ମୁମ୍ବାଇରେ ଆଦାନୀ ଗ୍ରୁପର ୬ ହଜାର କିଲୋର ଲୁହାପୋଲ ଚୋରି, ୪ଜଣ ଗିରଫ
କନକ ବ୍ୟୁରୋ : ଆଦାନୀ କମ୍ପାନୀ ତରଫରୁ ନିର୍ମାଣ ହୋଇଥିବା ଏକ ଲୁହାପୋଲ ଚୋରି ହୋଇଯାଇଛି । ଏହି ମାମଲାରେ ମୁମ୍ବାଇ ପୋଲିସ ୪ଜଣଙ୍କୁ ଗିରଫ କରିଛି । ଏହି ପୋଲଟି ପଶ୍ଚିମ ଉପନଗରରେ ଗୋଟିଏ ନାଳ ଉପରେ ନିର୍ମାଣ ହୋଇଥିଲା । ଏହି ପୋଲ ନିର୍ମାଣ ପାଇଁ ୬ହଜାର କିଲୋଗ୍ରାମର ଲୁହା ବ୍ୟବହାର କରାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ବାଙ୍ଗୁରନଗର ଥାନାର ଅଧିକାରୀ କହିଛନ୍ତି କି, ମଲାଡ ୱେଷ୍ଟରେ ୯୦ ଫୁଟ ଲମ୍ବର ଏକ ପୋଲ ଓଡାନଲ ଇଲେକ୍ଟ୍ରିସିଟି କମ୍ପାନୀ ଦ୍ୱାରା ବିଜୁଳି ତାର ବଦଳାଇବାକୁ ରଖା ଯାଇଥିଲା । ହେଲେ ନାଳ ଉପରେ ସ୍ଥାୟୀ ପୋଲ ନିର୍ମାଣ ହେବା ପରେ ଅସ୍ଥାୟୀ ଲୁହାପୋଲକୁ କିଛି ଦୂରକୁ ସ୍ଥାନାନ୍ତର କରାଯାଇଥିଲା । ହେଲେ ଜୁନ ୨୬ ତାରିଖରେ ଅଚାନକ ପୋଲଟି ଗାଏବ ହୋଇଯାଇଥିଲା । ଏନେଇ ବିଜୁଳି କମ୍ପାନୀ ଥାନାରେ ଅଭିଯୋଗ କରିଥିଲା ।
ଏହି ଅଭିଯୋଗ ଉପରେ ଯାଂଚ କରି ପୋଲିସ ୪ଜଣଙ୍କୁ ଗିରଫ କରିଛି । ଗିରଫ ହୋଇଥିବା ବ୍ୟକ୍ତିମାନଙ୍କ ମଧ୍ୟରୁ ଜଣେ ବ୍ୟକ୍ତି ସେହିପୋଲ ନିର୍ମାଣ ପାଇଁ ଠିକା ନେଇଥିଲା ଓ ଅନ୍ୟ ୩ଜଣ ତାର ସହଯୋଗୀ । କେବଳ ଚୋରମାନଙ୍କୁ ଗିରଫ କରାଯାଇନାହିଁ ବରଂ ଚୋରି ହୋଇଥିବା ପୋଲକୁ ପୋଲିସ ଉଦ୍ଧାର କରିଛି । ସୂଚନା ଥାଉକି ଏହା ପୂର୍ବରୁ ବିହାରରେ ସମାନ ଢଙ୍ଗରେ ମଧ୍ୟ ଏକ ପୋଲ ଚୋରି ହୋଇଥିବା ଅଭିଯୋଗ ହୋଇଥିଲା ।
କହିରଖୁ କି ଆଦାନୀ ଗ୍ରୁପ ମୁମ୍ବାଇ ଓ ତାର ଆଖପାଖ ଅଞ୍ଚଳକୁ ବିଦ୍ୟୁତ ଯୋଗାଣ କରୁଛି । ଏନେଇ ମୁମ୍ବାଇ ମହାନଗରରେ ଆଦାନୀ କମ୍ପାନୀ ତରଫରୁ ଅନେକ ପ୍ରୋଜେକ୍ଟ ନିର୍ମାଣ କରାଯାଉଛି । ଇଲେକ୍ଟ୍ରି ତାର ବଦଳାଇବା ପାଇଁ କମ୍ପାନୀ ତରଫରୁ ଏହି ୬ହଜାର କିଲୋର ଏକ ପୋଲ ନିର୍ମାଣ କରାଯାଇଥିଲା ।