତମାନ ସୁଦ୍ଧା ଏଠାରୁ ଉତ୍ପାଦନ ଆରମ୍ଭ ହୋଇନଥିଲା । ପାଂଚ ମହଲା ବିଶିଷ୍ଟ ଏହି ପ୍ଲାଂଟରୁ ଅଳ୍ପଦିନ ମଧ୍ୟରେ ଟିକା ଉତ୍ପାଦନ ହେବାର ଥିଲା । ଅଗ୍ନିକାଣ୍ଡର ତଦନ୍ତ ପାଇଁ ମହାରାଷ୍ଟ୍ର ସରକାର ନିର୍ଦ୍ଦେଶ ଦେଇଛନ୍ତି ।